Gwefan llywodraeth y DU

NS&I, banciau a chymdeithasau adeiladu – y gwahaniaeth

Mae banciau a chymdeithasau adeiladu yn sefydliadau preifat. Pan fyddwch yn cynilo gyda banc neu gymdeithas adeiladu, caiff eich arian fel arfer ei ail-fuddsoddi er mwyn gwneud elw, a gaiff ei rannu rhwng aelodau a/neu gyfranddalwyr y sefydliad.

Mae NS&I yn adran o'r llywodraeth sy'n cynnig cynilo a buddsoddi i'r cyhoedd. Nid yw'r un fath â chynilo gyda banc neu gymdeithas adeiladu. Yn hytrach, rydych yn benthyca eich arian i'r llywodraeth er mwyn ariannu gwariant cyhoeddus. Yn gyfnewid am hyn, mae’r llywodraeth yn talu llog, enillion sy’n gysylltiedig â’r farchnad stoc neu wobrau am Fondiau Premiwm.

Mathau o gynlluniau cynilo a buddsoddi NS&I

Mae NS&I yn cynnig amrywiaeth o gynlluniau cynilo a buddsoddi. Mae’r rhain wedi’u rhannu’n gategorïau fel a ganlyn:

Di-dreth

Yn ogystal â’i ISA Uniongyrchol, mae gan NS&I amrywiaeth o fuddsoddiadau nad oes angen talu Treth Enillion Cyfalaf na Threth Incwm y DU ar yr enillion.

• Rhagor o wybodaeth ynghylch cynilion di-dreth gan NS&I Opens new window

Cynnyrch incwm

Dewis o fuddsoddiadau ar gyfradd sefydlog neu ar gyfradd amrywiol, gan dalu’r llog fel incwm misol.

• Mwy o wybodaeth am gynnyrch incwm Opens new window

Cyfrifon cynilo syml

Cyfrifon cynilo diffwdan at unrhyw ddiben.

• Mwy o wybodaeth am gyfrifon cynilo Opens new window

Gweld yr amrywiaeth eang

Yn ychwanegol i’r mathau uchod o gynhyrchion, mae gan NS&I gynhyrchion eraill o fewn yr amrywiaeth a allai fod o ddiddordeb i chi.

• Mwy ynghylch amrywiaeth llawn NS&I Opens new window

Cofrestru i gael diweddariadau gan NS&I

Mae’n werth cofio nad yw rhai o fuddsoddiadau NS&I ar werth yn gyffredinol bob amser. Dim ond mewn Dyraniadau (Issues) cyfyngedig y maent ar gael. Gallwch wneud yn siŵr eich bod yn cael yr wybodaeth ddiweddaraf gan NS&I bob amser, gan gynnwys gwybodaeth am ryddhau Dyraniadau newydd, newidiadau mewn cyfraddau llog, newyddion a chystadlaethau. Yr unig beth sydd angen i chi ei wneud yw dilyn y ddolen isod a chofrestru i gael diweddariadau NS&I dros e-bost.

• Gwneud cais am ddiweddariadau gan NS&I Opens new window

Rhagor o wybodaeth

Mae’r hyn sydd ar gael a'u manylion yn newid o bryd i'w gilydd. Gallwch gael yr wybodaeth ddiweddaraf drwy ymweld â gwefan NS&I isod. Neu, gallwch ffonio NS&I yn rhad ac am ddim ar 0500 007 007, rhwng 7.00 am a hanner nos, saith diwrnod yr wythnos. Efallai na fydd galwadau o ffonau symudol a rhai darparwyr llinellau tri am ddim. Mae’n bosib y bydd galwadau’n cael eu recordio.

Os ydych yn credu bod gennych fuddsoddiad nad yw bellach yn cael ei werthu gan NS&I ac yr hoffech gael rhagor o wybodaeth, ewch i'r dudalen 'Cynhyrchion nad ydynt bellach ar werth' ar wefan NS&I isod.

• Cynnyrch a gynigir gan Gynilion a Buddsoddiadau Cenedlaethol ar hyn o bryd Opens new window

• Ymweld â gwefan NS&I Opens new window

• Cynhyrchion NS&I nad ydynt bellach ar werth Opens new window

Penderfynu a ddylech fuddsoddi gyda NS&I ai peidio

Os ydych yn chwilio am rywle i gynilo sy'n sicrhau bod eich cynilion yn ddiogel, gallai NS&I fod yn ddewis da. Fodd bynnag, mae'n bosib y bydd angen i chi ystyried opsiynau cynilo a buddsoddi eraill os byddai'n well gennych dderbyn rhywfaint o risg am y cyfle i gael enillion uwch.

Er mwyn eich helpu gyda’ch penderfyniad, efallai y byddwch am ymweld â ‘You & your money’, gwefan a ddarperir gan NS&I sy’n cynnwys gwybodaeth ariannol ymarferol ac annibynnol (gweler y ddolen isod). Mae’n lle gwych i ddechrau os ydych chi’n chwilio am adnodd syml ar gyfer cyllid personol, nad yw’n defnyddio jargon.

Gallwch hefyd gael gafael ar bamffledi sy’n crynhoi rhai o adrannau allweddol y wefan mewn rhai siopau WHSmith.

Beth bynnag fo'ch amgylchiadau, mae'n bwysig eich bod yn ystyried yr holl opsiynau sydd ar gael cyn penderfynu lle i roi eich cynilion. Os oes gennych unrhyw amheuaeth, cysylltwch ag ymgynghorydd ariannol annibynnol.

• Dewis a defnyddio cynghorydd ariannol

• Mwy ynghylch cynilion – Gwasanaeth Cynghori Ariannol Opens new window

• Ymweld â You & your money Opens new window

Agor cyfrif

Os byddwch yn penderfynu eich bod am gynilo gydag NS&I, ewch i wefan NS&I a defnyddiwch y canllaw ar-lein i’ch helpu i ddod o hyd i'r cynnyrch cynilo gorau ar eich cyfer chi.

• Canllaw ar-lein NS&I 'Helpwch fi i benderfynu' Opens new window

Gallwch hefyd ffonio llinell ymholiadau cwsmeriaid NS&I yn rhad ac am ddim ar 0500 007 007, rhwng 7.00 am a hanner nos, saith diwrnod yr wythnos. Efallai na fydd galwadau o ffonau symudol a rhai darparwyr llinellau tir am ddim. Mae’n bosib y bydd galwadau’n cael eu recordio.

Gallwch agor cyfrif neu fuddsoddi:

• ar-lein
• dros y ffôn
• drwy'r post
• yn bersonol yn un o ganghennau Swyddfa’r Post

Efallai y bydd rhai gwaharddiadau yn gymwys – gallwch ymweld â gwefan NS&I am ragor o wybodaeth.

Mwy o ddolenni defnyddiol

• Treth ar gyfrifon banc a chymdeithasau adeiladu

• Cynilo a buddsoddi gydag ISAs

• Rhagor o wybodaeth ynglŷn â llog banc a chymdeithas adeiladu gan Gyllid a Thollau EM Opens new window

• Arweiniad i dreth ar log banc a chymdeithas adeiladu (dogfen PDF, 564K) Opens new window

• Cymorth gyda ffeiliau PDF

Cysylltiadau defnyddiol

• Cysylltiadau arian, treth a budd-daliadau

• Cymorth a chyngor am ddim