Gwefan llywodraeth y DU

Effaith newidiadau ar fudd-daliadau neu gredydau treth

Gall newid yn eich incwm neu amgylchiadau effeithio ar eich hawl i fudd-daliadau neu gredydau treth. Darllenwch fwy ar y tudalennau isod.

• Newidiadau sy'n effeithio ar eich budd-dal

• Newidiadau yn y cartref a’r gwaith – cadw eich credydau treth yn gyfredol Opens new window

Mae gweddill y dudalen hon yn delio gyda'r broses o roi gwybod am newidiadau sy'n effeithio ar eich treth.

Newid cyfeiriad

Os ydych yn symud, rhowch wybod i Gyllid a Thollau EM cyn gynted ag y bo modd. Bydd hyn yn atal colli'r canlynol neu atal y canlynol rhag cyrraedd yn hwyr:

Gallech hefyd osgoi cosbau a gordaliadau awtomatig am anfon eich ffurflen dreth i mewn yn hwyr neu dalu treth yn hwyr oherwydd i'r ffurflenni fynd i'r man anghywir.

Ni fydd eich cyflogwr na'r gyflogres yn rhoi gwybod i Gyllid a Thollau EM eich bod wedi newid cyfeiriad.

Newid i incwm

Os ydych ar PAYE (Talu Wrth Ennill) ond ddim yn llenwi ffurflen dreth fel arfer

Rhowch wybod i Gyllid a Thollau EM am newidiadau i incwm nad ydynt yn gysylltiedig â PAYE. Er enghraifft, newidiadau i incwm cynilion neu incwm a dderbyniwch y tu allan i'ch swydd neu bensiwn, neu ddechrau cael incwm rhent.
Efallai y bydd eich Cyllid a Thollau EM yn gallu newid eich cod treth er mwyn i chi allu talu’r swm iawn o dreth drwy PAYE.

Fodd bynnag mewn rhai achosion efallai y bydd Cyllid a Thollau EM yn gofyn i chi lenwi ffurflen treth a thalu unrhyw dreth ychwanegol drwy Hunanasesiad. Byddant yn ysgrifennu atoch a rhoi gwybod os ydynt angen i chi lenwi ffurflen dreth ar wahân.

Os yw eich incwm trethadwy wedi gostwng, efallai y dylech dderbyn ad-daliad.

• Mwy am y rhai y mae angen iddynt lenwi ffurflen dreth

Os nad ydych yn llenwi ffurflen dreth fel arfer ac os nad ydych ar PAYE

Os bydd cynnydd yn eich incwm yn golygu bod eich incwm trethadwy yn fwy na'ch lwfans personol (ac unrhyw lwfans person dall y mae gennych hawl iddo), rhaid i chi gysylltu â Chyllid a Thollau EM.

Efallai y bydd angen ichi lenwi ffurflen dreth a thalu unrhyw dreth sy'n ddyledus drwy Hunanasesiad.

Os ydych eisoes yn llenwi ffurflen Hunanasesiad

Os cewch ostyngiad sylweddol mewn incwm neu os ydych yn disgwyl gostyngiad o'r fath, gallwch roi gwybod i'ch Swyddfa Dreth yn syth; efallai y gallant addasu'ch taliadau ar gyfrif at i lawr i adlewyrchu'r swm diwygiedig.

• Defnyddio ffurflen SA303 i wneud cais i leihau eich taliadau ar gyfrif Opens new window

Enillion uwchben eich lwfans Treth Enillion Cyfalaf

Rhaid ichi ddweud wrth Gyllid a Thollau EM os ydych yn gwneud unrhyw enillion cyfalaf sy'n fwy na'r lwfans Treth Enillion Cyfalaf am y flwyddyn dreth gyfredol. Efallai y bydd angen i chi lenwi ffurflen dreth os nad ydych eisoes yn gwneud hynny. Gallai hyn fod yn berthnasol, er enghraifft, os gwerthwch gyfranddaliadau neu ail eiddo.

• Mwy am y Dreth Enillion Cyfalaf a'r Lwfans Treth Enillion Cyfalaf

Dechrau neu stopio derbyn budd-daliadau’r wladwriaeth

Os byddwch chi’n dechrau neu stopio derbyn budd-daliadau’r wladwriaeth, fel Lwfans Ceiswyr Gwaith, Lwfans Gofalwr neu Lwfans Cyflogaeth a Chymorth, efallai y bydd yn effeithio ar eich bil treth.

Po gynharaf y byddwch yn cysylltu â Chyllid a Thollau EM a rhoi gwybod iddynt, po gynharaf y gallant addasu’ch cod treth i wneud yn sicr eich bod bob amser yn talu beth sy’n ddyledus.

• Treth ar gyfer yr hunangyflogedig a sut i gofrestru gyda Chyllid a Thollau EM

Os bydd eich budd-daliadau cwmni yn newid

Does dim rhaid i gyflogwr ddweud wrth Gyllid a Thollau EM am unrhyw fuddion y byddwch yn eu cael gan y cwmni tan ddiwedd y flwyddyn dreth, onid yw'n gar cwmni.

Er mwyn osgoi cael bil treth mawr ar ddiwedd y flwyddyn, gallwch ddweud wrth Gyllid a Thollau EM yn syth am unrhyw fuddion eraill y byddwch yn dechrau'u cael (er enghraifft yswiriant meddygol neu gymorthdaliadau benthyca). Gallwch hefyd roi gwybod am newidiadau i fuddion yr ydych eisoes yn eu cael. Bydd Cyllid a Thollau EM yn addasu eich rhif cod ac yn dechrau casglu'r dreth ychwanegol drwy PAYE yn gynt.

• Mwy am dreth ar geir cwmni a buddion eraill

Cysylltu â Chyllid a Thollau EM

Mae pwy y mae angen i chi gysylltu ag ef o fewn Cyllid a Thollau EM yn dibynnu ar eich amgylchiadau

• Gweld manylion cyswllt Cyllid a Thollau Opens new window

Mwy o ddolenni defnyddiol

• Gweithio a thalu treth

Cysylltiadau defnyddiol

• Cysylltiadau arian, treth a budd-daliadau