Gwefan llywodraeth y DU

Treth ar werthu eich prif gartref

Does dim rhaid i chi dalu treth ar yr amod:

• eich bod wedi'i brynu, ac wedi gwario arno, yn bennaf i'w ddefnyddio fel eich cartref yn hytrach na gyda'r bwriad o wneud elw ar ei werthiant
• mai'r eiddo oedd eich unig gartref gydol y cyfnod yr oeddech yn berchen arno (gan anwybyddu'r tair blynedd diwethaf o berchnogaeth)
• eich bod wedi'i ddefnyddio fel eich cartref gydol yr amser yr oeddech yn berchen arno, ac nad oeddech, yn ystod y cyfnod hwnnw, wedi'i ddefnyddio at unrhyw bwrpas arall heblaw fel cartref i chi, eich teulu a dim mwy nag un lletywr
• nad yw'r ardd a'r tiroedd a werthwyd gyda'r eiddo yn fwy na 5,000 metr sgwâr (tua un erw a hanner) gan gynnwys safle'r eiddo

Os ydych yn briod neu mewn partneriaeth sifil a heb wahanu, dim ond un eiddo o'r fath y gallwch chi a'ch partner priod neu bartner sifil ei gael rhyngoch.

Hyd yn oed os na fodlonir yr holl amodau hyn, efallai fod gennych hawl i ostyngiad treth o hyd.

• Hanfodion gostyngiad treth ar eiddo preswyl preifat wrth werthu eich cartref

Treth ar eiddo nad yw'n brif gartref ichi

Fel arfer bydd gennych enillion trethadwy os yw eich eiddo'n werth mwy na'r hyn y taloch amdano pan fyddwch yn ei werthu neu'n cael gwared arno. Fodd bynnag, mae £10,600 cyntaf cyfanswm eich enillion trethadwy yn ddi-dreth am y flwyddyn dreth 2011-12.

Mae'n werth cofio'r canlynol:

• wrth gyfrifo'r enillion trethadwy, gallwch ddidynnu rhai o gostau prynu, gwerthu a gwella'r eiddo
• os ydych wedi gwneud colled ar yr eiddo, efallai y gallwch osod y golled yn erbyn enillion trethadwy eraill fydd gennych o bosibl
• os ydych yn byw gyda’ch gilydd gallwch drosglwyddo eiddo i’ch gŵr, gwraig neu bartner sifil heb orfod talu Treth Enillion Cyfalaf
• os byddwch yn ei roi neu'n ei werthu'n rhad i'ch plant neu i eraill, efallai y bydd yn rhaid ichi dalu Treth Enillion Cyfalaf
  

• Mwy am hanfodion y Dreth Enillion Cyfalaf

• Mwy am bartneriaethau sifil Opens new window

Pa waith papur fydd yn rhaid ei gadw?

Mae Cyllid a Thollau EM yn argymell eich bod yn cadw'r wybodaeth a'r dogfennau canlynol mewn perthynas â'r eiddo:

• contractau ar gyfer prynu neu werthu, prydlesu neu gyfnewid yr eiddo
• unrhyw ddogfennau sy'n disgrifio eiddo yr ydych wedi'i gael ond nad oeddech wedi'i brynu eich hun: er enghraifft, rhodd neu etifeddiaeth
• manylion unrhyw eiddo yr ydych wedi'i roi i ffwrdd neu ei roi mewn ymddiriedolaeth
• copïau o unrhyw brisiadau a ystyriwyd wrth ichi gyfrifo'r enillion neu'r colledion
• biliau, anfonebau neu dystiolaeth arall o gofnodion talu megis datganiadau banc a bonion sieciau am gostau yr ydych yn eu hawlio ar gyfer prynu, gwella neu werthu'r eiddo

Doeth hefyd fyddai cadw gohebiaeth gyda phrynwyr neu werthwyr hyd at amser gwerthu'r eiddo.

Mwy o ddolenni defnyddiol

• Hanfodion y Dreth Enillion Cyfalaf

• Gwybodaeth am dreth ar brynu eiddo

• Gwerthu eich cartref (adran y cartref a’r gymuned)

• Symud i'ch cartref newydd (adran y cartref a’r gymuned)

• Dod o hyd i ysgol newydd pan fyddwch yn symud (adran addysg a dysgu)

• Treth Enillion Cyfalaf ar gyfer busnesau ar wefan Business Link Opens new window

Cysylltiadau defnyddiol

• Cysylltiadau arian, treth a budd-daliadau