Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Addysg a dysgu - Nodwch, os gwelwch yn dda, na ddiweddarir yr adran hon bellach

Mynd i addysg uwch fel myfyriwr hŷn

Gall bod yn fyfyriwr hŷn ddod â llawer o foddhad i chi - a gallai lle mewn prifysgol neu goleg fod yn nes na'r disgwyl. Mae profiad gwaith a chyrsiau Mynediad yn cynnig ffyrdd eraill o fynd i addysg uwch, a cheir llawer o opsiynau i'ch helpu i ddysgu o gwmpas eich ymrwymiadau eraill.

Pam mynd i addysg uwch fel myfyriwr hŷn?

Nid ar gyfer pobl ifanc 18 oed yn unig y mae prifysgolion: mae 60 y cant o israddedigion yn y DU dros 21 oed. Mae pobl yn penderfynu mynd i addysg uwch yn ystod gwahanol gyfnodau yn eu bywyd, ac am bob math o resymau. I rai, mae'n uchelgais bersonol - uchelgais y mae ganddynt fwy o amser i'w gwireddu efallai am eu bod yn hŷn. I eraill, mae addysg uwch yn ffordd o agor drysau i ddewisiadau gyrfa newydd.

Addysg uwch a’ch gyrfa

Gall cymhwyster addysg uwch ddangos eich bod yn meddu ar sgiliau a rhinweddau sy'n bwysig i gyflogwyr - gall fod yn ddefnyddiol os ydych am ddatblygu yn y gwaith neu os ydych am ymddangos yn ddeniadol i gyflogwyr mewn cyfnod ansicr. Mae llawer o gyflogwyr yn cefnogi staff sy'n dymuno gloywi eu sgiliau, ac mae rhai hyd yn oed yn fodlon helpu gyda chostau cyrsiau.

Ac os ydych chi'n bwriadu newid gyrfa, gallai addysg uwch eich helpu i ail-hyfforddi a chyrraedd eich nod.

Addysg uwch a'ch gyrfa

Cael hyfforddiant yn y gwaith

Dod o hyd i gwrs addysg uwch sy'n cyd-fynd â'ch bywyd

Os ydych chi'n chwilio am ffordd i gyd-blethu addysg uwch â'ch bywyd, mae mwy o ddewisiadau nag erioed ar gael yn awr.

Astudio'n rhan-amser a dysgu hyblyg

Mae oddeutu 40 y cant o fyfyrwyr addysg uwch yn dilyn cyrsiau hyblyg neu gyrsiau rhan-amser. Maent yn arbennig o boblogaidd ymhlith pobl a chanddynt ymrwymiadau gwaith a theulu.

Gellir cwblhau Graddau Sylfaen a chyrsiau tystysgrif neu ddiploma yn gyflymach na graddau traddodiadol - ac yn aml gellir ychwanegu atynt yn ddiweddarach. Gyda rhai cyrsiau byddwch yn cronni'r credydau fesul cam fel sy'n addas i chi, nes bod gennych ddigon i gael cymhwyster.

Astudio'n lleol

Mae cyrsiau addysg uwch ar gael mewn nifer o golegau lleol, felly mae'n aml yn bosib astudio'n agos at adref.

Dysgu o bell

Ar gwrs dysgu o bell, yn hytrach na mynychu darlithoedd, byddwch yn gallu astudio o'ch cartref ar adegau sy'n gyfleus i chi.

Rydych yn debygol o gael cyswllt rheolaidd â thiwtoriaid a chyd-fyfyrwyr ar-lein - ac mae'n bosib y cewch gyfarfod wyneb-yn-wyneb o bryd i'w gilydd ar gyfer grwpiau astudio neu ddigwyddiadau preswyl.

Gweler OpenLearn i gael rhagflas rhad ac am ddim o ddysgu o bell.

OpenLearn: cael deunyddiau cwrs am ddim gan y Brifysgol Agored Opens new window

Dod o hyd i’r cwrs a'r sefydliad iawn i chi

Ceir ystod eang iawn o gyrsiau i ddewis ohonynt, ond mae digonedd o wybodaeth ar gael i'ch helpu i ddod o hyd i'r un iawn.

Dod o hyd i gwrs prifysgol neu goleg

Dewis prifysgol neu goleg

Arian ar gyfer astudio

Os oes angen i chi barhau i ennill arian wrth astudio, gellir cyfuno cyrsiau hyblyg a rhan-amser gyda gwaith.

Ac os byddwch yn dilyn cwrs amser llawn, mae'n bosib y bydd gennych hawl i gymorth ariannol ychwanegol os oes gennych blant neu os oes oedolyn yn dibynnu arnoch yn ariannol.

Llwybrau i addysg uwch ar gyfer myfyrwyr hŷn

Mae rhai myfyrwyr hŷn yn mynd i addysg uwch gyda chymwysterau Safon Uwch neu gyda chymhwyster cyfatebol sy'n gysylltiedig â gwaith (fel NVQ neu BTEC).

Ond nid yw cymwysterau traddodiadol yn angenrheidiol bob amser. Efallai y bydd rhai sefydliadau'n ystyried eich cymwysterau proffesiynol neu brofiad gwaith perthnasol sydd gennych. Ni fydd eraill bob amser yn gofyn am gymwysterau ffurfiol gan fod y cwrs ei hun yn cynnwys unedau sydd â'r nod o roi'r wybodaeth 'sylfaenol' a'r sgiliau astudio cywir i chi.

Cael gwybod am ofynion mynediad

Mae gofynion mynediad yn amrywio o'r naill gwrs i'r llall, felly os oes gennych un mewn golwg mae'n werth edrych beth yw'r gofynion mynediad ar-lein. I gael gwybod a yw prifysgol neu goleg yn fodlon ystyried eich profiad gwaith, cysylltwch â thiwtor mynediad y cwrs.

Dod o hyd i gwrs prifysgol neu goleg

Mynediad i addysg uwch: diweddaru eich cymwysterau

Un cymhwyster a dderbynnir yn helaeth gan brifysgolion a cholegau yw'r Diploma Mynediad i Addysg Uwch.

Nod y diploma, a gynlluniwyd gyda chymorth prifysgolion, yw darparu sylfaen dda yn y sgiliau astudio a'r wybodaeth sy'n angenrheidiol i lwyddo mewn addysg uwch. Mae'n gyfwerth â Safon Uwch, ond mae'r cyrsiau wedi'u llunio gyda golwg ar bobl nad ydynt wedi astudio ers tro - ac nid oes angen cymwysterau blaenorol ar gyfer y mwyafrif.

Ceir dros 1,000 o gyrsiau sy'n arwain at y diploma, mewn pynciau sy'n amrywio o'r celfyddydau a dyniaethau neu astudiaethau cyfreithiol i wyddoniaeth a thechnoleg neu nyrsio.

Mae nifer yn caniatáu i chi astudio'n rhan-amser neu gyda'r nos. Mae'r rhan fwyaf o golegau lleol yn cynnig cyrsiau Mynediad, felly mae'n debygol bod un addas yn lleol i chi - ac mae nifer ar gael drwy ddysgu o bell.

Mwy o wybodaeth am gyrsiau Mynediad i Addysg Uwch Opens new window

Rhaglenni Mynediad SWAP: gwybodaeth i fyfyrwyr yn yr Alban Opens new window

Dewis cwrs Mynediad i Addysg Uwch - cael cymorth a chyngor

Defnyddiwch wasanaeth chwilio am gyrsiau Cross & Stitch i ddod o hyd i gyrsiau ar bob lefel, gan gynnwys cyrsiau Mynediad. Gellir cael cyngor dros y ffôn, wyneb-yn-wyneb neu dros e-bost - ewch i 'Dewis cwrs dysgu i oedolion sy'n addas i chi'.