Gwefan llywodraeth y DU

Cerbydau newydd

Gellir gyrru cerbyd 'newydd sbon' i Brydain Fawr a'i gofrestru fel cerbyd 'newydd' ar yr amod:

• bod y cerbyd yn cael ei gofrestru o fewn dwy wythnos ar ôl ei gasglu - gellir ymestyn hyn i un mis calendr mewn cyfnodau brig e.e. cyn 1 Mawrth a 1 Medi

• nad yw'r cerbyd wedi teithio mwy na phellter rhesymol - i DVLA, mae pellter rhesymol yn golygu gyrru'r cerbyd o'r man casglu yn syth i'r cartref
• nad yw'r cerbyd wedi cael ei gofrestru'n barhaol o'r blaen
• bod y cerbyd wedi cael ei storio cyn ei gofrestru a’i fod yn fodel cyfredol neu’n fodel y mae ei wneuthuriad wedi dod i ben o fewn y ddwy flynedd ddiwethaf

Cyngor i unrhyw un sy'n mewnforio cerbydau i'w i gludo cerbydau yn hytrach na'u gyrru o'r porthladd i'w cyrchfan gyntaf.

Mae'n rhaid i gerbydau newydd gael tystysgrif cydymffurfio fel tystiolaeth o gymeradwyaeth math gan ddarparwr neu adeiladwr y cerbyd.

Bydd angen i gerbydau gyriant llaw chwith o'r Gymuned Ewropeaidd gael tystysgrif, a gyhoeddir gan yr Asiantaeth Tystysgrifo Cerbydau (VCA), dan y Cynllun Cyd-gydnabyddiaeth. Bydd y dystysgrif hon yn dangos bod newidiadau wedi cael eu gwneud i'r cerbyd er mwyn ei wneud yn addas i'w ddefnyddio ar ffyrdd Prydain.

Bydd yn rhaid i gerbydau nad ydynt wedi cael cymeradwyaeth math Ewropeaidd gael un o’r profion canlynol, sef:

• car - Cymeradwyaeth Cerbyd Unigol (IVA)
• cerbyd nwyddau ysgafn - prawf Cymeradwyaeth Cerbyd Sengl (SVA) os ydyw’n pwyso hyd at 3,000 kg
• beic modur neu feic pedair olwyn (cwad) - Cymeradwyaeth Cerbyd Sengl beic modur (MSVA)

Gallwch yrru eich cerbyd i apwyntiad a drefnwyd ymlaen llaw ac oddi yno cyn i'r cerbyd gael ei gofrestru.

• Canllaw i’r cynllun Cyd-gydnabyddiaeth

• Y cynllun Cymeradwyaeth Cerbyd Unigol

• Y prawf cymeradwyaeth cerbyd sengl

Pecyn gwybodaeth am fewnforio

Gallwch archebu 'pecyn mewnforio' drwy wasanaeth archebu ffurflenni DVLA. Mae hwn yn darparu'r holl wybodaeth a'r ffurflenni angenrheidiol y mae eu hangen arnoch er mwyn cofrestru cerbyd a fewnforiwyd.

• Gwasanaeth archebu ffurflenni DVLA Opens new window

Cerbyd ail-law

Fel rhan o’r broses gofrestru, mae’n rhaid i DVLA fod yn sicr fod cerbyd ail-law a fewnforiwyd, sy’n llai na deg mlwydd oed, yn bodloni’r safonau angenrheidiol.

Y safonau yw:

• safonau cymeradwyaeth math Ewropeaidd
• gwneuthuriad a defnydd yn y DU
• deddfwriaethau ar oleuo cerbydau ffordd

Bydd yn rhaid i geir, beiciau modur a cherbydau nwyddau ysgafn a gofrestrwyd am y tro cyntaf mewn Aelod-wladwriaeth Ewropeaidd arall gael tystysgrif a gyhoeddir gan yr Asiantaeth Tystysgrifau Cerbydau (VCA) dan y cynllun Cyd-gydnabyddiaeth. Bydd angen cymeradwyaeth math llawn y DU ar gerbydau nwyddau mawr cyn y gellir eu cofrestru.

Bydd yn rhaid i geir, beiciau modur a cherbydau nwyddau ysgafn a gofrestrwyd am y tro cyntaf mewn gwlad y tu allan i'r Undeb Ewropeaidd basio'r prawf IVA, SVA neu MSVA, fel y bo'n briodol.

• Y cynllun Cyd-gydnabyddiaeth

• Y prawf cymeradwyaeth cerbyd sengl

• Y cynllun Cymeradwyaeth Cerbyd Unigol

• Archebu 'pecyn mewnforio' Opens new window

Cerbydau sy'n symud rhwng Prydain Fawr a Gogledd Iwerddon

Nid yw cerbydau a gofrestrir yng Ngogledd Iwerddon ac sy'n cael eu symud i Brydain Fawr bellach yn cael eu dosbarthu fel cerbydau a fewnforir i Brydain Fawr. Hefyd, nid yw cerbydau a gofrestrir ym Mhrydain Fawr ac sy'n cael eu symud i Ogledd Iwerddon bellach yn cael eu dosbarthu fel cerbydau a fewnforir i Ogledd Iwerddon.

Gall y cerbydau hyn gadw eu platiau cofrestru Prydain Fawr neu Ogledd Iwerddon a'u disgiau treth, neu gellir gwneud cais am gael y plât cofrestru priodol ar gyfer lle bynnag y cânt eu symud.

Dylid defnyddio’r dystysgrif cofrestru cerbyd Gogledd Iwerddon (V5CNI) i gynorthwyo'r broses gofrestru ym Mhrydain Fawr, a dylid gwneud ceisiadau mewn swyddfa DVLA leol. Dylid defnyddio’r dystysgrif cofrestru cerbyd (V5C) i gynorthwyo’r broses gofrestru yng Ngogledd Iwerddon. Dylid gwneud ceisiadau yn yr Asiantaeth Gyrwyr a Cherbydau (DVA), Coleraine.

Yswirio eich cerbyd

Cyn i chi allu cofrestru a threthu eich cerbyd, bydd angen i chi gael tystysgrif yswiriant Prydeinig gan ddefnyddio’r Rhif Adnabod Cerbyd (VIN) o'ch cerbyd chi.

Bydd Cymdeithas Broceriaid Yswiriant Prydain (BIBA) yn gallu rhoi gwybodaeth i chi am froceriaid yswiriant sy'n darparu'r math yma o yswiriant. Gallwch gysylltu â BIBA ar 0870 950 1790 neu drwy anfon neges e-bost i: enquiries@biba.org.uk

• Yswiriant modur ar gyfer cerbydau a fewnforiwyd

Treth cerbyd

Bydd treth cerbyd yn daladwy yn unol â dyddiad cofrestru'r cerbyd am y tro cyntaf yn y DU. Os yw'r cerbyd wedi'i gofrestru dramor yn y gorffennol, bydd y dyddiad y caiff ei gofrestru am y tro cyntaf yn y DU yn pennu swm y dreth cerbyd sy'n daladwy. Hefyd, bydd DVLA yn dyrannu rhif cofrestru cerbyd priodol ar gyfer cofrestru'r cerbyd dramor am y tro cyntaf.

• Cost treth cerbyd

Cofrestru a threthu'r cerbyd

Gallwch wneud cais i gofrestru yn eich swyddfa DVLA leol agosaf. Mae’r cais yn cymryd rhyw wythnos. Nid oes gwasanaeth 'dros y cownter'.

• Dod o hyd i'ch swyddfa DVLA leol agosaf

Bydd angen i chi fynd â'r dogfennau canlynol i'ch swyddfa DVLA leol (ni dderbynnir copïau sydd wedi’u llungopïo neu ffacsio):

• ffurflen gais V55/4 (ar gyfer cerbydau newydd) neu V55/5 (ar gyfer cerbydau ail-law) wedi'i llenwi
• ffi gofrestru o £55 (os yw'n berthnasol) a'r ffi ofynnol ar gyfer y dreth cerbyd (dylech wneud sieciau neu archebion post yn daladwy i DVLA Abertawe)
• tystysgrif yswiriant Prydeinig cyfredol
• dogfen gofrestru dramor ac unrhyw bapurau eraill sy'n ymwneud â'r cerbyd
• tystiolaeth yn dangos dyddiad casglu'r cerbyd (fel arfer yr anfoneb gan y cyflenwr)
• tystiolaeth o gymeradwyaeth math
• tystysgrif MOT Brydeinig gyfredol (os yw'n berthnasol)
• ffurflen briodol Cyllid a Thollau EM
• ffurflen V267 'Datganiad bod cerbyd yn newydd' (os yw'n berthnasol), y gellir ei llwytho oddi ar y we neu ei chael drwy gysylltu â swyddfa DVLA leol
• dogfennau yn cadarnhau eich enw a'ch cyfeiriad (ceir rhestr o ddogfennau adnabod derbyniol drwy ddilyn y ddolen isod)

Ni fydd modd cofrestru na threthu'r cerbyd oni bai eich bod yn darparu'r dogfennau angenrheidiol. Mewn rhai achosion, mae’n bosib y bydd y swyddfa DVLA leol yn dymuno gweld y cerbyd er mwyn gofalu bod y manylion yn ddilys.

• Y ffurflenni Cyllid a Thollau EM sydd eu hangen i gofrestru cerbyd sydd wedi'i fewnforio

• Sut i gofrestru eich cerbyd - rhestr o ddogfennau adnabod derbyniol

• Download 'Datganiad bod cerbyd yn newydd' (V267) (PDF, 158K)

• Cymorth gyda ffeiliau PDF

Gofynion gwneuthuriad a defnydd

Rhaid i gerbydau sy’n cael eu cadw neu eu defnyddio ar y ffordd gyhoeddus yn y DU gydymffurfio bob amser â’r Rheoliadau Cerbydau’r Ffordd (Gwneuthuriad a Defnydd) 1986 (fel y’u diwygiwyd).

Nid yw copïau o’r rheoliadau ar gael gan yr Adran Drafnidiaeth na’r DVLA. Fe ellir eu cael gan unrhyw lyfrgell neu fe ellir eu harchebu gan Y Llyfrfa (TSO).

• Siop Lyfrau Ar-lein y TSO Opens new window