Gwefan llywodraeth y DU

Beth yw cyngor ariannol?

Pan fyddwch yn cael cyngor ariannol, bydd yr ymgynghorydd ariannol yn edrych ar eich anghenion a'ch amgylchiadau unigol ac yn argymell cynnyrch ariannol a fydd yn eu diwallu.

Os prynwch heb gyngor, nid oes gennych gymaint o warchodaeth â phetaech yn prynu gyda chyngor.

• Cael cymorth gyda phenderfyniadau ariannol – y Gwasanaeth Cynghori Ariannol Opens new window

Beth mae cyngor ariannol yn ei olygu?

Yr Awdurdod Gwasanaethau Ariannol sy'n rheoleiddio'r cyngor ariannol ar gyfer y rhan fwyaf o fuddsoddiadau, morgeisi ac yswiriant cyffredinol neu yswiriant gwarchod taliadau. I weld y manylion, dilynwch y dolenni isod. Os byddwch yn cael cyngor anaddas am y cynhyrchion hyn, mae trefn gwyno ffurfiol ar gael a threfn ar gyfer unioni'r sefyllfa.

• Sut i gwyno os cewch chi gyngor ariannol gwael Opens new window

Sut i ganfod a yw cwmni wedi'i awdurdodi

Gallwch ganfod a yw cwmni neu unigolyn wedi'u hawdurdodi i roi cyngor drwy ddefnyddio Cofrestr ar-lein yr Awdurdod Gwasanaethau Ariannol.

• Defnyddio Cofrestr ar-lein yr Awdurdod Gwasanaethau Ariannol Opens new window

Ymgynghorwyr ariannol a'r wybodaeth a ddarparant

Mae rhai ymgynghorwyr yn arbenigo mewn un maes, megis yswiriant, buddsoddiadau neu forgeisi, tra bo eraill yn delio gyda sawl maes.

Mae’r wybodaeth y byddwch yn ei derbyn yn dibynnu ar y buddsoddiad ond yn gyffredinol byddwch yn cael gwybodaeth ynghylch:

• y gwasanaethau sydd ar gael a faint fyddant yn eu costio
• y cynnyrch yr ydych yn ei brynu

Os byddwch yn prynu cynnyrch lle byddwch yn buddsoddi megis pensiwn, yna byddwch hefyd yn derbyn datganiad blynyddol sy’n dangos perfformiad eich buddsoddiad a faint o gostau yr ydych wedi eu talu.

Bydd y costau’n amrywio o gwmni i gwmni, ac o fuddsoddiad i fuddsoddiad. Dylech gael gwybod beth fydd lefel y costau cyn i chi brynu’r cynnyrch, naill ai gan eich ymgynghorydd (os oes gennych un), neu’r darparwr. Defnyddir y costau i dalu comisiwn i’r ymgynghorydd, i dalu costau gweinyddu ac i dalu’r rheolwr cronfeydd.

• Cael cyngor ariannol – gwybodaeth gan yr Awdurdod Gwasanaethau Ariannol Opens new window

• Defnyddio gwasanaeth archwiliad iechyd ariannol yr Awdurdod Gwasanaethau Ariannol Opens new window

Sut i ddod o hyd i ymgynghorydd ariannol

Mae ymgynghorwyr ariannol wedi'u rhestru mewn llyfrau ffôn a thudalennau busnes, ac ar y rhyngrwyd. Gallwch hefyd ofyn i ffrindiau am argymhellion personol.

Mae gan y rhan fwyaf o fanciau a chymdeithasau adeiladu ymgynghorwyr ariannol hefyd. Cofiwch eu bod yn aml wedi eu clymu i werthu cynnyrch eu cwmni, neu ystod gyfyngedig o gynnyrch eraill. Dylech wirio pob tro bod y cwmni wedi'i awdurdodi gan yr Awdurdod Gwasanaethau Ariannol cyn i chi rhoi eich arian iddynt.

• Defnyddio Cofrestr ar-lein yr Awdurdod Gwasanaethau Ariannol Opens new window

Mwy o ddolenni defnyddiol

• Y prif ffyrdd o gynilo neu fuddsoddi eich arian

• Mathau o bensiynau (adran pensiynau a chynllunio ar gyfer ymddeol)

• Treth ar arbedion a buddsoddiadau

Cysylltiadau defnyddiol

• Cysylltiadau arian, treth a budd-daliadau