Gwefan llywodraeth y DU

Archwilio'ch incwm a'ch gwariant

Mae'n syniad da gwirio'n rheolaidd a yw eich incwm:

• yn ddigon i'ch gadael gydag arian dros ben
• dim ond yn ddigon i dalu am eich gwariant
• heb fod yn ddigon ar gyfer eich gwariant, fel bo gennych ddiffyg

Gallwch ddefnyddio'r cyfrifiannell cyllidebu ar-lein ar wefan y Gwasanaeth Cyngor am Arian i gymharu'ch gwariant gyda'ch incwm.

Os oes gennych arian dros ben, chwiliwch am opsiynau cynilo/buddsoddi sy'n addas i'ch amgylchiadau chi ac a fydd yn rhoi mwy o elw i chi.

Os oes gennych ddiffyg bydd angen i chi gymryd camau i leihau eich gwariant a/neu gynyddu eich incwm. Os ydych yn pryderu am ddyledion, gallwch gael cyngor di-dâl.

• Ble i gael cyngor a chymorth ar ddyled

• Defnyddio cynlluniwr cyllidebu'r Gwasanaeth Cynghori Ariannol Opens new window

Adolygu eich cynilion, eich benthyciadau a'ch buddsoddiadau

Hyd yn oed os ydych o'r farn fod eich sefyllfa ariannol mewn trefn, mae'n syniad da cael golwg ar eich cynilion, eich benthyciadau a'ch buddsoddiadau i sicrhau eich bod yn cael y bargeinion gorau sydd ar gael.

Edrychwch ar bethau megis:

• faint mae'n ei gostio i chi fenthyg arian ar eich morgais, benthyciadau, gorddrafftiau, cardiau credyd a siopau
• pa mor dda mae eich cynilion a'ch buddsoddiadau'n ei wneud (gan gynnwys pethau megis cynlluniau cynilo a phensiynau)
• cost yswiriant i ddiogelu eich incwm, eich eiddo a'ch buddsoddiadau

Cymharu cynnyrch

Mae gan wefan y Gwasanaeth Cyngor am Arian dablau cymharu ar gyfer ystod eang o gynnyrch cynilo a buddsoddi, ac mae'n darparu gwybodaeth am sut i gymharu cynigion cardiau credyd. Mae hefyd yn cynnig cyfrifianellau ad-daliadau morgais yn dangos sut y byddai cyfraddau llog gwahanol yn effeithio ar eich taliadau morgais.

• Darllen mwy ynghylch cynilion a benthyciadau ar wefan y Gwasanaeth Cynghori Ariannol Opens new window

Adnewyddu yswiriant - pethau i holi amdanynt

Wrth adnewyddu yswiriant cartref, iechyd neu yswiriant arall, cofiwch ddarllen y print mân i weld beth sydd wedi newid. Ydych chi'n dal i gael gwerth am arian a’r yswiriant sydd ei angen arnoch chi?

• Sut i chwilio am yswiriant – Gwasanaeth Cynghori Ariannol Opens new window

Rhoi trefn ar eich blaenoriaethau ariannol

Os bydd angen help arnoch i roi trefn ar eich blaenoriaethau ariannol, man cychwyn da yw 'prawf cyflwr ariannol' ar-lein y Gwasanaeth Cyngor am Arian. Bydd yn rhoi awgrymiadau ynghylch ffordd o fyw sy'n ariannol iachach ac yn nodi meysydd y bydd angen eu hadolygu ymhellach o bosibl.

• Defnyddio gwasanaeth cyflwr ariannol y Gwasanaeth Cynghori Ariannol Opens new window

• Defnyddio cynlluniwr cyllideb y Gwasanaeth Cynghori Ariannol Opens new window

Mwy o ddolenni defnyddiol

• Mwy o wybodaeth ar reoli dyled

• Dechrau cynllunio ar gyfer pensiwn

Cysylltiadau defnyddiol

• Cysylltiadau arian, treth a budd-daliadau