Gwefan llywodraeth y DU

Newidiadau i reolau trwyddedau gyrru ar gyfer gyrwyr bysiau a lorïau

O 19 Ionawr 2013 ymlaen, bydd rheolau trwyddedau gyrru ar gyfer gyrwyr bysiau a lorïau yn newid. I gael gwybod mwy am y newidiadau, dilynwch y ddolen isod.

• Gyrwyr bysiau a lorïau - cyfnodau dilysrwydd newydd ar gyfer trwyddedau

Sut mae adnewyddu’ch hawl

Bydd yr Asiantaeth Trwyddedu Gyrwyr a Cherbydau (DVLA) yn anfon ffurflen D47P, sef 'cais i adnewyddu hawl i yrru lori a bws' a ffurflen D4, sef 'adroddiad archwiliad meddygol', atoch 56 diwrnod cyn i'ch hawl i yrru ddod i ben.

Os oes gennych drwydded yrru cerdyn-llun

Bydd angen i chi wneud y canlynol:

• llenwi'r ffurflen D47P
• gofyn i feddyg lenwi'r ffurflen D4 - bydd y meddyg fel arfer yn codi ffi am lenwi'r adroddiad a bydd y rheini sydd wedi cofrestru ar gyfer TAW yn codi 20 y cant ar ben eu ffi
• anfon y ffurflenni wedi'u llenwi i DVLA, Abertawe SA99 1BR

Bydd neges ar eich ffurflen D47P yn dweud wrthych a yw'n amser i chi adnewyddu'ch llun, ac os yw'n amser ei adnewyddu, bydd angen i chi gynnwys llun math pasbort newydd a ffi o £20.00. Dim ond os oes angen adnewyddu'r llun y bydd angen i chi gynnwys y ffi.

Os yw'ch enw wedi newid bydd angen i chi anfon y canlynol yn ogystal â'r uchod:

• ffurflen D2 wedi'i llenwi, sef 'cais am drwydded yrru cerbyd nwyddau mawr (LGV) neu drwydded yrru cerbyd cludo teithwyr (PCV), ar gael gan wasanaeth archebu ffurflenni y DVLA
• dogfen wreiddiol yn cadarnhau bod eich enw wedi newid

• Gwasanaeth archebu ffurflenni DVLA Opens new window

• Dogfennau adnabod

Adnewyddu heb ffurflen D47P, sef 'cais i adnewyddu hawl i yrru lori a bws'

Os na fyddwch, am unrhyw reswm, yn cael y ffurflenni'n eich atgoffa i wneud cais, gallwch lenwi ffurflen D2 gyda ffurflen D4, sydd ar gael gan wasanaeth archebu ffurflenni'r DVLA.

Bydd angen i chi hefyd edrych ar y dyddiad y mae oes eich llun yn dod i ben ar eich trwydded yrru. Os yw'n dod i ben yn fuan iawn bydd angen ei adnewyddu cyn y dyddiad daw i ben. Gellir gweld y dyddiad y bydd eich llun yn dod i ben yn adran 4b ar flaen eich trwydded yrru.

• Gwasanaeth archebu ffurflenni’r DVLA Opens new window

Os oes gennych drwydded yrru bapur

Bydd angen i chi wneud y canlynol:

• llenwi ffurflen D47P a D4
• anfon dogfennau gwreiddiol yn cadarnhau pwy ydych chi
• amgáu llun math pasbort
• anfon eich ffurflen, eich dogfennau a llun i DVLA, Abertawe, SA99 1BR neu gallwch ddefnyddio'r gwasanaeth gwirio premiwm sydd ar gael mewn rhai canghennau Swyddfa'r Post® neu o swyddfeydd DVLA lleol

Gallwch hefyd ddefnyddio ffurflen D2 gyda'r ffurflen D4, os na chewch y ffurflen D47P drwy'r post. Nid oes angen unrhyw ffi gyda'r cais hwn.

• Dogfennau adnabod a'r gofynion ar gyfer y llun

• Gwasanaeth gwirio premiwm

Pryd fydd eich trwydded yn cyrraedd

Nod DVLA yw sicrhau eich bod yn cael eich trwydded yrru o fewn tair wythnos i dderbyn eich cais. Bydd yn cymryd mwy o amser os oes rhaid archwilio cyflwr eich iechyd neu'ch manylion personol.

Pan fyddwch yn cael eich trwydded, bydd ganddi nifer o nodweddion diogelwch ychwanegol. Un o'r prif newidiadau ar y drwydded yw'r llun du a gwyn ohonoch a grëir gan laser.

• Egluro'r drwydded yrru cerdyn-llun a'r rhan bapur

Gyrru cyn i'ch trwydded gael ei dychwelyd

Unwaith y bydd DVLA wedi cael eich cais dilys, cewch yrru cyn i chi gael eich trwydded cyn belled â bod y canlynol yn wir:

• mae gennych drwydded Gwledydd Prydain neu drwydded Gogledd Iwerddon, neu drwydded gyfnewid arall, a honno gennych er 1 Ionawr 1976
• nid ydych wedi'ch gwahardd rhag gyrru (bydd y comisiynydd traffig ar gyfer eich ardal yn penderfynu a roddir hawl i chi yrru'r cerbydau hyn)
• nid ydych wedi cael eich gwrthod trwydded am resymau meddygol neu am fethu â chydymffurfio ag ymholiadau meddygol
• ni fyddwch yn cael eich gwrthod trwydded am resymau meddygol (os oes gennych amheuaeth, holwch eich meddyg)
• rydych yn bodloni unrhyw amodau arbennig sy’n berthnasol i'r drwydded
  

Mwy o ddolenni defnyddiol

Mae'n rhaid i chi roi gwybod i'r DVLA os ydych chi wedi dioddef neu'n dioddef ar hyn o bryd o gyflwr meddygol a allai amharu ar eich gyrru.

• Rheolau meddygol ar gyfer pob gyrrwr

Os ydych chi'n gwneud cais am drwydded LGV neu PCV, neu os oes gennych chi un eisoes, bydd rhaid i'ch ymddygiad wrth yrru fod o safon uwch.

• Eich ymddygiad wrth yrru cerbydau mwy, bysiau mini neu fysiau