Gwefan llywodraeth y DU

Cyn ystyried benthyciad cyfuno

Cyn penderfynu ar fenthyciad cyfuno, holwch beth sydd ar gael a pha ddewis arall sydd gennych. Gallai’r rhain gynnwys:

• ceisio gwneud trefniadau newydd gyda'r benthycwyr sydd gennych eisoes
• gwneud yn siŵr eich bod yn gwneud y defnydd gorau o'r opsiynau credyd sydd gennych eisoes - megis gorddrafft, cerdyn credyd neu gerdyn siop, benthyciad personol neu estyniad i'ch morgais
• cael benthyg arian gan berthnasau

Gallech hefyd fanteisio ar y cyngor am ddim sydd ar gael gan wasanaethau cwnsela am ddyled megis y National Debtline. (Gweler 'Ble i gael help a chyngor' isod.)

Os byddwch chi'n penderfynu ar fenthyciad cyfuno, holwch o gwmpas i gael y telerau gorau gan fenthyciwr ag enw da. Fe allai cymdeithasau adeiladu a banciau gynnig benthyciad personol i chi.

• Mynd i'r afael â phroblemau dyled

• Dyled - ble i gael cymorth a chyngor am ddim

• Dewis a defnyddio cynghorydd ariannol

Rhesymau dros ystyried benthyciad cyfuno

O'i ddefnyddio'n ofalus, gall benthyciad cyfuno eich helpu i gael rheolaeth dros eich materion ariannol eto.

Dyma rai o'r manteision:

• talu cyfradd llog is – gallai benthyciadau cyfuno dros gyfnod hwy fod yn well na benthyciadau tymor byr
• fe allai eich taliadau misol fod yn is
• byddwch yn gwybod pa bryd y byddwch yn gorffen talu'r ddyled
• dim ond un taliad bob mis y bydd rhaid i chi ei wneud
• dim ond ag un benthyciwr y byddwch chi'n gorfod delio
• fe allech chi osgoi mynd ar ei hôl hi gyda'r taliadau a chael sgôr credyd isel

• Pa ddyledion y dylech eu talu’n gyntaf

Anfanteision posibl benthyciadau cyfuno

Cofiwch fod anfanteision mawr hefyd, megis:

• os caiff y benthyciad ei sicrhau ar sail eich eiddo, byddwch yn wynebu risg o adfeddiannu os na allwch chi dalu'r taliadau
• fe allech dalu mwy yn y pen draw a thros gyfnod hwy
• byddwch fel arfer yn talu costau ychwanegol am sefydlu ac ad-dalu'r benthyciad newydd
• os oedd llog y benthyciadau rydych chi'n eu cyfuno wedi'i ychwanegu ar y dechrau, byddwch chi'n talu llog ar y llog hwnnw, yn ogystal ag ar swm y benthyciad
• bydd eich wyau i gyd yn yr un fasged - os cewch chi broblemau, fe allai fod yn fwy anodd cytuno ar drefniant newydd gydag un benthyciwr
• bydd angen bod yn ofalus iawn a gwneud yn siŵr y medrwch fforddio’r taliadau newydd
• os oes gennych sgôr credyd isel, efallai y bydd ond yn bosib i chi gael benthyciad cyfradd llog uchel
• mae’n llawer anoddach cael benthyciad anwarantedig ar gyfradd llog isel yn yr hinsawdd economaidd sydd ohoni
• os na fyddwch yn talu’r dyledion sydd gennych i gyd, gallech ei chael hi’n anodd talu taliadau’r benthyciad newydd yn ychwanegol at hynny

Sut mae dewis benthyciad cyfuno

Holwch o gwmpas am y telerau gorau - bydd yn arbed arian i chi. Cofiwch wneud yn siŵr eich bod yn deall holl delerau ac amodau'r benthyciad megis;

• am faint y byddwch chi'n ad-dalu'r benthyciad a faint y byddwch chi'n ei dalu i gyd
• y gyfradd llog ac a oes modd i honno newid
• beth yw'r ad-daliadau misol a beth fydd yn digwydd os collwch chi un
• a fyddant yn codi llog neu daliadau ychwanegol arnoch os byddwch chi’n colli taliad
• unrhyw gosbau neu gostau y bydd rhaid i chi eu talu os byddwch chi am dalu'r benthyciad yn ôl yn fuan
• beth fydd yn digwydd os bydd y benthyciad wedi'i sicrhau ar sail eich cartref ac na allwch chi dalu'r ad-daliadau

Unwaith i chi drefnu benthyciad, ceisiwch gadw'ch sefyllfa ariannol dan reolaeth gadarn - er enghraifft, rhowch siswrn drwy'ch cardiau credyd a pheidiwch â gadael i'r ddyled gronni eto. Cofiwch y gall y benthyciwr roi pwysau arnoch i fenthyg mwy o arian drwy ymestyn y benthyciad.

Fe'ch anogir i godi yswiriant gyda'ch benthyciad. Cofiwch fod yn glir am y telerau, bod gwir angen y benthyciad arnoch ac y byddwch yn gallu hawlio'r yswiriant hwnnw os bydd rhaid.

• Cyngor gan yr Awdurdod Gwasanaethau Ariannol am gael benthyg arian Opens new window

Mwy o ddolenni defnyddiol

• Dyled - ble i gael cymorth a chyngor am ddim

• Mynd i'r afael â phroblemau dyled - arweiniad

• Adolygu eich sefyllfa ariannol bresennol

• Cymorth gyda chynllunio ariannol o wefan yr Awdurdod Gwasanaethau Ariannol Opens new window

• Defnyddiwch wasanaeth archwilio'r Awdurdod Gwasanaethau Ariannol Opens new window