Gwefan llywodraeth y DU

Mathau o fuddsoddiadau bond

Gall buddsoddiadau bondiau gynnwys:

Bondiau corfforaethol

Cyhoeddir bondiau corfforaethol gan gwmnïau fel ffordd o godi arian i fuddsoddi yn eu busnes. Mae ganddynt 'werth nominal' (£100 fel arfer), sef y swm a fydd yn cael ei ddychwelyd i'r buddsoddwr ar ddyddiad datganedig yn y dyfodol ('y dyddiad ad-dalu'). Maent hefyd yn talu cyfradd llog ddatganedig bob blwyddyn - sefydlog fel arfer. Prynir a gwerthir bondiau corfforaethol ar y farchnad stoc a gall eu pris godi neu ostwng.

Giltiau (bondiau'r llywodraeth)

Bondiau a gyhoeddir gan y llywodraeth yw giltiau (neu 'stociau ymyl aur') sy'n talu cyfradd llog sefydlog ddwywaith y flwyddyn. Fe'u hystyrir yn fuddsoddiadau diogel gan nad yw'r llywodraeth yn debygol o fynd i'r wal neu beidio â thalu'r taliadau llog.

Fodd bynnag, does dim sicrwydd y cewch eich holl gyfalaf yn ôl bob tro. Mae giltiau, fel bondiau corfforaethol, yn cael eu prynu a'u gwerthu ar y farchnad stoc lle gall eu pris godi neu ostwng.

Gellir prynu a gwerthu giltiau drwy froceriaid, banciau'r stryd fawr neu drwy Swyddfa Rheoli Dyledion y llywodraeth (DMO) sy'n cyhoeddi canllaw i brynu giltiau.

Cronfeydd bond

Mae cronfeydd bond yn buddsoddi mewn sawl bond (yn cynnwys bondiau corfforaethol a bondiau'r llywodraeth) gyda gwahanol gyfraddau llog a dyddiadau ad-dalu gwahanol. Mae hyn yn lleihau'r risg i'ch cyfalaf. Ond oherwydd y cymysgedd o fuddsoddiadau, nid yw cronfeydd bond yn gallu addo elw sefydlog; maent, yn hytrach, yn anelu am 'elw targed'.

I gael rhagor o wybodaeth am fondiau ewch i wefan y Gwasanaeth Cynghori Ariannol.

• Mwy am fondiau – y Gwasanaeth Cynghori Ariannol Opens new window

• Darllen mwy am brynu a gwerthu giltiau ar wefan DMO Opens new window

Mwy o ddolenni defnyddiol

• Cael help i brynu buddsoddiadau Opens new window

Cysylltiadau defnyddiol

• Cysylltiadau arian, treth a budd-daliadau

• Cymorth a chyngor am ddim