Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Egluro'r drwydded yrru cerdyn-llun a rhan bapur

Mae eich trwydded yrru yn cynnwys cerdyn-llun a rhan bapur. Mae'r ddwy ran yn cynnwys gwybodaeth allweddol, gan gynnwys eich manylion personol, cerbydau y mae gennych hawl i'w gyrru (dros dro ac yn llawn) ac unrhyw ardystiadau a all fod gennych.

Newidiadau i fath y drwydded yrru

O 19 Ionawr 2013 bydd pob trwydded yrru a gyhoeddir gan yr Asiantaeth Trwyddedu Gyrwyr a Cherbydau (DVLA) mewn fformat newydd. I gael gwybod mwy am y newid hwn, dilynwch y ddolen isod.

Egluro dyluniad newydd y cerdyn trwydded yrru

Egluro'r drwydded yrru cerdyn-llun

Bydd eich cerdyn-llun yn cynnwys eich enw llawn, eich dyddiad geni, eich gwlad enedigol a'ch cyfeiriad.

Bydd hefyd yn cynnwys eich rhif gyrrwr, rhif cyhoeddi, dyddiad dechrau a therfyn eich trwydded cerdyn-llun a chopi electronig o'ch llun a'ch llofnod.

Bydd blaen y cerdyn-llun yn dangos y cerbydau y mae gennych hawl i'w gyrru. Os oes gennych drwydded lawn, dangosir eich hawl dros dro ar y rhan bapur.

Os oes gennych drwydded dros dro, dangosir eich hawl dros dro ar flaen eich cerdyn-llun.

Egluro'r rhan bapur y drwydded yrru

Bydd rhan bapur eich trwydded yn cynnwys eich enw llawn a'ch cyfeiriad. Bydd hefyd yn cynnwys rhif cyfeirnod a rhif cyhoeddi eich trwydded bapur a chopi electronig o'ch llofnod.

Bydd y rhan bapur yn dangos unrhyw ardystiadau a all fod gennych ac unrhyw hawl dros dro os oes gennych drwydded lawn.

Gallwch gael mwy o wybodaeth am y cerdyn-llun a'r drwydded bapur ar y daflen 'Gwybodaeth am drwyddedau gyrru' INS57P.

Download 'Gwybodaeth am drwyddedau gyrru INS57P' (PDF, 1348K)

Adnewyddu eich trwydded yrru os yw ar goll, wedi'i dwyn, ei difetha neu ei dinistrio

Os ydych wedi colli eich cerdyn-llun a/neu eich trwydded bapur rhaid i chi wneud cais am drwydded newydd am nad yw'r drwydded yn ddilys oni bai bod gennych y ddwy ran. Gallwch wneud hyn drwy ddefnyddio gwasanaeth ar-lein diogel DVLA.

Gwneud cais ar-lein i gael trwydded yrru newydd

Nodweddion diogelwch

Mae'r drwydded yrru cerdyn-llun a'r rhan bapur yn cynnwys sawl nodwedd ddiogelwch nad oeddent ar gael ar yr hen fersiynau. Un o'r prif wahaniaethau rhwng y ddau yw bod llun du a gwyn ar y cerdyn-llun newydd yn hytrach na llun lliw fel oedd ar yr hen fersiwn.

Mae gan y drwydded yrru wyneb cyffyrddadwy (wedi'i godi), testun cyffyrddadwy wedi'i ysgythru, lliwiau sy'n newid a dyluniadau cefndirol cymhleth hefyd.

Gallwch gael mwy o fanylion am y nodweddion diogelwch newydd yn y daflen 'Trwydded yrru y DU - nodweddion diogelwch lefel 1' IN60/7. Mae'r wybodaeth ar y dudalen hon ar gael ar daflenni 'Esbonio eich trwydded yrru cerdyn-llun' INF45 a 'Eich trwydded yrru newydd' INF45/1.