Gwefan llywodraeth y DU

Y pethau pwysig

Gall yswiriant teithio amrywio'n fawr o ran pris a chynnwys. Os bydd eich taith yn cynnwys chwaraeon neu weithgareddau sy'n cael eu hystyried yn beryglus, gofalwch fod eich yswiriwr yn cynnig gwarchodaeth ychwanegol. Os na, efallai y bydd angen i chi gysylltu ag yswiriwr arbenigol. Dylech gael sawl pris gwahanol cyn dewis yswiriant teithio ac edrychwch yn ofalus i weld beth mae pob un yn ei gynnig.

Yr hyn y dylai polisi ei gynnwys

Efallai yr hoffech holi ynghylch y canlynol er mwyn gwneud yn siŵr bod yr yswiriant yn addas i'ch anghenion:

• triniaeth feddygol mewn argyfwng, costau ysbyty a chostau dychwelyd (i'r DU)
• gwasanaeth cymorth 24 awr mewn argyfwng – mae rhai cwmnïau yswiriant yn cynnig llinell gymorth 24 awr rhag ofn y bydd gennych broblem ddifrifol
• atebolrwydd personol - os caiff rhywun ei anafu neu os caiff eu heiddo ei ddifrodi gennych chi neu gan rywbeth sy'n berchen i chi, gallai'r unigolyn hwnnw wneud hawliad yn eich erbyn
• beth sy'n digwydd os byddwch chi'n gorfod canslo neu derfynu'ch taith yn gynnar, gan y gallech orfod talu'r gost lawn neu gyfran o'r gost os byddwch yn canslo
• cost eiddo personol newydd yn lle eiddo a gollwyd, gan gynnwys arian a dogfennau – bydd eich polisi yn datgan terfynau
• yswiriant methiant cwmni hedfan (SAFI) – defnyddiol os ydych chi'n teithio'n annibynnol ac yn poeni am gostau ychwanegol y gallech eu hwynebu petai'ch cwmni hedfan yn mynd i'r wal

Ceir gwybodaeth fanwl am yswiriant teithio ar wefan y Swyddfa Dramor a Chymanwlad.

Ceir mwy o wybodaeth am SAFI drwy ddilyn y ddolen 'Eich hawliau os bydd cwmni hedfan neu gwmni teithio yn mynd i'r wal'.

• Cyngor ar yswiriant teithio – y Swyddfa Dramor a Chymanwlad Opens new window

• Eich hawliau os bydd cwmni hedfan neu gwmni teithio yn mynd i'r wal

Cysylltiadau defnyddiol

• Y Swyddfa Dramor a Chymanwlad

• Y Gwasanaeth Hunaniaeth a Phasbortau

• Trwydded Trefnwyr Teithiau Hedfan (ATOL) Opens new window