Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Sut i gofrestru eich cerbyd a phrofion adnabod

Er mwyn cofrestru cerbyd am y tro cyntaf yn un o swyddfeydd lleol yr Asiantaeth Trwyddedu Gyrwyr a Cherbydau (DVLA), bydd angen i chi ddangos dogfennau sy'n profi pwy ydych chi. Gwneir hyn er mwyn sicrhau bod yr enw a'r cyfeiriad a roddir ar gyfer y ceidwad wrth gofrestru yn ddilys, a hynny i rwystro pobl rhag cofrestru cerbydau drwy dwyll.

Y ffurflenni cais

Mae angen gwirio'r enw a'r cyfeiriad ar bob cais V55/4 a V55/5 er mwyn cofrestru a thrwyddedu cerbyd (treth) am y tro cyntaf.

V55/4 - cais am drwydded am y tro cyntaf i gerbyd modur newydd a datganiad cofrestru - ar gyfer unigolion sy'n mewnforio cerbyd newydd, ceir cit ayb
V55/5 - cais am drwydded am y tro cyntaf i gerbyd modur newydd a datganiad cofrestru - ar gyfer unigolion sy'n cofrestru cerbydau ail-law, e.e. rhai sydd wedi'u hailadeiladu

Cofrestru cerbyd a fewnforiwyd

Pa ddogfennau adnabod sydd eu hangen

Er mwyn cofrestru a threthu'ch cerbyd gyda'r ffurflenni cais V55/4 neu V55/5 mae'n rhaid i chi hefyd ddarparu naill ai eich trwydded yrru cerdyn-llun, neu un ddogfen wreiddiol sy'n cadarnhau eich enw, ac un ddogfen wreiddiol sy'n cadarnhau eich cyfeiriad.

Dogfennau i gadarnhau eich enw:

trwydded yrru bapur gyfredol DVLA
pasbort y DU, yr Undeb Ewropeaidd neu dramor
tystysgrif briodas
dyfarniad nisi neu absoliwt
tystysgrif geni

Dogfennau i gadarnhau eich cyfeiriad:

bil gwasanaeth e.e. nwy, trydan, dŵr, ffôn cartref - o fewn y tri mis diwethaf
datganiad banc neu gymdeithas adeiladu dilys o fewn y tri mis diwethaf
cerdyn meddygol
bil treth cyngor ar gyfer y flwyddyn hon

Beth y mae angen i chi ei wneud i gofrestru

Bydd rhaid i chi wneud cais i gofrestru a thrwyddedu'r cerbyd mewn swyddfa DVLA leol. Ynghyd â ffurflenni cais V55/4 neu V55/5, dylid cynnwys y dogfennau canlynol:

y dogfennau adnabod priodol sy'n cadarnhau eich enw a'ch cyfeiriad (gweler y rhestr uchod)
tystysgrif yswiriant modur gyfredol
yr arian i dalu am y drwydded dreth (treth car)

Cost treth cerbyd

y ffi cofrestru cyntaf o £55.00, os yn berthnasol

Ffi cofrestru cerbyd am y tro cyntaf

unrhyw ddogfennau sydd gennych sy'n ymwneud â'ch cerbyd
MOT os oes angen
tystiolaeth o gymeradwyaeth math, cynllun cymeradwyaeth unigol (IVA), cymeradwyaeth cerbyd sengl (SVA), SVA estynedig neu SVA i feiciau modur
datganiad o newydd-deb (os yn berthnasol)
y ffurflen Cyllid a Thollau EM briodol

Os yw'r cerbyd wedi'i fewnforio, bydd hefyd angen:

dogfen gofrestru dramor neu unrhyw bapurau sy'n ymwneud â'r cerbyd
tystiolaeth yn dangos dyddiad casglu'r cerbyd

Beth yw’r Cynllun Cymeradwyaeth Cerbyd Unigol?

Beth yw'r cynllun Cymeradwyaeth Cerbyd Sengl?

Beth sy'n digwydd nesaf

Efallai y bydd y swyddfa DVLA leol am archwilio'r cerbyd cyn rhoi rhif cofrestru priodol iddo. Caiff eich dogfennau adnabod eu dychwelyd atoch gyda disg dreth y cerbyd. Os hoffech chi dderbyn y dogfennau yn ôl drwy wasanaeth danfon arbennig, bydd angen i chi ddarparu amlen barod â stamp arni. Ni all y DVLA warantu y bydd y dogfennau'n cael eu dychwelyd atoch erbyn dyddiad penodol.

Bydd y DVLA yn ceisio anfon tystysgrif gofrestru newydd atoch o fewn chwe wythnos i chi wneud cais mewn swyddfa DVLA leol. Gadewch i chwe wythnos fynd heibio cyn cysylltu â'r DVLA.

Beth os na fyddwch chi'n derbyn y dogfennau adnabod yn ôl

Os na fyddwch chi'n cysylltu â ni o fewn tri mis i ddyddiad eich cais, ni fydd y DVLA yn gallu ymchwilio i'r sefyllfa yn y swyddfa DVLA leol na chysylltu â'r Post Brenhinol. Ni fyddant yn atebol am unrhyw hawliad a wneir ar ôl y cyfnod o dri mis.