Gwefan llywodraeth y DU

Ffyrdd o adael rhoddion i elusen yn eich ewyllys

Os oes angen talu Treth Etifeddu ar eich ystad, gallech leihau'r swm sy'n ddyledus drwy ddewis rhoi arian i elusen.

Gallwch naill ai adael swm penodol (a elwir yn ‘Gymynrodd Ariannol’), neu adael rhan o’ch ystad neu’ch ystad gyfan ar ôl i’r rhoddion eraill gael eu dosbarthu (a elwir yn ‘Rhodd Weddilliol’).

Gallwch wneud hyn drwy’ch ewyllys, neu drwy ddatganiad i’r ysgutorion neu’r cynrychiolwyr personol, gan roi cyfarwyddiadau ynghylch sut rydych yn dymuno i'ch cymynrodd gael ei dosbarthu. Os ydych yn gadael arian i elusen, nodwch yn glir i ba elusen rydych am roi'ch rhodd (a nodi cangen leol os oes angen).

Mae rhoddion y byddwch yn eu gwneud i elusen neu i Glwb Chwaraeon Amatur Cymunedol yn y saith mlynedd cyn i chi farw wedi'u heithrio rhag y Dreth Etifeddu.

• Treth Etifeddu - yn fras

• Rhoddion sydd wedi'u heithrio rhag y Dreth Etifeddu

Ble i gael cyngor

Gall sefydliadau megis Cyngor Ar Bopeth ac Age UK roi cyngor annibynnol am ddim i chi ynghylch gwneud ewyllys.

Gallwch hefyd ysgrifennu’ch ewyllys eich hun ar ffurflen barod sydd ar gael mewn siopau deunydd ysgrifennu.

Mae’n syniad da i chi ddefnyddio twrnai neu ofyn i dwrnai edrych ar ewyllys rydych wedi’i hysgrifennu er mwyn gwneud yn siŵr ei bod yn ddilys ac y caiff eich dymuniadau eu gwireddu.

• Dod o hyd i'ch Canolfan Cyngor Ar Bopeth agosaf

• Cael cyngor am ddim ar wneud ewyllys gan Age UK

Cysylltu â Llinell Gymorth Elusennau Cyllid a Thollau EM

I gael rhagor o wybodaeth, gallwch gysylltu â'r Llinell Gymorth Elusennau.

Mwy o ddolenni defnyddiol

• Gwneud ewyllys (adran llywodraeth, dinasyddion a hawliau)

• Rhesymau ariannol dros wneud ewyllys

• Sut mae prisio ystad rhywun sydd wedi marw - gwybodaeth sylfaenol

• Dewis a defnyddio cynghorydd ariannol