Gwefan llywodraeth y DU

Datblygu sgiliau newydd yn y gwaith

Os ydych chi'n awyddus i ennill sgiliau newydd sy'n berthnasol i'ch swydd, bydd holi eich cyflogwr yn fan cychwyn da.

Mae'n bosib y gallwch gael hyfforddiant mewn sgiliau sylfaenol, sgiliau ychwanegol i wella'ch perfformiad yn y gwaith, neu hyd yn oed gymhwyster a all agor y drws i fynd i addysg uwch. Mae rhai cyflogwyr yn cynnal cynlluniau 'mentora' er mwyn eich helpu i ddringo yn y gwaith.

Holwch uwch aelod staff neu gynrychiolwr dysgu eich undeb a yw'ch cyflogwr yn rhedeg cynlluniau hyfforddi. Os nad ydyn nhw, gofynnwch a fydden nhw'n ystyried sefydlu un.

• Cael gwybod mwy am y gefnogaeth sydd ar gael gan eich undeb Opens new window

Pa fudd gaiff eich cyflogwr o hyn?

Mae llawer o gyflogwyr yn hapus i gefnogi eu gweithwyr gyda'u dysgu:

• gall gweithlu medrus helpu i hybu cynhyrchiant
• mae cynlluniau hyfforddi ar gael y gellir eu haddasu i gwrdd ag anghenion y cyflogwr a'r gweithwyr
• mae'n bosibl y caiff eich cyflogwr gymorth i dalu'r costau

Yn yr adran isod ar 'Cyfleoedd hyfforddi', ceir manylion am rai o'r cynlluniau y gallwch chi a'ch cyflogwr gymryd rhan ynddynt, a cheir mwy o wybodaeth i gyflogwyr ar Business Link. Holwch eich cyflogwr neu gynrychiolwr dysgu eich undeb a ydynt yn cynnal cynllun hyfforddiant ar hyn o bryd - ac os nad ydyn nhw, a fydden nhw'n ystyried eich cefnogi pe byddech chi eich hun yn trefnu dysgu sy'n gysylltiedig â gwaith.

• Sgiliau a hyfforddiant – mwy i gyflogwyr gan Business Link Opens new window

Cyfleoedd hyfforddi

Hyfforddi i Ennill

Nod y gwasanaeth hwn yw helpu oedolion a phobl ifanc yn Lloegr i gael yr hyfforddiant gorau posibl yn y gwaith. Mae'n cynnig y canlynol i fusnesau:

• cyngor diduedd am ddim am eu hanghenion hyfforddi
• help wrth ddod o hyd i'r hyfforddiant cywir - mewn lle ac ar amser sy'n addas iddyn nhw ac i'w gweithwyr
• mewn rhai achosion, cymorth i ddod o hyd i gyllid
• cymorth wrth adolygu cynnydd yr hyfforddiant o ran datblygu sgiliau'r gweithlu

• Mwy o wybodaeth am Hyfforddi i Ennill Opens new window

Cynllun Dysgu drwy Weithio learndirect

Mae Dysgu drwy Weithio yn caniatáu ichi astudio cwrs ar lefel prifysgol heb orfod cymryd amser o'r gwaith. Gallwch weithio tuag at gael cymhwyster israddedig neu ôl-raddedig, neu wneud un neu ddau o fodiwlau'n unig - gan ddibynnu ar beth fydd yn addas i chi.

Mae'r cynllun yn cael ei redeg gan learndirect, a hynny mewn partneriaeth â nifer o brifysgolion a cholegau. Os byddwch yn cymryd rhan, bydd eich tiwtor yn gweithio gyda chi i sicrhau bod yr hyn a ddysgwch yn berthnasol i'ch swydd.

Byddwch yn cynllunio gyda'ch gilydd pa feysydd i roi sylw iddynt, a lle bynnag mae modd, fe gewch gredydau am brosiectau y byddwch yn gweithio arnynt yn rhinwedd eich swydd. Efallai y gallwch hefyd gael credydau am waith y byddwch eisoes wedi'i wneud.

Efallai byddai'n werth siarad â'ch cyflogwr i weld a allan nhw eich cefnogi tra'r ydych yn rhan o'r cynllun - yn ariannol neu fel arall. Ac os ydyn nhw am chwarae mwy o ran, gall cyflogwyr ddefnyddio'r cynllun i lunio rhaglen sy'n diwallu eu hanghenion penodol nhw.

Prentisiaethau

Mae Prentisiaeth yn rhoi'r cyfle ichi weithio tuag at gymhwyster tra byddwch yn ennill arian.

Mae llawer o gyflogwyr yn dewis darparu hyfforddiant drwy raglenni Prentisiaeth - maent yn cael eu cynllunio gan fusnesau o fewn sector cyflogaeth arbennig, gydag anghenion hyfforddi'r sector hwnnw mewn golwg.

• Cael gwybod mwy am Brentisiaethau

• Gwybodaeth i gyflogwyr am Brentisiaethau Opens new window

Buddsoddwyr mewn Pobl

Os oes gan eich cyflogwr statws Buddsoddwyr mewn Pobl, mae hyn yn golygu eu bod wedi ymrwymo i wella perfformiad y sefydliad drwy ddatblygu eu staff. Fel rhan o hyn, maent yn asesu'r anghenion dysgu o fewn y sefydliad, ac yn cynllunio sut i'w diwallu.

Gall y manteision i chi, y gweithiwr, gynnwys y canlynol:

• mynediad at hyfforddiant o ansawdd da
• gwell boddhad yn eich gwaith
• mwy o gyfleoedd yn eich gyrfa

• Mwy am y Safon Buddsoddwyr Mewn Pobl Opens new window

Os na all eich cyflogwr helpu

Os na allwch gael hyfforddiant drwy eich cyflogwr, does dim byd yn eich rhwystro rhag ei drefnu eich hun. Edrychwch ar 'Dysgu ar gyfer gwaith' er mwyn gweld sut i gael yr amser i ddysgu tra'r ydych yn gweithio, ac o ble i gael cyngor am ddim.

• Dysgu ar gyfer gwaith