Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Llywodraeth, dinasyddion a hawliau - Nodwch, os gwelwch yn dda, na ddiweddarir yr adran hon bellach

Dogfennau a gwybodaeth sy'n ofynnol pan fydd rhywun yn marw

Gallwch weld rhestrau yma o'r dogfennau a'r wybodaeth y bydd angen eu casglu ar ôl i rywun farw, yn gyntaf i rhoi gwybod i'r pobl angenrheidiol/mudiadau yn syth wedi'r marwolaeth ac yn ail fel rhan o'r broses profeb hir dymor.

Dogfennau/gwybodaeth sy'n ofynnol yn ystod y pum diwrnod cyntaf

Bydd rhaid casglu'r wybodaeth a'r dogfennau canlynol cyn gynted ag y bo modd - er mwyn gallu cofrestru'r farwolaeth a rhoi cychwyn ar drefniadau'r angladd.

Dogfennau

  • tystysgrif feddygol yn nodi achos y farwolaeth (wedi'i llofnodi gan feddyg)

ac os ydynt ar gael:

  • tystysgrif geni
  • tystysgrifau priodas/partneriaeth sifil
  • Rhif GIG/Cerdyn Meddygol y GIG

Gwybodaeth

  • enw llawn y person sydd wedi marw ar ei farwolaeth
  • unrhyw enwau a ddefnyddiwyd yn flaenorol, gan gynnwys cyfenw cyn priodi
  • dyddiad a man geni'r ymadawedig (y dref a'r sir os ganed ef/hi yn y DU a'r wlad os ganed ef/hi dramor
  • cyfeiriad diwethaf yr ymadawedig
  • ei alwedigaeth
  • dyddiad y briodas/partneriaeth sifil os nad yw'r dystysgrif ar gael
  • enw llawn, gwaith a dyddiad geni'r partner priod neu'r partner sifil sydd ar ôl
  • a oedd yr ymadawedig yn derbyn pensiwn y wladwriaeth neu unrhyw fudd-daliadau eraill gan y wlad

Gwybodaeth/dogfennau eraill, os ydynt yn berthnasol:

  • cerdyn rhoi organau
  • crefydd

Dogfennau sy'n ofynnol er mwyn hysbysu swyddfeydd budd-daliadau/credydau treth

  • gohebiaeth yn cadarnhau bod budd-daliadau wedi'u talu i'r ymadawedig (fel arfer swyddfa'r Ganolfan Byd Gwaith), credydau treth (Cyllid a Thollau EM) a/neu Bensiwn y Wladwriaeth (yr Adran Gwaith a Phensiynau)
  • Rhif Budd-dal plant (os yw'n berthnasol)

Dogfennau sy'n ymwneud â phartner neu berthynas

  • prawf o'ch perthynas â'r ymadawedig (e.e. tystysgrif geni neu briodas/partneriaeth sifil, tystysgrif geni plentyn yn enwi'r ddau riant)
  • eich cerdyn nawdd cymdeithasol/rhif Yswiriant Gwladol os byddwch yn hawlio/newid budd-daliadau

Dogfennau/gwybodaeth y bydd y person sy'n cael trefn ar faterion yr ymadawedig eu hangen

Y cynrychiolydd personol yw'r person sy'n gyfrifol yn ffurfiol am gael trefn ar ystâd yr ymadawedig, talu unrhyw drethi a dyledion a dosbarthu'r ystâd. Bydd angen y dogfennau canlynol arnynt (os ydynt yn berthnasol):

Dogfennau y bydd eu hangen ar y cynrychiolydd personol:

  • copïau wedi'u selio o'r grant cynrychiolaeth (profiant/llythyrau gweinyddu)

Dogfennau sy'n gysylltiedig â'r farwolaeth:

  • yr ewyllys os oes un
  • tystysgrif farwolaeth (mae angen hon yn aml wrth wneud cais i gael mynediad at arian; mae'n ddoeth archebu o leiaf dau gopi ychwanegol wrth gofrestru'r farwolaeth)

Cysylltiedig â chynilion a buddsoddiadau:

  • cyfriflenni cyfrifon banc a chymdeithas adeiladu
  • tystysgrifau cyfranddaliadau/datganiadau am fuddsoddiadau
  • datganiadau cyfrifon pensiwn personol neu gwmni

Yswiriant:

  • dogfennau yswiriant bywyd (gan gynnwys yswiriant morgais)
  • polisïau yswiriant cyffredinol (car, cartref, teithio, meddygol ayb)

Pensiwn/budd-daliadau'r Wladwriaeth:

  • gohebiaeth neu ddatganiadau perthnasol oddi wrth y Ganolfan Byd Gwaith (ar gyfer budd-daliadau) a/neu'r Gwasanaeth Pensiwn

Symiau sy'n ddyledus gan yr ymadawedig:

  • cyfriflen morgais
  • cyfriflenni cerdyn credyd
  • biliau cyfleustodau/Treth Gyngor yn enw'r ymadawedig
  • datganiadau/cytundebau rhentu (preifat neu awdurdod lleol)
  • biliau eraill sy'n dal i fod yn ddyledus
  • prydlesi, cytundeb hur-bwrcas neu debyg (e.e. ar gyfer cyfarpar, car neu ddodrefn)
  • datganiadau ynghylch benthyciad addysgol
  • datganiadau ar gyfer unrhyw fenthyciadau eraill

Symiau sy'n ddyledus i'r ymadawedig:

  • anfonebau heb eu talu os oedd yr ymadawedig yn rhedeg busnes
  • tystiolaeth lafar/ysgrifenedig o arian arall sy'n ddyledus i'r ymadawedig

Eiddo

  • prydlesi neu weithredoedd eiddo (prif gartref ac unrhyw eiddo arall gartref neu dramor)
  • (allweddi eiddo)

Eiddo personol eraill:

  • prisiadau sydd eisoes ar gael o eiddo personol megis gemwaith, lluniau a thebyg (er y bydd angen cael prisiadau cyfredol yn ôl pris y farchnad)
  • unrhyw restrau sydd ar gael o eiddo/eiddo personol
  • gwybodaeth am gynnwys blychau diogelu

Cyflogaeth neu hunangyflogaeth:

  • Ffurflen PAYE P60 a'r slipiau cyflog diweddaraf os oedd yr ymadawedig yn gyflogedig
  • ffurflenni treth diweddar a datganiadau cyfrifo treth diweddar (os yw'n berthnasol)

Yn gysylltiedig â busnes:

  • dogfennau cofrestru, cyfrifon, datganiadau treth a TAW y cwmni os oedd gan yr ymadawedig fusnes

Gwybodaeth/dogfennau eraill

Bydd y cynrychiolydd personol neu'r perthynas agos angen y wybodaeth a'r dogfennau canlynol er mwyn cysylltu â pherthnasau a ffrindiau neu er mwyn dychwelyd dogfennau i'r sefydliadau perthnasol:

  • gwybodaeth/llyfr cyfeiriadau yn rhestru perthnasau a ffrindiau agos y bydd angen rhoi gwybod iddynt
  • pasport
  • dogfennau cofrestru cerbyd os oedd gan yr ymadawedig gar
  • trwydded yrru/cardiau parcio/cardiau teithio
  • cardiau aelodaeth neu ddogfennau/gohebiaeth yn dangos bod yr ymadawedig yn aelod o glybiau, cymdeithasau, Undebau Llafur ac ati

Yn yr adran hon...

Allweddumynediad llywodraeth y DU