Gwefan llywodraeth y DU

Y mater ehangach

Mae pobl yn y DU yn taflu cymaint o sbwriel fel y gellid llenwi'r Neuadd Albert bob dwy awr gyda'r holl sbwriel. Wrth brynu cynnyrch wedi'i ailgylchu, bydd llai o sbwriel mewn safleoedd tirlenwi a chaiff llai o adnoddau naturiol gwerthfawr eu gwastraffu.

Yn gyffredinol, mae cynhyrchion sydd wedi'u gwneud o ddeunyddiau wedi'u hailgylchu yn cymryd llai o ynni i'w cynhyrchu na deunyddiau newydd, gan helpu i fynd i'r afael â newid yn yr hinsawdd.

• Defnyddio adnoddau a gwastraff

Labeli sy'n dangos bod cynnyrch wedi'i ailgylchu

Mae Logo Ailgylchu NAPM yn tystio fod cynnyrch yn cynnwys o leiaf 50 y cant o ffibrau wedi'u hailgylchu

Gall cynlluniau labelu eich helpu i wybod a yw'r cynnyrch yn cynnwys deunyddiau wedi'u hailgylchu:

• mae'r symbol Mobius Loop gyda chanran y tu mewn i'r cylch yn dangos mai dyna'r ganran o ddeunydd wedi'i ailgylchu sydd yn y cynnyrch
  
• ar gyfer cynhyrchion papur, mae logo ailgylchu Cymdeithas Genedlaethol Masnachwyr Papur (NAPM) yn dangos bod o leiaf 50 y cant o'r ffibrau yn y cynnyrch wedi cael eu hailgylchu

• Cael gwybod am logo Ailgylchu NAPM Opens new window

Cynhyrchion wedi'u hailgylchu ar y stryd fawr

Y cynnyrch ailgylchu mwyaf cyffredin yw papur. Mae'n hawdd dod o hyd i bapur toiled, rholiau cegin, hancesi papur, deunydd swyddfa a deunydd pacio sydd wedi'u hailgylchu, yn ogystal â phapur argraffu a llungopïo a phapur ysgrifennu.

Dyma rai o'r deunyddiau wedi'u hailgylchu sydd ar gael mewn archfarchnadoedd ac ar y stryd fawr:

• gwydrau gwin a dŵr - hyd yn oed gwydrau siampên
  
• jygiau gwydr a phowlenni
  
• gwisg ysgol
  
• bagiau bin a ffoil
  
• bagiau siopa y gellir eu hailddefnyddio
  

Mae llawer o wneuthurwyr bellach yn defnyddio deunyddiau wedi'u hailgylchu wrth becynnu, mewn poteli plastig a chynwysyddion bwyd. Chwiliwch am un o'r labeli uchod i weld a yw'r cynnyrch yr ydych chi'n ei brynu yn cynnwys deunydd wedi'i ailgylchu.

Cynhyrchion wedi'u hailgylchu o siopau neu wefannau arbenigol

Mae'r Mobius Loop gyda'r ganran y tu fewn iddo yn dangos pa ganran o'r cynnyrch hwnnw sy'n ddeunydd wedi'i ailgylchu

Mae amrywiaeth syfrdanol o gynhyrchion wedi'u gwneud o ddeunyddiau wedi'u hailgylchu, gan gynnwys:

• papurau newydd
• dillad, gan gynnwys dillad cnu wedi'u gwneud o blastig wedi'i ailgylchu
  
• dodrefn
• deunydd chwarae a theganau
• teils a ffitiadau ystafell ymolchi

Ceisiwch chwilio ar-lein am 'gynnyrch wedi'i ailgylchu' neu fwrw golwg ar Canllaw'r DU ar gynnyrch wedi'i ailgylchu.

• Canllaw'r DU ar gynnyrch wedi'i ailgylchu Opens new window

Prynu anrhegion wedi'u hailgylchu

Mae rhai anrhegion gwych ar gael sydd wedi'u gwneud o ddeunydd wedi'i ailgylchu, a hynny ar gyfer plant ac oedolion fel ei gilydd. Maent yn amrywio o'r confensiynol (eitemau gwydr, fframiau llun) i'r anarferol (powlenni wedi'u gwneud o wifren ffôn, bagiau cosmetig wedi'u creu o wregysau diogelwch wedi'u hadfer).

Os ydych yn chwilio am eitem benodol, chwiliwch amdani ar-lein drwy roi'r enw ac 'ailgylchu' yn y blwch chwilio. I gael syniadau mwy cyffredinol, gallech chwilio ar-lein am 'anrhegion anarferol sydd wedi'u hailgylchu'.

Safon cynnyrch wedi'i ailgylchu

Yn y gorffennol, nid oedd ambell gynnyrch, megis papur, yn cyfateb i'r cynnyrch newydd o ran safon. Fodd bynnag, golyga datblygiadau technolegol fod safon cynhyrchion wedi'u hailgylchu wedi codi ac yn awr yn cyfateb i safon yr eitemau newydd ran amlaf.

Ailgylchu pethau ar ôl gorffen â nhw

Dim ond os bydd pawb yn ailgylchu'r hyn y byddant yn ei brynu a'i ddefnyddio y bydd y gweithgynhyrchwyr yn gallu defnyddio deunyddiau wedi'u hailgylchu. Ceisiwch ailgylchu cymaint ag y gallwch.

• Mwy am ailgylchu

• Cael gwybod beth y gallwch ei ailgylchu Opens new window

Mwy o ddolenni defnyddiol

• Cael gwybod beth sy'n digwydd i'r papur rydych chi'n ei ailgylchu Opens new window

• Cael gwybod sut i leihau'ch gwastraff Opens new window

• Cael gwared ar wastraff peryglus

• Cael gwared ar eitemau swmpus (adran y cartref a’r gymuned)