Gwefan llywodraeth y DU

Beth yw Treth Stamp ar Dir

Treth ar bris tir ac adeiladau yw’r Treth Stamp. Pan fyddwch yn prynu eiddo neu'n ymgymryd â les, mae'n bosib y bydd yn rhaid i chi dalu Treth Stamp ar Dir.

Talu Treth Stamp ar Dir

Os byddwch yn prynu naill ai eiddo rhydd-ddaliad neu les-ddaliad a bod y pris prynu yn fwy na £125,000, byddwch yn talu gwerth rhwng un a 15 y cant o’r pris prynu llawn o Dreth Stamp ar Dir. Gweler y tabl isod i gael rhagor o fanylion.

Os yw'r pris prynu yn £125,000 neu’n llai, does dim rhaid i chi dalu dim Treth Stamp ar Dir.

Gallwch weld cyfraddau cyfredol y Dreth Stamp ar Dir ar wefan Cyllid a Thollau EM.

• Cyfraddau Treth Stamp ar Dir ar wefan Cyllid a Thollau EM Opens new window

Gostyngiad Treth Stamp ar Dir ar gyfer Ardaloedd dan Anfantais

Os byddwch yn prynu eiddo mewn ardal a ddynodwyd gan y llywodraeth fel ardal ‘dan anfantais’ mae’n bosib y byddwch yn gymwys i gael Gostyngiad ar gyfer Ardaloedd dan Anfantais. Yn yr achos hwn, £150,000 yw’r trothwy ar gyfer y Dreth Stamp ar Dir.

• Mwy am y Gostyngiad ar gyfer Ardaloedd dan Anfantais – Gwefan Cyllid a Thollau EM Opens new window

Gallwch fynd ar wefan Cyllid a Thollau EM i weld a yw'r eiddo rydych yn ei brynu mewn ardal a ddynodwyd yn ‘ardal dan anfantais’. (Bydd angen i chi sgrolio i lawr i ddefnyddio'r cyfleuster chwilio am god post.)

• Mwy am ardaloedd cymwys gan Gyllid a Thollau EM Opens new window

• Defnyddio cyfleuster chwilio am god post y Gostyngiad ar gyfer Ardaloedd dan Anfantais – Cyllid a Thollau EM Opens new window

Cartrefi di-garbon

Ceir gostyngiad Treth Stamp ar Dir ar gyfer cartrefi di-garbon. Mae pob tŷ cymwys dan £500,000 wedi’i eithrio, a bydd bil Treth Stamp ar Dir tai dros £500,000 yn cael ei leihau £15,000.

Beth yw di-garbon?

Gall tŷ di-garbon gael ei gysylltu â'r prif gyflenwadau trydan a nwy, ond mae angen iddo fod â digon o bŵer adnewyddadwy ychwanegol i bweru defnydd cyfartalog tŷ mewn blwyddyn.

Er mwyn cyflawni hyn, bydd yn rhaid insiwleiddio ffabrig yr adeilad a'i adeiladu at safonau uchel iawn, a bydd angen i'r tŷ ddefnyddio technolegau ynni adnewyddadwy.

Rhaid i gartref di-garbon fod yn ‘ddi-garbon’ dros gyfnod o flwyddyn.

• Mwy am gartrefi di-garbon Opens new window

Gwaith papur

Fel prynwr yr eiddo, chi sy'n gyfrifol am lenwi ffurflen prynu a gwerthu'r tir a thalu'r Dreth Stamp ar Dir.

Ond, yn ymarferol, eich cyfreithiwr neu drawsgludwr trwyddedig fydd yn gwneud hyn i chi fel arfer a'i hanfon at Gyllid a Thollau EM ar eich rhan.

Dylech sicrhau bod yr holl wybodaeth ar y ffurflen yn gywir ac yn gyflawn cyn llofnodi'r datganiad.

Mwy o ddolenni defnyddiol

• Morgeisi - sut maen nhw'n gweithio a ble i ddod o hyd i un

• Cynllunio i brynu cartref

Cysylltiadau defnyddiol

• Cysylltiadau arian, treth a budd-daliadau