Gwefan llywodraeth y DU

Pam fod cymwysterau'n cyfrif

Mae angen cymwysterau penodol ar gyfer swyddi a gyrfaoedd penodol, er enghraifft, ym maes meddygaeth a'r gyfraith. Mae cymwysterau hefyd yn eich rhoi mewn sefyllfa gryfach wrth i chi wneud cais am swydd neu ddyrchafiad.

Bydd llawer o hysbysebion am swyddi'n nodi'r cymwysterau y maen nhw'n chwilio amdanynt. Mae'n bosib y bydd arnoch angen cymwysterau penodol i wneud cais am gwrs addysg bellach neu i gael bod yn aelod o gorff proffesiynol.

Dewis y cymhwyster cywir ar eich cyfer chi

Fel oedolyn sy'n dysgu, gallwch ddewis o ystod eang o gymwysterau. Gallech ddewis pwnc academaidd, neu rywbeth sy'n fwy perthnasol i'ch swydd. Neu gallech ddewis cymhwyster sy'n canolbwyntio ar sgiliau y gallwch eu defnyddio mewn amrywiaeth o sefyllfaoedd.

Os yw'r dewis yn ddigon i'ch dychryn, peidiwch â mynd i banig am y peth: mae digon o gymorth a chyngor ar gael i'ch helpu i ddewis cymhwyster sy'n addas i chi.

Cyngor am ddim dros y ffôn neu e-bost

I gael cyngor di-dâl a diduedd dros y ffôn, ffoniwch y Gwasanaeth Cyngor Gyrfaoedd:

• 0800 100 900 (mae galwadau'n rhad ac am ddim, ac mae'r llinellau ar agor rhwng 8.00 am a 10.00 pm, saith niwrnod yr wythnos)
  

Hefyd, cewch drefnu i rywun roi galwad ffôn yn ôl i chi ar amser cyfleus, neu anfon eich cwestiwn dros yr e-bost at gynghorydd dysgu.

• Trefnu cael galwad ffôn yn ôl gan ymgynghorydd dysgu Opens new window

• Anfon e-bost at ymgynghorydd dysgu Opens new window

Cyngor wyneb-yn-wyneb am ddim

Yn dibynnu ar eich amgylchiadau, efallai y bydd modd i chi hefyd gael cyngor wyneb-yn-wyneb gan eich gwasanaeth nextstep lleol. Dilynwch y ddolen isod i gael gwybod mwy.

• Dod o hyd i gyngor ar ddysgu personol a gyrfaoedd

Cymwysterau academaidd

Dengys cymwysterau academaidd traddodiadol eich bod wedi cyrraedd safon addysgol arbennig. Gall y rhain gynnwys TGAU, Safon UG a Safon Uwch, ynghyd â graddau.

• TGAU

• Safon UG a Safon Uwch

• Graddau baglor

Cymwysterau galwedigaethol

Bydd cymwysterau galwedigaethol neu gymwysterau cysylltiedig â gwaith yn canolbwyntio ar ddysgu sgiliau ymarferol. Gall y rhain gynnwys NVQ, City and Guilds, BTEC a chymwysterau galwedigaethol ar y Fframwaith Cymwysterau a Chredydau.

• NVQs

• Cymwysterau galwedigaethol ar y Fframwaith Cymwysterau a Chredydau

Cymwysterau seiliedig ar sgiliau

Gall cymwysterau eraill ddangos bod gennych y sgiliau i fynd yn eich blaen yn y gwaith ac yn eich bywyd yn gyffredinol, fel darllen, ysgrifennu, gweithio â rhifau neu ddefnyddio cyfrifiadur. Gelwir y rhain yn Sgiliau am Oes.

Gallwch hefyd wneud cymwysterau Sgiliau Allweddol, sy'n gallu cynnwys sgiliau eraill megis gweithio ag eraill.

• Cymwysterau Sgiliau am Oes

• Cymwysterau Sgiliau Allweddol

Beth os nad yw fy nghwrs yn arwain at gymhwyster?

Mae dysgu'n werthfawr hyd yn oed os nad yw'n arwain at gymhwyster, ac efallai y cewch dystysgrif i ddangos eich bod wedi cwblhau'r cwrs. Mae gwybodaeth ymarferol, megis gallu siarad ail iaith, yn gallu bod yr un mor bwysig â chymhwyster swyddogol

Cymwysterau sydd eu hangen ar gyfer addysg uwch

Mae sawl llwybr yn arwain at addysg uwch, gan gynnwys cymwysterau academaidd a galwedigaethol. Mae angen cymwysterau penodol ar gyfer rhai cyrsiau ac felly, mae'n werth edrych ar brosbectws y brifysgol neu'r coleg i gael gwybodaeth fanylach.

Os nad yw eich cymwysterau'n ateb y gofynion mynediad safonol, fe allwch ddilyn cwrs Mynediad. Does dim angen llawer o gymwysterau blaenorol i ddilyn cwrs Mynediad - weithiau, does dim angen cymwysterau o gwbl. Bydd cwrs fel hyn yn gymorth i chi feithrin sgiliau, gwybodaeth a hyder.

• Mynd i addysg uwch fel myfyriwr hyn

Cymwysterau o’r tu allan i’r DU

Os ydych chi wedi ennill cymwysterau o wlad arall, bydd angen i chi ddarganfod a ydynt yn cael eu hadnabod yn y DU. Mae gwefan y Ganolfan Wybodaeth Genedlaethol ar gyfer Cydnabod Cymwysterau Academaidd yn cynnig gwybodaeth a chyngor am gymwysterau tramor a sut mae'r rhain yn cymharu â'r rhai y gellir eu hennill yn y DU.

• Sut i gymharu cymwysterau rhyngwladol â rhai'r DU Opens new window

Mwy o ddolenni defnyddiol

• Egluro cymwysterau

• Dechrau yn eich swydd gyntaf: beth i'w wneud ynghylch treth (adran arian, treth a budd-daliadau)