Gwefan llywodraeth y DU

Beth yw cenadaethau diplomyddol

Mae cenadaethau diplomyddol bob amser wedi'u lleoli mewn prifddinasoedd gwlad. Yng ngwledydd y Gymanwlad, caiff cenhadaeth ddiplomyddol ei galw'n 'uwch gomisiwn'. Mewn gwlad nad yw'n rhan o'r Gymanwlad, fe'i gelwir yn 'llysgenhadaeth'.

Gellir dod o hyd i genadaethau consiwlar unrhyw le arall yn y wlad. Mae cenadaethau consiwlar hefyd yn cael eu galw, yn dibynnu ar eu pwysigrwydd, yn:

• is-genadaethau cyffredinol
• is-genadaethau
• dirprwy is-genadaethau
• asiantaethau consiwlar

• Dod o hyd i lysgenadaethau, uwch gomisiynau ac is-genadaethau ar draws y byd Opens new window

Gwaith yr Is-gennad Prydeinig

Prif waith yr Is-gennad Prydeinig yw gwarchod buddiannau dinasyddion y DU. Gall staff yr Is-gennad gynnig cefnogaeth, cymorth a chyngor ymarferol. Mae eu gwaith arferol yn cynnwys:

• darparu pasportau a phasportau brys
• cofrestru genedigaethau a marwolaethau
• delio gydag achosion o gipio plant a phriodasau a orfodir
• helpu Prydeinwyr sydd wedi cael eu cadw'n gaeth neu eu carcharu, wedi eu cymryd yn wael neu wedi dioddef trosedd

Maent hefyd yn defnyddio'u gwybodaeth leol i asesu'r peryglon i ddinasyddion y DU.

Help ar gyfer dinasyddion sydd â chenedligrwydd deuol

Os ydych chi'n ddinesydd â chenedligrwydd deuol, mae’r cymorth y gallech ei gael gan yr Is-gennad Prydeinig yn dibynnu ar ba basbort yr ydych chi’n teithio arno ac i ble yr ydych yn teithio iddo.

Os ydych chi'n teithio:

• ar eich pasbort Prydeinig mewn gwlad arall (nad ydych yn ddinesydd ohoni), gall yr Is-gennad Prydeinig cynnig cymorth llawn i chi
• ar basbort eich cenedligrwydd arall, dylech fel arfer mynd i lysgenhadaeth, uwch gomisiwn neu is-genhadaeth y wladwriaeth honno
• yng ngwlad eich cenedligrwydd arall, ni fyddai'r Is-gennad Prydeinig fel arfer yn rhan o unrhyw drefniadau sydd gennych gyda'r wlad honno, oni bai fod rheswm dyngarol arbennig dros wneud hynny

Cysylltiadau defnyddiol

• Y Swyddfa Dramor a Chymanwlad