Gwefan llywodraeth y DU

Lleihau gwastraff

• Cofrestru â’r Gwasanaeth Dewis Post Opens new window

• Gostwng eich gwastraff – awgrymiadau gan RecycleNow Opens new window

• Bagiau plastig – dulliau i dorri i lawr Opens new window

Atgyweirio

Gellir atgyweirio eitemau cartref fel cyfrifiaduron, offer trydanol a dodrefn neu gall pobl eraill eu hailddefnyddio. Chwiliwch ar-lein neu yn eich llyfr ffôn lleol am wasanaethau atgyweirio yn eich ardal.

Ailddefnyddio

Gellir ailddefnyddio nifer o eitemau, gan gynnwys ffonau symudol, cyfrifiaduron, cetris argraffu, paent sydd dros ben a dillad. Hyd yn oed ar ôl i chi orffen gyda rhywbeth, yn aml iawn, bydd rhywun arall yn gallu ei ddefnyddio. Efallai y gallai mudiadau elusen cenedlaethol, siopau elusennol lleol, safleoedd arwerthu ar y we a chynlluniau cyfnewid am ddim ailddefnyddio'r nwyddau nad oes mo'u hangen arnoch.

I gael rhai syniadau am sut i leihau gwastraff eich cartref ymwelwch â gwefan My Zero Waste. Gallwch hefyd gyfrannu eich awgrymiadau ar gyfer ailddefnyddio eitemau a lleihau faint o wastraff sy’n mynd i safleoedd tirlenwi.

• Ailgylchu yn y cartref

• Rhoddi eitemau nad oes mo'u heisiau arnoch drwy Freecycle Opens new window

• Syniadau am leihau ysbwriel y cartref gan wefan My Zero Waste Opens new window

Cyfrifiaduron

Mae nifer fawr o sefydliadau ym mhob cwr o'r DU a fydd yn fodlon derbyn cyfarpar cyfrifiadurol nad oes mo'u hangen arnoch, a'u hatgyweirio neu eu hailgylchu. Mae nifer ohonynt yn elusennau sy'n rhoi budd i'r gymuned leol.

• Nwyddau trydanol – dewisiadau mwy gwyrdd

• Cyfrifiaduron nad oes mo’u hangen arnoch – beth i’w wneud â hwy Opens new window

• Sefydliadau sy’n derbyn cyfrifiaduron Opens new window

Dodrefn

Gellir ailddefnyddio, atgyweirio neu ailgylchu dodrefn nad oes mo'u hangen arnoch neu ddodrefn sydd wedi torri. Gall y Rhwydwaith Ailgylchu Dodrefn roi gwybod i chi am gynlluniau lleol sy'n trosglwyddo dodrefn ac offer eraill i deuluoedd sydd ar incwm isel. Mae hen ddodrefn a dodrefn ail-law yn aml yn ddewis poblogaidd os ydych yn chwilio am ddodrefn newydd neu'n dymuno cael gwared ar hen ddodrefn sydd mewn cyflwr da.

Dim ond os yw'r label diogelwch tân parhaol gwreiddiol yn dal ynghlwm iddo y cewch roi, prynu neu werthu dodrefn ail-law wedi’i glustogi, megis soffa. Fel arall, efallai na fyddai’n bodloni safonau diogelwch tân. I gael rhagor o wybodaeth, gweler gwefan yr Adran Busnes, Arloesedd a Sgiliau (BIS).

• Y Rhwydwaith Ailgylchu Dodrefn Opens new window

• Rheoliadau fflamadwyedd: BIS Opens new window

Paent

Ceisiwch beidio â phrynu mwy o baent nag sydd ei angen arnoch - prynir mwy na 300m litr o baent bob blwyddyn, ac ni fydd cryn dipyn ohono'n cael ei ddefnyddio. Gellir rhoi paent dros ben i rwydwaith cenedlaethol o sefydliadau ailddefnyddio paent, neu gael gwared ohono'n ddiogel trwy eich cyngor lleol

• Paent diangen - ffyrdd i’w ailddefnyddio Opens new window

• Rhoddi paent diangen i brosiect cymuned Opens new window

Llyfrau, DVDs a CDs

Gellir prynu a gwerthu llyfrau, CDs a DVDs ail-law ar-lein, neu gallech fynd â nhw i'ch siop elusen leol.

• Beth i’w wneud â llyfrau nad oes mo’u hangen arnoch Opens new window

Y mater ehangach

Mae gwneud cynhyrchion yn defnyddio ynni a deunyddiau crai. Dyma reol gyffredinol - mae ailddefnyddio neu atgyweirio pethau, yn hytrach na phrynu rhai newydd:

• yn helpu i gadw deunyddiau gwerthfawr allan o safleoedd tirlenwi
• yn defnyddio llai o ynni na'r ynni a fyddai ei angen i wneud cynhyrchion newydd, gan helpu i fynd i'r afael â newid yn yr hinsawdd

Ceir rhai eithriadau. Bydd hen declynnau megis boeleri a rhewgelloedd yn defnyddio llawer mwy o ynni na rhai newydd. Os ydych yn dymuno cael mwy o gyngor, cysylltwch â'ch Canolfan Cynghori ar Effeithlonrwydd Ynni lleol ar 0800 512012.

• Defnyddio gwastraff ac adnoddau – cael gwybod mwy

Mwy o ddolenni defnyddiol

• Cael gwared ar eitemau swmpus (adran y cartref a’r gymuned)

• Dod o hyd i eitemau wedi'u hailgylchu i'w prynu, gan gynnwys nwyddau gan gynllunwyr enwog Opens new window

• Dod o hyd i siop elusen yn agos i chi Opens new window