Gwefan llywodraeth y DU

Rhoi arian os ydych yn rhiant neu'n llysriant

Does dim terfyn ar faint y gallwch ei roi neu ei fuddsoddi ar gyfer eich plant neu'ch wyrion. Ond mae'n bosibl y bydd y llog yn cael ei drethu fel eich incwm chi:

Mae gan rieni derfynau ar wahân

Mae gan bob rhiant derfyn ar wahân o £100. Felly, os bydd y ddau riant yn cyfrannu'r un swm, gallai eich plentyn cael llog o £200 y flwyddyn heb i'r naill na'r llall ohonoch orfod talu treth arno.

Mae terfyn ar wahân o £100 ar gyfer pob llysriant hefyd.

• Mwy am y terfyn arbennig o £100 ar gyfer rhieni a llysrieni Opens new window

Rhoddion a wneir gan neiniau a theidiau a gofalwyr

Dim ond i rieni a llysrieni y mae'r terfyn o £100 yn berthnasol. Gallwch roi gymaint ag y dymunwch i'ch wyrion neu i blant pobl eraill - ni fydd y llog yn cael ei drethu fel eich incwm chi. Fodd bynnag, efallai y bydd y plant yn gorfod talu treth etifeddu ar y swm y byddant yn ei dderbyn a thalu treth ar y llog o'r incwm o'u cynilion.

• Rhoddion sydd wedi'u heithrio rhag y Dreth Etifeddu

• Llog banciau a chymdeithasau adeiladu – Plant – canllaw Cyllid a Thollau EM Opens new window

Treth ar incwm plant

Mae gan eich plant lwfans di-dreth personol bob blwyddyn (£8,105 ar gyfer blwyddyn dreth 2012-2013). Gallant gael y swm incwm hwn (yn cynnwys llog) yn y flwyddyn heb orfod talu unrhyw dreth.

Gall rhiant wneud cais i log o gyfrif banc neu gymdeithas adeiladu eu plentyn gael ei dalu heb i dreth gael ei didynnu ohono:

• os yw cyfanswm incwm y plentyn yn llai na'i lwfans di-dreth
• os nad yw'r plentyn yn cael mwy na £100 o log o'r arian a roddir iddynt (neu a fuddsoddir ar eu rhan) gan riant

Gallwch wneud cais gan ddefnyddio ffurflen R85 Cyllid a Thollau EM. Rhowch y ffurflen wedi’i llenwi i’r banc neu’r gymdeithas adeiladu. Dylai ffurflen R40 gael ei llenwi i hawlio ad-daliad os ydych chi’n credu yr ydych wedi talu gormod o dreth ar log o’ch cynilion yn barod.

• Cael llog di-dreth ar gynilion neu hawlio treth yn ôl

• Ffurflen R85 a thaflen gymorth R85 Opens new window

• Ffurflen R40 – Cais am ad-daliad Opens new window

Treth Etifeddu ar roddion

Os byddwch yn rhoi arian i'ch plant neu'ch wyrion (neu i blant yr ydych yn gofalu amdanynt) gall eithriadau i'r Dreth Etifeddu olygu nad oes yn rhaid talu treth arno. Os byddwch yn marw o fewn saith mlynedd i roi'r arian, efallai y bydd rhywfaint o Dreth Etifeddu i'w thalu.

• Rhoddion sydd wedi'u heithrio rhag y Dreth Etifeddu

Cynilion di-dreth ar gyfer plant

Mae nifer o gynlluniau cynilo di-dreth y gallech eu defnyddio ar gyfer eich plant.

Y Gronfa Ymddiriedolaeth Plant

Mae’r Gronfa Ymddiriedolaeth Plant yn gyfrif di-dreth hirdymor ar gyfer plant sydd wedi eu geni rhwng 1 Medi 2002 a 2 Ionawr 2011 yn unig.

Gall eich plentyn fel arfer fod yn gymwys am gyfrif:

• os cawsoch eich talu Budd-dal Plant DU am y plentyn hwnna am o leiaf un diwrnod cyn 4 Ionawr 2011
• os mae eich plentyn yn byw yn y DU
• nid yw’ch plentyn yn destun i unrhyw gyfyngiadau mewnfudo

Bydd Cyllid a Thollau EM yn anfon taleb atoch i agor cyfrif. Gall y daleb fod gwerth £50 neu £250 gan ddibynnu ar bryd ganed eich babi. Gallwch gael taliad ychwanegol hefyd os er enghraifft eich bod ar incwm isel.

Gall unrhyw un rhoi arian mewn i gyfrif plentyn. O 1 Tachwedd 2011, y cyfyngiad ar gyfer yr holl gyfraniadau yw £3,600 y flwyddyn. Ni fydd yna dreth i dalu ar unrhyw log neu enillion. Dim ond pan fydd eich plentyn yn cyrraedd 18 y byddant yn gallu defnyddio’r arian yn y cyfrif.

• Cael gwybod mwy am y Gronfa Ymddiriedolaeth Plant

Cyfrifon Cynilo Unigol (ISAs) i Bobl Iau

Cyfrifon cynilo di-dreth hirdymor i blant o dan 18 oed sydd heb gyfrif Cronfa Ymddiriedolaeth Plant (CTF) yw ISAs i Bobl Iau. O 1 Tachwedd 2011, gall eich plentyn gael ISA i Bobl Iau:

• os yw o dan 18 oed
• os yw'n byw yn y DU
• os nad yw'n gymwys i gael cyfrif CTF

Mae’r arian mewn cyfrif Cynilo Unigol Plant yn eiddo i’r plentyn ac ni ellir tynnu’r arian allan o’r cyfrif nes bod y plentyn yn 18 oed.

• ISAs i Bobl Iau

Bondiau Bonws Plant (NS&I)

Gallwch fuddsoddi rhwng £25 a £3,000 am bum mlynedd. Mae'r llog a'r bonws sydd wedi'i warantu yn ddi-dreth i chi a'ch plant.

• Mwy am Gynilion a Buddsoddiadau Cenedlaethol

Cynnyrch cynilo eraill

Mae cynnyrch cynilo eraill ar gael y gallech eu hystyried ar gyfer plant. Gan nad yw'r rhain wedi'u cynllunio'n benodol ar gyfer plant mewn rhai achosion bydd rhaid i chi reoli'r cyfrif hyd nes i'r plentyn gyrraedd oed penodol.

• Darllen mwy am gynlluniau cynilo arian a chyfrifon i blant

Rhoi arian mewn ymddiriedolaeth deulu

Gallwch ddefnyddio ymddiriedolaeth deulu i ofalu am arian a darparu incwm i blant nad ydynt yn gallu rheoli eu materion eu hunain.

Mae sefydlu ymddiriedolaeth yn waith cymhleth felly efallai yr hoffech weithio gyda chyfrifydd neu gynghorydd treth. Bydd angen i chi roi gwybod i Gyllid a Thollau EM os ydych yn sefydlu ymddiriedolaeth.

• Ymddiriedolaethau: gwybodaeth sylfaenol

Mwy o ddolenni defnyddiol

• Cynilion a Buddsoddiadau Cenedlaethol Opens new window

Cysylltiadau defnyddiol

• Cysylltiadau arian, treth a budd-daliadau