Gwefan llywodraeth y DU

Datgan incwm o osod llety tramor

Rhaid i chi ddatgan unrhyw incwm a gewch o osod llety tramor ar dudalennau tramor atodol y ffurflen dreth Hunanasesiad.

Bydd faint o dreth y byddwch yn ei thalu yn dibynnu ar ba un a ydych yn 'preswylio' yn y DU, yn 'preswylio'n arferol' neu â'ch 'domisil' yma:

Preswylio

• os ydych chi yn y DU am 183 diwrnod neu fwy mewn blwyddyn dreth, rydych yn 'breswylydd' am y flwyddyn honno at ddibenion treth
• os dowch i fyw yn y DU yn barhaol neu i aros am dair blynedd neu fwy, rydych yn preswylio o’r dyddiad cyrraedd
• os yw’ch presenoldeb yn y DU yn dod yn rhan o batrwm rheolaidd eich bywyd dros gyfnod o amryw o flynyddoedd
  

Preswylio'n arferol

Domisil

Gallwch fod yn fwy nag un o'r rhain - neu yr un ohonynt.

• Llety gwyliau wedi’i ddodrefnu: newidiadau i’r rheolau – 2011-12 ymlaen Opens new window

• HMRC6 – Preswylio, Domisil a’r Sail Taliad Opens new window

• Canllaw Cyllid a Thollau EM ar breswylio Opens new window

Os ydych chi'n preswylio, yn preswylio'n arferol ac â'ch domisil yn y DU

Os ydych chi’n preswylio, yn preswylio’n arferol ac â’ch domisil yn y DU, bydd rhaid ichi dalu treth ar unrhyw incwm o osod. Mae hyn yn gymwys pa un a ddygir yr incwm hwnnw i'r DU neu ddim -asesiad 'ar sail codi' (arising basis) yw'r enw a roddir ar hwn.

Cyfrifo'ch elw trethadwy

Fel gydag incwm o fusnes rhentu yn y DU, byddwch yn cyfrifo'r 'elw net' (neu golled net) ar gyfer eich holl fusnes gosod llety tramor fel petai'n un busnes. I wneud hyn rydych yn:

• adio'ch holl incwm rhent
• adio'ch holl gostau sy'n cael eu caniatáu
• tynnu'r costau o'r incwm

I gyrraedd eich elw trethadwy, gallwch ddidynnu rhai lwfansau o'ch elw net. Bydd eich elw terfynol yn cyfrif fel rhan o'ch incwm trethadwy cyffredinol, a byddwch yn talu treth arno yn ôl eich cyfraddau arferol.

Costau a lwfansau - beth sy'n cyfrif?

Gallwch ddidynnu'r un costau a lwfansau o incwm o osod eiddo tramor ag ar gyfer incwm gosod eiddo yn y DU gan gynnwys costau teithio. Rhaid i'r costau fod yn gyfan gwbl gysylltiedig â rhedeg y busnes gosod eiddo.

• Treuliau a lwfansau ar incwm o eiddo

Elw a cholledion o eiddo tramor gwahanol

Oherwydd bod yr holl eiddo a osodir dramor yn cael eu hystyried yn un busnes, mae colledion o un eiddo tramor yn cael eu gosod yn awtomatig yn erbyn yr elw a wneir o'r gweddill. Ac os gwnewch golled cyffredinol, gallwch osod hwn yn erbyn elw a wneir o rentu dramor yn y dyfodol.

Ond mae busnesau gosod eiddo tramor ac yn y DU yn cael eu trethu ar wahân - ni ellir gosod colledion a wneir ar un yn erbyn yr elw a wneir o'r llall. Os oes gennych letyau gwyliau yn yr Ardal Economaidd Ewropeaidd (AEE), mae angen i chi eu trin ar wahân.

• Llety gwyliau wedi’i ddodrefnu: newidiadau i’r rheolau – 2011-12 ymlaen Opens new window

Os ydych chi'n preswylio, ond heb fod yn preswylio'n arferol neu heb fod â'ch domisil yn y DU

Os ydych chi’n preswylio, ond heb fod yn ‘preswylio’n arferol’ neu heb fod â’ch ‘domisil’ yn y DU, gallwch hawlio i gael eich trethu ond ar yr incwm a dderbyniwyd yn y DU. 'Ar sail taliad' (remittance basis) yw'r enw a roddir ar hyn.

• HMRC6 – Preswylio, Domisil a’r Sail Taliad Opens new window

Beth sy'n digwydd os ydych eisoes wedi talu treth ar yr incwm tramor?

Os ydych eisoes wedi talu treth ar eich incwm rhent dramor gallwch fel arfer hawlio credyd yn erbyn y dreth y bydd yn rhaid ichi ei thalu arno yn y DU.

Neu gallwch ddidynnu'r dreth dramor o'ch incwm rhent tramor pan fyddwch yn cyfrifo'r elw y byddwch yn talu treth arno yn y DU.

Cofnodi gwybodaeth ar eich ffurflen dreth

Os ydych yn hawlio gostyngiad credyd treth dramor, bydd angen ichi ddangos ar wahân:

• yr elw a'r golled ar bob eiddo
• faint o dreth dramor a dalwyd ar bob un

Os nad ydych yn hawlio gostyngiad, adiwch eich holl incwm a chostau o osod eiddo tramor a dangoswch yr elw neu'r golled fel un ffigur.

• Taflen gymorth HS261 – Gostyngiad Credyd Treth Dramor: enillion cyfalaf Opens new window

• SA106 – Nodiadau tramor Opens new window

Beth i'w wneud am gyfraddau cyfnewid

Pan fyddwch yn cyfrifo'ch incwm trethadwy, bydd rhaid ichi ei drosi yn bunnoedd sterling. Defnyddiwch y gyfradd gyfnewid a oedd yn berthnasol pan oedd y rhent yn ddyledus (neu pan ddaethoch ag ef i'r DU os nad ydych yn byw yn y DU yn barhaol).

• Gweld y cyfraddau cyfnewid tramor Opens new window

Treth os byddwch yn cael gwared ar eich eiddo tramor

Os byddwch yn cael gwared ar eich eiddo (e.e. ei werthu neu ei roi i ffwrdd) efallai y bydd yn rhaid ichi dalu treth dramor. Efallai hefyd y bydd yn rhaid ichi dalu Treth Enillion Cyfalaf yn y DU. Lle mae Treth Enillion Cyfalaf yn ddyledus gallwch fel arfer gael credyd ar gyfer treth dramor rydych wedi’i thalu ar yr un ennill.

Os ydych chi'n preswylio, a/neu'n preswylio'n arferol ac â'ch domisil yn y DU

Bydd yn rhaid ichi dalu Treth Enillion Cyfalaf pa un a ydych yn dod â'r enillion i mewn i'r DU neu beidio.

Os ydych chi'n preswylio a/neu'n preswylio'n arferol ond os nad ydych â'ch domisil yn y DU

Efallai mai dim ond ar enillion y byddwch yn eu trosglwyddo i'r DU y bydd yn rhaid ichi dalu'r dreth (pa un a wnaethpwyd yr enillion yn y flwyddyn gyfredol neu mewn blwyddyn flaenorol).

• Treth Enillion Cyfalaf

• Taflen gymorth HS261 – Gostyngiad Credyd Treth Dramor: enillion cyfalaf Opens new window

• Download ‘Gostyngiad credyd treth dramor ar enillion cyfalaf – nodiadau cymorth tudalennau tramor’ (dogfen PDF, 187K) Opens new window

• Cymorth gyda ffeiliau PDF

Mwy o ddolenni defnyddiol

• Treth ar incwm o gynilion tramor a buddsoddiadau tramor

• SA106 tudalennau tramor a nodiadau canllaw – Ffurflen dreth Hunanasesu Opens new window

• Morgeisi prynu-i-osod – Y Gwasanaeth Cynghori Ariannol Opens new window

Cysylltiadau defnyddiol

• Cysylltiadau arian, treth a budd-daliadau