Gwefan llywodraeth y DU

Cael gwybod am fygythiadau posibl

Fe allwch chi edrych ar wefan y Swyddfa Dramor a Chymanwlad lle ceir hysbysiadau teithio am fygythiadau posib i ddiogelwch personol oherwydd:

• aflonyddwch gwleidyddol
• gweithgareddau terfysgol
• anhrefn
• trais
• trychinebau naturiol
• epidemigau

Maent hefyd yn rhoi gwybodaeth am gyfreithiau lleol a'r gofynion ar gyfer mynd i mewn i wledydd.

Caiff yr wybodaeth ei hadolygu bob mis a phryd bynnag y bydd digwyddiad o bwys. Pan fydd argyfwng yn datblygu mewn ardal, caiff y cyngor ei ddiweddaru'n amlach, weithiau sawl gwaith y dydd.

• Negeseuon teithio’r Swyddfa Dramor a Chymanwlad Opens new window

Ymwybyddiaeth ddiwylliannol

Gall gwerthfawrogi gwahaniaethau diwylliannol a chyfreithiol eich helpu i osgoi sefyllfaoedd anodd neu sefyllfaoedd a allai achosi chwithdod i chi.

Dylech wneud y canlynol:

Teithio yn Ewrop: ewch â'ch pasbort gyda chi

Er bod y DU yn rhan o'r Undeb Ewropeaidd (UE), mae dal angen i chi gario pasbort Prydeinig llawn bob tro y byddwch yn teithio i Ewrop. Mae hyn yn cynnwys tripiau undydd a theithiau gydag Eurostar. I oedolion, mae hyn yn golygu cario pasbort oedolyn deg-mlynedd; i blant, mae'n golygu pasbort plentyn pum-mlynedd, oni bai eu bod wedi'u cynnwys ar basbort eu rhieni.

Erbyn hyn, nid yw nifer o wledydd yn gofyn am gael gweld pasbortau ar y ffin i'w gwlad, ond maent yn dal yn disgwyl i ymwelwyr gario dogfennau adnabod dilys, sef pasbort Prydeinig yn achos teithwyr o'r DU.

A chofiwch, bydd angen i chi ddangos eich pasbort pan fyddwch chi'n dychwelyd i'r DU.

Teithio i'r Unol Daleithiau: oes angen fisa arnoch?

Nid oes angen fisa ar y mwyafrif o ddinasyddion Prydain sy'n ymweld â'r Unol Daleithiau am lai na 90 diwrnod, oherwydd Rhaglen Ildio Fisa yr Unol Daleithiau (US VWP). Mae US VWP yn caniatáu i ddinasyddion rhai gwledydd (gan gynnwys y DU) deithio i'r Unol Daleithiau heb fisa ar gyfer ymweliadau twristiaeth neu fusnes. Rhaid i’r ymweliadau hyn bara llai na 90 diwrnod.

Os ydych chi'n meddwl y gallai US VWP fod yn addas i chi, mae'n rhaid i chi wneud cais i gael eich awdurdodi cyn i chi deithio. Gallwch wneud hyn drwy wefan Adran Diogelwch y Famwlad yr Unol Daleithiau gan ddefnyddio'r System Electronig i Awdurdodi Teithio (ESTA).

Nid oes gan bob teithiwr o'r DU hawl i gael US VWP – byddai'n well i chi holi cyn gwneud dim trefniadau teithio.

Mae mwy o wybodaeth ar gael ar wefan Adran Diogelwch y Famwlad yr Unol Daleithiau, gwefan y Swyddfa Dramor a Chymanwlad neu ar wefan Llysgenhadaeth yr Unol Daleithiau.

• Adran Diogelwch y Famwlad yr Unol Daleithiau - Gwybodaeth am y Rhaglen Visa Waiver Opens new window

• Llysgenhadaeth yr Unol Daleithiau - gwasanaethau fisa Opens new window

• Cyngor ar deithio gan y Swyddfa Dramor a Chymanwlad - yr Unol Daleithiau Opens new window

Teithio i Libya ar basbort Prydeinig

Os ydych chi'n teithio i Libya ar basbort Prydeinig, rhaid i chi gael trawsgrifiad Arabeg o dudalen manylion eich pasbort. (Mae hwn yn ofyniad a ailbennwyd gan awdurdodau Libya ym mis Tachwedd 2007.)

Gall y Gwasanaeth Hunaniaeth a Phasbortau (IPS) ychwanegu stamp ar eich pasbort sy'n darparu blychau gwag mewn Arabeg. Wedyn bydd angen i chi gysylltu â Llysgenhadaeth Libya er mwyn dod o hyd i gyfieithydd derbyniol i nodi'ch manylion mewn Arabeg yn y blychau hyn.

I gael gwybod sut mae ychwanegu'r stamp hwn ar eich pasbort ffoniwch Linell Gymorth Pasbortau'r Gwasanaeth Hunaniaeth a Phasbortau ar 0300 222 0000. Gallwch gysylltu â Llysgenhadaeth Libya yn Llundain ar 020 7201 8280.

Cael gwybod p’un ai bod pryderon diogelwch ynghylch cwmni hedfan

Er bod hedfan yn ffordd ddiogel iawn yn gyffredinol o deithio, mae safonau diogelwch yn amrywio mewn gwahanol rannau o’r byd. Mae gan y Comisiwn Ewropeaidd ‘rhestr wahardd’ am gludwyr sydd wedi’u gwahardd rhag hedfan i’r Undeb Ewropeaidd oherwydd pryderon diogelwch. Dilynwch y ddolen isod a dewiswch y wlad y mae’r cwmni hedfan yr ydych yn bwriadu ei ddefnyddio wedi’i ei selio.

• Llwytho ‘EC airline blacklist’ (PDF, 120KB) Opens new window

• Cymorth gyda ffeiliau PDF

Mae’r cyngor teithio gan y Swyddfa Dramor a Chymanwlad yn cynnwys gwybodaeth ar ddiogelwch cwmnïau hedfan lleol. Dilynwch y ddolen isod a dewiswch wlad yr ydych yn bwriadu hedfan ohono.

• Cyngor teithio gan y Swyddfa Dramor a Chymanwlad yn ôl gwlad Opens new window

Dinasyddion Tramor neu ddinasyddion y Gymanwlad sy'n teithio i diriogaethau tramor Prydain

Os ydych chi'n ddinesydd tramor neu'n un o ddinasyddion y Gymanwlad, bydd angen fisa arnoch i ymweld â thiriogaethau tramor Prydain (fel Bermuda neu Gibraltar). Os ydych eisoes yn y DU, gall y Gwasanaeth Hunaniaeth a Phasbortau roi fisa i chi ar gyfer y tiriogaethau hyn.

I gael rhagor o wybodaeth am y gwasanaeth hwn, ffoniwch Llinell Gymorth Pasbortau'r Gwasanaeth Hunaniaeth a Phasbortau ar 0300 222 0000.

Cael mwy o gyngor

Gallwch gael cyngor ar deithio drwy ffonio canolfan alw cyngor teithio'r Swyddfa Dramor a Chymanwlad ar 0845 850 2829. Gallwch hefyd fynd i wefan y Swyddfa Dramor a Chymanwlad i gael amrywiaeth o gyngor manwl ar deithio.

• Is-genadaethau a llysgenadaethau

• Gwybodaeth am wledydd gan y Swyddfa Dramor a Chymanwlad - chwilio am grynodeb o wledydd gwahanol Opens new window

• Perygl terfysgaeth wrth deithio dramor gan y Swyddfa Dramor a Chymanwlad Opens new window

• Cyngor teithio gan y Swyddfa Dramor a Chymanwlad - chwilio yn ôl gwlad Opens new window

I gael cyngor ar deithio i wledydd yn yr Undeb Ewropeaidd gallwch fynd ar wefan Your Europe.

• Your Europe Opens new window

Cysylltiadau defnyddiol

• Y Swyddfa Dramor a Chymanwlad

• Y Gwasanaeth Hunaniaeth a Phasbortau

• Trwydded Trefnwyr Teithiau Hedfan (ATOL) Opens new window