Gwefan llywodraeth y DU

Gwneud galwad ffôn ar ran rhywun arall

Trafod gwybodaeth gyffredinol

Os byddwch yn ffonio Cyllid a Thollau EM ar ran rhywun arall, bydd yr hyn a fydd yn digwydd yn dibynnu ar yr hyn yr ydych am ei drafod. Ni fydd yn rhaid i chi brofi pwy ydych chi os byddwch yn gofyn am ffurflen neu'n gwneud ymholiad cyffredinol. Os bydd angen rhagor o wybodaeth arnoch, bydd angen i chi neu'r sawl yr ydych yn gweithredu ar ei ran gadarnhau pwy ydyn nhw.

Trafod gwybodaeth bersonol

Ar gyfer galwadau eraill, efallai y gall y person yr ydych yn gweithredu ar ei ran roi caniatâd dros y ffôn i chi siarad ar eu rhan. Rhaid i’r ddau ohonoch fod yn bresennol pan wneir yr alwad.

Rhaid i'r person yr ydych yn siarad ag ef fod yn sicr mai'r person sy'n rhoi ei ganiatâd yw'r person hwnnw mewn gwirionedd. Gofynnir cwestiynau iddynt am eu materion treth neu hawliad Budd-dal Plant/credydau treth, ac felly dylai'r holl bapurau perthnasol fod ganddynt.

Efallai y gofynnir i chi roi'ch rhif ffôn er mwyn iddynt allu'ch galw'n ôl. Mae'n well gwneud yr alwad o'r fan lle mae'r person yr ydych yn gweithredu ar ei ran yn byw, rhag ofn iddynt wirio'r rhif a roddwch yn y llyfr ffôn.

Gweithredu ar ran rhywun yn yr hirdymor

Os ydych am weithredu ar ran rhywun yn yr hirdymor, bydd angen i'r person hwnnw neu chi ar ei ran ysgrifennu at Gyllid a Thollau EM er mwyn esbonio'r sefyllfa. Bydd angen i'r llythyr gynnwys:

Unwaith y bydd yn cael ei gymeradwyo, chi fydd yn cael yr holl ohebiaeth gan Gyllid a Thollau EM yn y dyfodol, ac eithrio llythyrau ar gyfer talu unrhyw dreth sy'n ddyledus ac ad-daliadau. Bydd y rhain yn dal i gael eu hanfon yn syth at y person yr ydych yn ei gynrychioli.

Os nad ydych yn gwybod pa swyddfa y dylech ysgrifennu ati, defnyddiwch y ddolen isod.

• Cysylltu â Chyllid a Thollau EM Opens new window

Bod yn benodai ar gyfer rhywun sy'n hawlio credydau treth neu Fudd-dal Plant

Os nad yw person yn gallu gweithredu ar ei ran ei hun ac am eich penodi chi i ddelio â'u hawliad am gredydau treth neu Fudd-dal Plant, bydd rhaid iddynt lenwi'r ffurflen penodai sydd ynghlwm wrth eu ffurflen hawlio wreiddiol.

• Cael Budd-dal Plant ar ran rhywun arall Opens new window

• Hawlio credydau treth fel penodai Opens new window

Helpu pobl i hawlio neu reoli eu credydau treth

Os ydych am helpu i hawlio neu reoli credydau treth ar ran rhywun arall, mae'n bosib i chi wneud hynny. Bydd angen i chi ddangos i Gyllid a Thollau EM bod gennych ganiatâd yr unigolyn hwnnw i wneud hynny. Bydd y ffordd orau o wneud hyn yn dibynnu ar eich perthynas gyda'r unigolyn hwnnw.

• Sut i weithredu ar ran eich cleient credydau treth Opens new window

Cymorth sydd ar gael gan Gyllid a Thollau EM

Os oes gennych anabledd

Os ydych yn anabl, mae Cyllid a Thollau EM yn cynnig gwasanaethau i'ch helpu chi ddelio â'ch materion treth:

• Cael gwybod mwy am wasanaethau arbenigol Cyllid a Thollau EM am gwsmeriaid anabl Opens new window

Os nad ydych yn siarad Saesneg

Mae Cyllid a Thollau EM yn cynnig gwasanaeth cyfieithu am ddim i gwsmeriaid nad yw Saesneg yn iaith gyntaf iddynt. Gallwch ddefnyddio'r gwasanaeth hwn pan fyddwch yn ffonio Cyllid a Thollau EM neu pan fyddwch yn mynd i un o'u swyddfeydd. Gyda'r cymorth iawn, efallai na fydd angen i chi benodi cynrychiolydd.

Mae'r taflenni cymorth hyn ar gael mewn sawl iaith:

• Gweithio a thalu treth yn y DU – pwy i gysylltu Opens new window

• Canllaw Cynllun Diwydiant Adeiladu Opens new window

Mwy o ddolenni defnyddiol

• Rheoli materion person arall - gwybodaeth gan Gyngor Ar Bopeth Opens new window

• Gofalu am rywun - dysgu mwy (adran gofalu am rywun)

• Awdurdodi asiant i ddelio â'ch treth a materion eraill Opens new window

• Rheoli materion person sydd wedi marw Opens new window

Cysylltiadau defnyddiol

• Cysylltiadau arian, treth a budd-daliadau