Gwefan llywodraeth y DU

Cyflwyniad

Gall fod yn anodd ac yn ddrud cael triniaeth iechyd mewn rhai gwledydd. Gall Cerdyn Yswiriant Iechyd Ewropeaidd (EHIC) eich helpu i dalu am unrhyw driniaeth gan y wladwriaeth os bydd angen pan fyddwch yn ymweld â gwledydd yn Ardal Economaidd Ewrop.

Gallwch hefyd wneud pethau cyn i chi fynd dramor i warchod eich iechyd eich hun ac iechyd eich teulu. Er enghraifft, dylech gael gwybod am y peryglon iechyd yn y wlad rydych yn bwriadu ymweld â hi. Sicrhewch bob amser eich bod wedi cael unrhyw frechiadau y mae eu hangen arnoch cyn i chi fynd.

• Gofal iechyd dramor - gwybodaeth gan NHS Choices Opens new window

Y Cerdyn Yswiriant Iechyd Ewropeaidd

Mae eich cerdyn Cerdyn Yswiriant Iechyd Ewropeaidd am ddim, a bydd yn ddilys ledled Ardal Economaidd Ewrop (AEE) ac yn y Swistir. (Mae AEE yn cynnwys aelod-wladwriaethau’r Undeb Ewropeaidd ynghyd â Gwlad yr Iâ, Liechtenstein a Norwy.)

Mae'r cerdyn yn eich galluogi i fanteisio ar ofal iechyd gan y wladwriaeth am bris rhatach, weithiau am ddim, pan fydd ei angen arnoch oherwydd salwch neu ddamwain ar eich taith. Mae hefyd yn eich gwarchod rhag cyflyrau a oedd gennych eisoes. Gallwch ddod o hyd i fanylion llawn ynghylch y warchodaeth a gewch a phwy sy'n gymwys ar wefan NHS Choices.

• Gwneud cais am Gerdyn Yswiriant Iechyd Ewropeaidd Opens new window

• Gofal iechyd dramor - gwybodaeth gan NHS Choices Opens new window

Sut mae cael Cerdyn Yswiriant Iechyd Ewropeaidd?

Y ffordd gyflymaf yw gwneud cais ar-lein. Fel rheol, bydd eich cerdyn yn cyrraedd o fewn saith niwrnod.

Gallwch hefyd wneud cais dros y ffôn ar 0845 606 2030 neu drwy'r post gan ddefnyddio ffurflen gais sydd ar gael mewn rhai swyddfeydd post. Rhaid i chi wneud cais drwy'r post:

• os nad ydych yn un o ddinasyddion y DU, AEE neu'r Swistir
• os ydych yn astudio dramor
• os ydych eisoes yn gweithio dramor ond eich bod wedi'ch cyflogi yn y DU neu'n hunangyflogedig

Gwneud cais ar ran plant a phartneriaid

Gallwch wneud cais:

• i chi’ch hun
• ar ran eich partner ac unrhyw blentyn sydd gennych sy'n iau nag 16 oed (neu’n iau na 19 oed os ydynt mewn addysg amser llawn)

Caiff staff addysgu mewn ysgolion preswyl hefyd wneud cais ar ran unrhyw blant yn eu gofal.

Ar gyfer pob unigolyn yr ydych yn gwneud cais ar ei ran, bydd yn rhaid i chi ddarparu:

• ei enw llawn
• ei ddyddiad geni
• ei rif Yswiriant Gwladol neu ei rif GIG (CHI yn yr Alban neu rif Iechyd a Gofal yng Ngogledd Iwerddon)

• Mwy o wybodaeth gan NHS Choices i bobl sy'n astudio dramor Opens new window

• Mwy o wybodaeth gan NHS Choices i bobl sy'n gweithio dramor Opens new window

Sut a phryd ddylwn i adnewyddu fy ngherdyn?

Mae Cardiau Yswiriant Iechyd Ewropeaidd yn ddilys am hyd at bum mlynedd.

Dylech wneud cais am un newydd cyn y dyddiad y daw i ben - gallwch wneud cais hyd at chwe mis cyn i'ch hen gerdyn ddod i ben. Y ffordd hawsaf o wneud cais yw ar-lein neu dros y ffôn ar 0845 606 2030.

Gallwch hefyd wneud cais drwy'r post gan ddefnyddio’r ffurflen sydd ar gael mewn rhai swyddfeydd post lleol. Ond cofiwch y bydd ceisiadau drwy'r post yn cymryd mwy o amser.

• Gwneud cais am Gerdyn Yswiriant Iechyd Ewropeaidd neu am adnewyddu un Opens new window

Sut mae cael Cerdyn Yswiriant Iechyd Ewropeaidd yn lle un sydd ar goll neu wedi'i ddwyn?

Os oes arnoch angen cerdyn Cerdyn Yswiriant Iechyd Ewropeaidd yn lle un sydd ar goll neu wedi'i ddwyn, ffoniwch 0845 606 2030.

Os bydd y Cerdyn Yswiriant Iechyd Ewropeaidd yn mynd ar goll neu'n cael ei ddwyn pan rydych dramor, gallwch wneud cais am Dystysgrif Dros Dro (Provisional Replacement Certificate - PRC). Bydd hon yn rhoi'r un warchodaeth i chi â'r Cerdyn Yswiriant Iechyd Ewropeaidd tra byddwch dramor.

I gael PRC ffoniwch +44 (0)191 218 1999 (mae'r llinellau ar agor o ddydd Llun i ddydd Gwener rhwng 8.00 am a 5.00 pm). Cadwch y rhif hwn ac ewch ag ef gyda chi pob tro pan fyddwch yn teithio dramor.

I gael PRC bydd angen i chi roi:

• eich enw
• eich cyfeiriad
• eich dyddiad geni
• eich rhif Yswiriant Gwladol neu'ch rhif GIG (rhif CHI yn yr Alban neu rif Iechyd a Gofal yng Ngogledd Iwerddon)

Hawlio ad-daliad drwy ddefnyddio’ch Cerdyn Yswiriant Iechyd Ewropeaidd

Bydd rhai gwledydd yn disgwyl i chi dalu’ch bil iechyd ar y pryd ac yna hawlio ad-daliad drwy ddefnyddio’ch Cerdyn Yswiriant Iechyd Ewropeaidd. Dylech chi bob amser geisio gwneud cais am eich ad-daliad cyn i chi deithio yn ôl i’r DU. I gael manylion am sut i hawlio ad-daliad, gweler yr wybodaeth am y wlad dan sylw yn ‘Hawlio ad-daliad drwy ddefnyddio’ch Cerdyn Yswiriant Iechyd Ewropeaidd - canllaw i bob gwlad’.

Os oes angen i chi wneud hawliad pan fyddwch yn ôl yn y DU ffoniwch y Tîm Gofal Iechyd Tramor ar 0191 218 1999. Mae’r llinellau ar agor o ddydd Llun i ddydd Gwener, rhwng 8.00 am a 5.00 pm.

• Hawlio ad-daliad drwy ddefnyddio’ch Cerdyn Yswiriant Iechyd Ewropeaidd - canllaw i bob gwlad Opens new window

Gwarchod eich iechyd pan fyddwch yn teithio

Gall ychydig o waith paratoi wneud gwahaniaeth mawr. Cyn teithio, gwnewch yn siŵr eich bod chi’n gwneud y canlynol:

• prynwch yswiriant teithio addas a digonol
• edrychwch ar wefan NHS Choices am wybodaeth ynghylch gofal iechyd yn y wlad dan sylw
• edrychwch ar wefan y Swyddfa Dramor a Chymanwlad am y cyngor meddygol diweddaraf i deithwyr
• gofalwch eich bod yn gwybod pa frechiadau y mae angen i chi eu cael chwe wythnos o leiaf cyn i chi fynd - bydd meddygfa eich meddyg teulu yn gallu dweud wrthych
• ewch â digon o'r feddyginiaeth berthnasol gyda chi os ydych chi ar bresgripsiwn ac ewch â chopi o'r presgripsiwn gyda chi
• dylech fynd ag unrhyw lythyrau meddygol am gyflwr eich iechyd gyda chi er mwyn helpu meddygon a nyrsys dramor os cewch eich taro'n wael
• os byddwch yn teithio o fewn AEE neu'r Swistir, gwnewch gais am eich Cerdyn Yswiriant Iechyd Ewropeaidd

Teithio gyda phlant

Cysylltwch â'ch meddyg teulu, nyrs practis neu glinig teithio i gael yr wybodaeth ddiweddaraf am imiwneiddiadau y mae'n bosib y bydd eu hangen ar eich plentyn.

• Mwy o wybodaeth am yswiriant teithio

• NHS Choices - cyngor ar iechyd i deithwyr Opens new window

• Gwefan y Swyddfa Dramor a Chymanwlad – cyngor am iechyd wrth deithio Opens new window

Cysylltiadau defnyddiol

• Cyngor Teithio'r Swyddfa Dramor

• Y Gwasanaeth Hunaniaeth a Phasbortau

• ATOL (Drwyddedwyr Trefnwyr Teithio Awyrennau) Opens new window