Gwefan llywodraeth y DU

Meddyliwch am ddeunydd pacio pan fyddwch yn siopa

Mae llawer o ffyrdd y gallwch ddefnyddio llai o ddeunydd pacio, er enghraifft:

• prynu cynhyrchion crynodedig a phecynnau ail-lenwi yn hytrach na chynhyrchion yn cynnwys llawer o ddeunydd pacio - gall hyn arbed arian i chi hefyd
• prynu nwyddau nad ydynt yn ddarfodus mewn swmp - mae pethau fel papur toiled a phowdr sebon ar gael mewn pecynnau mwy yn aml sy'n defnyddio llai o ddeunydd pacio
• prynu eitemau gyda dyddiad 'best before' mewn swmp - ond dim ond os gallwch eu defnyddio cyn iddynt fynd yn hen
• prynu ffrwythau a llysiau'n rhydd yn hytrach na mewn hambyrddau neu flychau pacio - mae prynu dim ond yr hyn y mae ei angen arnoch yn golygu eich bod yn dueddol o wastraffu llai o fwyd
• osgoi eitemau sy'n defnyddio llawer o ddeunydd pacio
• chwilio am becynnau sydd wedi'u marcio eu bod yn ysgafn ac felly'n defnyddio llai o ddeunydd pacio

• Sut mae galw ymysg defnyddwyr yn annog llai o ddeunydd pacio Opens new window

Dweud 'na' i fagiau siopa a ddefnyddir unwaith

Mae defnyddio bag am oes ('bag for life') yn hytrach na bagiau siopa a ddefnyddir unwaith yn un o'r ffyrdd hawsaf o osgoi gormod o ddeunydd pacio. Mae tua 45 y cant o siopwyr yn honni iddynt brynu bag am oes ond dim ond 12 y cant sy'n eu defnyddio'n rheolaidd - felly cadwch eich bagiau y gallwch eu hailddefnyddio gyda'ch rhestr siopa er mwyn ei gwneud yn haws eu cofio.

Gallech hefyd ystyried bag siopa cywasgedig iawn y gellir ei ailddefnyddio. Mae'r rhain yn plygu'n fach iawn, sy'n eu gwneud yn gyfleus i'w cario o gwmpas gyda chi.

Os ydych yn defnyddio bagiau plastig, prynwch declyn i'w dal ar gyfer eich cegin fel y gallwch eu hailddefnyddio - er enghraifft, ar gyfer eu rhoi mewn biniau.

• Ailgylchu bagiau plastig Opens new window

Delio â phecynnu na ellir ei osgoi

Mae llawer o ddeunydd pacio'n angenrheidiol ar gyfer trosglwyddo nwyddau heb eu difrodi, er mwyn eu cadw'n ddiogel neu eu gwneud yn hawdd eu defnyddio. Gall hefyd ymestyn bywyd silff rhai ffrwythau a llysiau. Ni ellir ail-selio ciwcymerau nad ydynt wedi'u gorchuddio ar ôl tri diwrnod, ond mae defnyddio ychydig llai na 2 gram o ddeunydd pacio'n eu cadw'n ffres am hyd at 14 o ddiwrnodau.

Gallwch helpu i amddiffyn yr amgylchedd drwy gael gwared ar ddeunydd pacio na ellir ei osgoi'n ofalus. Erbyn hyn, ceir gwybodaeth ar becynnau llawer o gynhyrchion sut i ailddefnyddio, ailgylchu neu gael gwared ar ddeunydd pacio.

Ailddefnyddio

Mae llawer o ffyrdd o ailddefnyddio deunydd pacio. Ystyriwch brynu pecynnau ail-lenwi fel nad oes yn rhaid i chi daflu hen gynhwysyddion. Gallech brynu wyau rhydd a defnyddio hen gartonau i'w cario adref. Gellir defnyddio deunydd pacio i wneud pethau newydd hefyd, fel celf a chrefft i blant neu ar gyfer storio pethau. I gael rhagor o awgrymiadau, cliciwch ar y ddolen isod.

• Lleihau gwastraff, ailddefnyddio ac atgyweirio

Ailgylchu

Cafodd bron i 60 y cant o'r deunydd pacio a ddefnyddiwyd yn y DU ei ailgylchu yn 2006 - cynnydd o 27 y cant o'i gymharu â 1998. Fodd bynnag, gellir gwneud mwy; gallwch ailgylchu llawer o'ch deunydd pacio drwy gasgliadau gwastraff eich awdurdod lleol a chyfleusterau eich banciau cymunedol.

I gael rhagor o fanylion am hyn, ewch i'n hadran ailgylchu.

• Ailgylchu yn y cartref

• RecycleNow Opens new window

Beth mae manwerthwyr a chynhyrchwyr yn ei wneud i leihau pecynnu

Mae deunydd pacio'n costio i wneuthurwyr ac i fanwerthwyr, ac mae llawer o gwmnïau'n gweithio gyda'r llywodraeth i leihau deunydd pacio. Mae rhai o'r atebion yn cynnwys gwneud deunydd pacio'n ysgafnach (megis poteli, caniau a blychau), sicrhau bod mwy o bobl yn defnyddio systemau ail-lenwi a hunanwaredu, a chynlluniau pecynnu gwell. Mae llawer o wneuthurwyr hefyd yn cynyddu faint o gynnwys wedi'i ailgylchu a ddefnyddir yn eu deunydd pacio.

Er 1998, mae cwmnïau sy'n defnyddio deunydd pacio wedi gwario dros £800m ar gynyddu faint o ddeunydd pacio a gaiff ei ailgylchu.

Hefyd, mae siopau ac archfarchnadoedd wedi cytuno i leihau effaith amgylcheddol bagiau siopa a ddefnyddir unwaith (rhai papur a rhai plastig) o 25 y cant erbyn diwedd 2008. Golyga hyn y caiff 3.25 biliwn yn llai o fagiau eu defnyddio a bydd yn arbed yr hyn sy'n cyfateb i 58,500 tunnell o garbon deuocsid y flwyddyn.

• Gweithio gyda'r sector manwerthu Opens new window

Sut mae cwyno am becynnu gormodol

Mae cyfraith yn y DU yn erbyn gormod o ddeunydd pacio a gaiff ei orfodi gan Safonau Masnach.

Os credwch fod gan rywbeth ormod o ddeunydd pacio a'ch bod am gwyno, gallwch:

• ysgrifennu at yr archfarchnad neu'r gwneuthurwr i gwyno, gan ofyn iddynt pam eu bod yn defnyddio cymaint o ddeunydd pacio
• cysylltu â Safonau Masnach i ofyn iddynt ymchwilio i'ch cwyn drwy ffonio Consumer Direct ar 08454 040506. Bydd Safonau Masnach hefyd yn gallu ystyried a yw'r deunydd pacio'n gamarweiniol yn fwriadol er mwyn gwneud i chi feddwl bod mwy o gynnyrch yn y pecyn na'r hyn sydd mewn gwirionedd.

• Consumer Direct Opens new window

Mwy o ddolenni defnyddiol

• Barn Adran yr Amgylchedd, Bwyd a Materion Gwledig am becynnu Opens new window

• Barn yr Adran Busnes, Menter a Diwygio Rheoleiddio am becynnu Opens new window

• Beth mae pecynnu'n ei wneud a sut y mae'n newid (WRAP) Opens new window