Gwefan llywodraeth y DU

SMI - beth ydyw a phwy sy’n gymwys

Gallech gael help gyda thaliadau llog ar forgais fel rhan o’ch budd-daliadau os ydych yn berchen ar dŷ ac yn gymwys i gael y canlynol:

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth sy’n gysylltiedig ag incwm
• Credyd Pensiwn

Dim ond gyda morgais neu fenthyciad ar gyfer prynu neu wella eich cartref y cewch gymorth gyda thaliadau llog ar forgais. Fel arfer telir SMI yn uniongyrchol i’ch benthyciwr. Nid oes sicrwydd y cewch SMI ar gyfer benthyciad y byddwch yn ei godi.

SMI - beth na chaiff ei gynnwys

Ni allwch ddefnyddio’r SMI i’ch helpu i dalu am:

• y swm rydych wedi’i fenthyg (dim ond y llog ar y morgais gaiff ei dalu)
• unrhyw beth at bolisïau yswiriant sydd gennych
• ôl-ddyledion morgais

Sut y caiff SMI ei gyfrifo

Y gyfradd llog safonol a ddefnyddir i gyfrifo SMI ar hyn o bryd yw 3.63 y cant.

O 1 Hydref 2010 bydd y gyfradd llog safonol yn cael ei osod ar lefel gydradd i gyfradd llog morgais misol cyfartalog a gyhoeddwyd gan Fanc Lloegr. Bydd y gyfradd gychwynnol sy’n berthnasol o 1 Hydref 2010 yn 3.63 y cant (y gyfradd a gyhoeddwyd gan Fanc Lloegr ar 31 Awst 2010).

SMI – taliadau gormodol

Efallai y bydd gan rai perchnogion tai cyfraddau llog gwirioneddol sy’n is na'r gyfradd safonol a ddefnyddir i gyfrifo taliadau SMI. Golyga hyn eu bod yn derbyn mwy o SMI nag sy'n ofynnol i gwrdd â'r taliadau i’w benthyciwr. Gallai’r taliadau hyn gael ei gredydu i'w cyfrif morgais yn unig.

Gwneud cais am fudd-dal a chael atebion i’ch cwestiynau

Cysylltwch â’r Ganolfan Byd Gwaith neu’r Gwasanaeth Pensiwn er mwyn:

• sicrhau eich bod yn gymwys
• gofyn unrhyw gwestiynau am y cymorth hwn y gallech ei gael
• Gofyn am y daflen IS8W (Perchenogion tai – cymorth gyda chostau tai)

• Cysylltu â'r Ganolfan Byd Gwaith

• Cysylltu â'r Gwasanaeth Pensiwn

Newidiadau i’r SMI

Gwnaed newidiadau i SMI sy’n berthnasol o 5 Ionawr 2009.

Mae rheolau gwahanol yn berthnasol i SMI hyd at 5 Ionawr 2009. Os cawsoch help i wneud taliadau llog morgais cyn y dyddiad hwn, byddwch yn parhau i gael yr un lefel o gymorth.

Amodau sy’n berthnasol i’r SMI ers 5 Ionawr 2009

O 5 Ionawr 2009 os oeddech yn cael Lwfans Ceisio Gwaith yn seiliedig ar incwm, Cymhorthdal Incwm neu Lwfans Cyflogaeth a Chymorth sy'n gysylltiedig ag incwm, daeth y rhan fwyaf o geisiadau ar gyfer SMI o dan reolau newydd gan gynnwys:

• rhaid i chi aros 13 wythnos o’r dyddiad y byddwch chi’n gwneud cais cyn y cewch SMI (gelwir hyn yn gyfnod aros a oedd yn arfer bod yn 39 neu’n 26 wythnos)
• bydd modd i chi wneud cais am log morgais o hyd at £200,000 o’ch morgais (roedd hyn yn arfer bod yn £100,000)
• cael eich talu SMI am i fyny at ddwy flynedd yn unig os ydych yn cael Lwfans Ceisio Gwaith yn seiliedig ar incwm

Nid oes terfyn ar ba mor hir y gallwch chi gael SMI os ydych yn cael:

• Cymhorthdal Incwm
• Lwfans Cyflogaeth a Chymorth yn seiliedig ar incwm
• Credyd Pensiwn
  

• Cysylltu â'r Ganolfan Byd Gwaith

• Cysylltu â'r Gwasanaeth Pensiwn

Terfyn amser o ddwy flynedd ar gyfer SMI

Cyflwynwyd terfyn amser o ddwy flynedd ar gyfer SMI i gwsmeriaid newydd sy’n cael Lwfans Ceisio Gwaith yn seiliedig ar incwm o 5 Ionawr 2009.

Bydd hwn yn effeithio ar rai pobl o 5 Ionawr 2011. Os ydych wedi derbyn SMI am ddwy flynedd o 5 Ionawr 2009 neu wedi hynny, ni chewch help gyda’ch llog morgais mwyach. Bydd hyn yn berthnasol os ydych wedi bod yn cael SMI yn barhaus neu drwy geisiadau budd-dal cysylltiedig.

Mae'n bwysig eich bod yn siarad â'ch benthyciwr am y newid hwn. Mae'n ofynnol i fenthycwyr drin pobl yn deg, ac mae'n rhaid iddynt ystyried yr hyn y gallant ei wneud i atal pobl rhag colli eu cartrefi.

Os na allwch dalu eich ad-daliadau morgais, neu os ydych yn poeni y gallech fynd ar ei hôl hi gyda’ch taliadau, mae'n rhaid i chi gysylltu â'ch benthyciwr cyn gynted â phosibl. Gallwch hefyd gael cyngor annibynnol gan sefydliadau eraill. Ceir rhagor o wybodaeth am ôl-ddyledion morgais neu anawsterau talu drwy glicio ar y ddolen ganlynol.

• Ôl-ddyledion morgais neu anawsterau talu

Gallwch hefyd gael cyngor ar dalu morgais gan y Gwasanaeth Cyngor Digartrefedd Cenedlaethol (NHAS).

• Gwasanaeth Cyngor Digartrefedd Cenedlaethol Opens new window

Os ydych yn gwneud cais am Gredyd Pensiwn - amodau sy’n berthnasol i’r SMI

Os ydych yn hawlio Credyd Pensiwn, a’ch bod angen help tuag at daliadau llog ar eich morgais:

• ni fydd cyfnod aros cyn y cewch gymorth gyda’r taliadau llog ar eich morgais
• bydd modd i chi wneud cais am log morgais o hyd at £100,000 o’ch morgais

Os oes gennych gwestiynau am SMI, cysylltwch â’r Gwasanaeth Pensiwn.

• Cysylltu â'r Gwasanaeth Pensiwn

Symud oddi ar fudd-daliadau eraill i Gredyd Pensiwn

Os ydych eisoes yn cael SMI o dan y rheolau sy'n berthnasol o 5 Ionawr 2009 ymlaen, gallwch barhau i gael help gyda llog ar eich morgais hyd at £200,000 ar eich morgais, os ydych yn symud ymlaen i gael Credyd Pensiwn o fewn 12 wythnos wedi gorffen hawlio un o’r canlynol:

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth sy’n gysylltiedig ag incwm

Gallwch barhau i gael yr un faint o gymorth gyda’ch llog morgais, os byddwch yn dal yn gymwys i gael Credyd Pensiwn.

Cymorth i Dalu Llog Morgais

Efallai y byddwch yn cael arian ychwanegol am bedair wythnos tuag at dalu eich costau tai, os yw eich Cymhorthdal Incwm, Lwfans Ceisio Gwaith yn seiliedig ar incwm ar incwm, neu Lwfans Cyflogaeth a Chymorth sy'n gysylltiedig ag incwm yn mynd i ddod i ben oherwydd eich bod am:

• ddychwelyd i waith
• gweithio mwy o oriau
• ennill mwy o arian

Gelwir hyn yn Cymorth i Dalu Llog Morgais.

Cael gwybod os ydych yn gymwys i gael Cymorth i Dalu Llog Morgais.

• Cymorth i Dalu Llog Morgais

Taflen wybodaeth gan y Ganolfan Byd Gwaith

Dewch i gael rhagor o wybodaeth am help gyda chostau tai drwy ddefnyddio’r ddolen ganlynol.

• Download ‘Costau tai a gwresogi' (PDF, 1198K)

• Cymorth gyda ffeiliau PDF

Mwy o ddolenni defnyddiol

• Cymhorthdal Incwm

• Lwfans Ceisio Gwaith

• Lwfans Cyflogaeth a Chymorth (adran pobl anabl)

• Credyd Pensiwn (adran pensiynau a chynllunio ar gyfer ymddeol)

• Cefnogaeth ariannol (adran pobl anabl)