Gwefan llywodraeth y DU

Cael gwybod am y farwolaeth

Os oes ffrind neu berthynas agos yn marw a chithau yn y DU

Os cafodd Swyddfa Is-gennad Prydain yn y wlad lle bu'r person farw eu hysbysu o'r farwolaeth, byddant yn gofyn i heddlu'r DU roi gwybod i'r perthynas agosaf.

Os clywch am y farwolaeth gan rywun arall, er enghraifft cwmni gwyliau, dylech gysylltu â'r Swyddfa Dramor a Chymanwlad ar 020 7008 1500 (ar agor 24 awr y dydd).

Bydd staff swyddfa'r Is-gennad yn Llundain yn cadw mewn cysylltiad â'r teulu a swyddfa'r Is-gennad dramor hyd nes y caiff y corff ei gladdu neu ei amlosgi dramor, neu hyd nes y dychwelir yr ymadawedig i'r DU. Byddant hefyd yn rhoi gwybod i swyddfa Is-gennad Prydain beth yw eich dymuniadau o ran yr angladd ac yn cymryd manylion y sawl a fydd yn gyfrifol am dalu'r costau cysylltiedig, megis dod â'r corff yn ôl i'r DU.

Os bydd y person yn marw tra bo chithau dramor gydag ef neu hi

Bydd Is-gennad Prydain yn eich cynorthwyo drwy gynnig cyngor a chymorth ymarferol gyda threfniadau ar gyfer yr angladd ac unrhyw drefniadau ffurfiol eraill megis cwestau.

Os bu farw'r person ar wyliau pecyn, gall y cwmni gwyliau gysylltu â threfnwyr angladdau a staff swyddfa'r Is-gennad ar eich rhan.

• Canllawiau'r Swyddfa Dramor a Chymanwlad ar farwolaeth dramor Opens new window

• Dod o hyd i swyddfeydd Is-genhadon Prydain ar draws y byd Opens new window

Cofrestru'r farwolaeth lle bu'r person farw

Bydd angen i chi gofrestru'r farwolaeth yn ôl rheoliadau lleol a chael Tystysgrif Marwolaeth. Bydd yr heddlu lleol, swyddfa Is-gennad Prydain a thywysydd eich grŵp yn gallu eich cynghori sut mae gwneud hyn.

Yn aml iawn, gallwch gofrestru'r farwolaeth yn swyddfa Is-gennad Prydain hefyd. Does dim rhaid i chi wneud hyn, ond os gwnewch chi, gallwch brynu tystysgrif marwolaeth ar ffurf tystysgrif marwolaeth y DU, a chaiff y cofnod ei anfon at Y Swyddfa Gofrestru Gyffredinol o fewn 12 mis. Bydd yn bosib i chi gael copi o'r cofnod yn nes ymlaen o'r Swyddfa Gofrestru Gyffredinol neu gan Is-gennad Prydain yn y wlad dan sylw.

Os oedd y sawl a fu farw yn gwasanaethu fel aelod o Luoedd Arfog Prydain, gall y prif swyddog hefyd wneud cais i gofrestru'r farwolaeth.

Nid yw'n bosib cofrestru'r farwolaeth gydag awdurdodau Prydain mewn llawer o wledydd gan gynnwys: Awstralia, Bermuda, Canada, De Affrica, Gibraltar, Gweriniaeth Iwerddon, Nevis, Seland Newydd, St Helena, Ynysoedd Ascension, Ynysoedd y Cayman, Ynysoedd y Falklands, Ynysoedd y Nadolig, Ynysoedd Turks a Caicos, Ynysoedd yr Wyryf (DU)

Os bydd y corff yn cael ei gludo'n ôl i Gymru neu i Loegr ac i gael ei amlosgi, rhaid hysbysu'r crwner gan fod angen iddo gyflwyno Tystysgrif ar gyfer Amlosgi (ffurflen E).

Dogfennau y bydd eu hangen arnoch i gofrestru'r farwolaeth

Wrth gofrestru'r farwolaeth, dylech fynd â gwybodaeth amdanoch chi eich hun a'r ymadawedig gan gynnwys:

• enw llawn
• dyddiad geni
• rhif pasbort
• pryd a ble y cafodd y pasport ei gyhoeddi
• manylion am y perthynas agosaf, os nad chi yw hwnnw

Dod â'r corff adref

Os ydych am ddod â'r corff yn ôl i'r DU, gall staff swyddfa Is-gennad Prydain eich helpu trwy eich rhoi mewn cysylltiad â threfnydd angladdau rhyngwladol. Bydd rhaid pêr-eneinio'r corff a'i osod mewn arch gyda leinin o sinc cyn y gellir ei symud o'r wlad. Gall gymryd amser i ddod â'r corff adref, yn enwedig os oes rhaid cael archwiliad post-mortem.

Dogfennau y bydd eu hangen arnoch

Cyn i chi allu dod â chorff adref, bydd angen y dogfennau canlynol arnoch:

Gall Is-gennad Prydain helpu i drefnu'r dogfennau uchod.

• Cymdeithas Cwmnïau Cyfieithu Opens new window

Costau angladd

Os yw yswiriant teithio'r ymadawedig yn talu costau'r angladd, cysylltwch â'r cwmni yswiriant yn syth. Gallant hwy gysylltu â'r trefnwyr angladdau ar eich rhan a gwneud y trefniadau angenrheidiol.

Os nad yw yswiriant yr ymadawedig yn gallu talu holl gostau'r angladd, disgwylir i chi dalu'r holl gostau gan gynnwys biliau ysbyty a dod â'r corff ac eiddo personol adref.

Trefnu'r angladd yn y DU

Bydd rhaid i chi fynd â chyfieithiad wedi'i ddilysu o'r dystysgrif marwolaeth i'r swyddfa gofrestru yn yr ardal lle'r ydych yn bwriadu cynnal yr angladd. Bydd y cofrestrydd wedyn yn darparu 'tystysgrif dim atebolrwydd i gofrestru'. Rhoddir y dystysgrif hon fel arfer i'r trefnydd angladdau er mwyn i'r angladd allu mynd yn ei flaen. Does dim angen y dystysgrif hon os yw'r crwner wedi darparu Tystysgrif E ar gyfer Amlosgiad neu Orchymyn ar gyfer Claddu.

Os ydych am amlosgi'r corff, bydd angen Gorchymyn Amlosgi arnoch (neu ffurflen E os cynhaliwyd post-mortem), cyn dechrau cynllunio'r angladd. I gael rhagor o wybodaeth, ffoniwch Adran y Crwner ar 020 340 6659/6660, ar agor o ddydd Llun i ddydd Gwener, rhwng 9.00 am a 5.00 pm.

• Mwy am drefnu angladd yn y DU

Cynnal yr angladd dramor

Gallwch drefnu i gladdu neu amlosgi yn y wlad lle bu farw'r person. Gall swyddfa Is-gennad Prydain eich cynghori yn hyn o beth.

• Llwytho canllawiau ar farwolaeth dramor - Y Swyddfa Dramor a Chymanwlad Opens new window

• Cymorth gyda ffeiliau PDF

Marwolaethau mewn trychinebau dramor

Os lladdwyd yr ymadawedig mewn trychineb dramor, naturiol neu fel arall, gofynnwch i'r Swyddfa Dramor a Chymanwlad am gymorth. Byddant yn darparu cefnogaeth a chyngor. Y brif linell ymholiadau yw 020 7008 1500. Maent ar agor 24 awr y dydd.

Bydd rhaid i rywun adnabod y corff yn ffurfiol ac efallai y gofynnir i chi am wybodaeth yn ei gylch gan gynnwys disgrifiad corfforol, enw a chyfeiriad meddyg neu ddeintydd y person yn y DU. Efallai hefyd y bydd yr heddlu angen llun a/neu sampl o ôl bysedd o gartref yr ymadawedig.

• Mwy o wybodaeth am farwolaethau mewn trychinebau dramor Opens new window

Mwy o ddolenni defnyddiol

• Cyngor am deithio i wledydd (adran teithio a thrafnidiaeth)

• Yswiriant teithio (adran teithio a thrafnidiaeth)