Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Ffi cofrestru cerbyd am y tro cyntaf

Mae’n rhaid i gerbydau sy'n cael eu trethu a'u cofrestru am y tro cyntaf ar gofnodion yr Asiantaeth Trwyddedu Gyrwyr a Cherbydau (DVLA) dalu ffi o £55.00. Mae'r taliad ychwanegol hwn ar gyfer y costau sy'n gysylltiedig â chofrestru'r cerbyd gydol ei oes. Nid oes rhaid talu'r ffi ar gyfer rhai cerbydau penodol.

Y cerbydau nad oes rhad talu ffi ar eu cyfer

Mae'r ffi'n berthnasol i bob cerbyd ar wahân i'r eithriadau canlynol:

y rhai sy'n cael eu cofrestru a'u trwyddedu am y tro cyntaf yn y dosbarth treth anabl sydd wedi'i eithrio
cerbydau hanesyddol sydd wedi'u cofrestru o'r blaen gyda'r hen awdurdodau lleol (trawsnewid hwyr)
cerbydau sydd wedi'u cofrestru o'r blaen yng Ngogledd Iwerddon
cerbydau sydd wedi'u mewnforio a'u cofrestru o'r blaen o dan y cynllun mewnforio personol a'r cynllun math newydd o drafnidiaeth
cerbydau byddinoedd ar ymweliad
cerbydau sydd wedi'u cofrestru o dan y cynllun allforio uniongyrchol
cerbydau sydd wedi'u cofrestru i'w defnyddio oddi ar y ffordd yn unig
cerbydau'r goron sydd wedi'u heithrio

Sut i dalu

Bydd angen i chi dalu'r ffi mewn un taliad, ynghyd â thâl am y dreth cerbyd sy'n ddyledus. Mae hyn yn gymwys boed y cerbyd yn cael ei gofrestru a'i drwyddedu yn y swyddfa DVLA leol neu o dan y system awtomatig cofrestru a thrwyddedu am y tro cyntaf (AFRL).

Os byddwch chi'n prynu cerbyd newydd sbon, bydd y gwerthwr fel rheol yn cynnwys hyn yn y pris.

Troseddau sy'n ymwneud â cherbydau

Mae cofrestru cerbydau, a diweddaru'r gofrestr pan fydd ceidwaid yn symud a cherbydau'n newid dwylo, yn gam pwysig yn y frwydr yn erbyn troseddau sy'n ymwneud â cherbydau a throseddau eraill ac mae'n fanteisiol yn uniongyrchol i unigolion. Mae'r ffi'n sicrhau bod mwy o gost y gwasanaeth hwn yn disgyn ar ysgwyddau'r sawl sy'n ei ddefnyddio.