Gwefan llywodraeth y DU

Ymddygiad

Dyma rai enghreifftiau o newid mewn ymddygiad y dylech gadw golwg amdanynt:

• a yw'ch plentyn wedi bod yn ymddangos yn bell braidd, neu fel pe bai ar wahân i'r teulu?
• a yw'r plentyn wedi colli diddordeb yn yr ysgol mwyaf sydyn, neu wedi rhoi'r gorau i fynd i'r ysgol?
• a yw eu gwaith ysgol wedi gwaethygu mwyaf sydyn - er enghraifft, ydyn nhw wedi cael graddau gwaeth neu adroddiadau gwael?
• a yw'r ysgol neu'r coleg wedi rhoi gwybod i chi am newidiadau yn eu hymddygiad sy'n peri pryder?
• a yw'ch plentyn wedi rhoi'r gorau i fynd i glybiau ar ôl ysgol?
• ydyn nhw wedi dechrau defnyddio geiriau slang newydd?
• oes ganddyn nhw arian neu eiddo, mwyaf sydyn, ac nad oes eglurhad i hynny?
• ydyn nhw wedi dechrau aros allan yn hwyr heb roi rheswm, neu'n bod yn annelwig ynghylch pwy sydd allan gyda nhw?
• oes ganddyn nhw lysenw newydd?
• oes yna berson newydd yn eu bywyd sydd, i bob golwg, yn eu harwain neu'n dylanwadu arnynt?
• ydyn nhw wedi colli cysylltiad â'u hen ffrindiau, ac yn ymwneud ag un criw'n unig drwy'r amser?
• oes ganddyn nhw farn ymosodol neu fygythiol am bobl ifanc eraill

Arwyddion gweledol

• ydyn nhw wedi newid eu hymddangosiad yn ddisymwth - gwisgo mewn ffordd benodol, er enghraifft, neu wisgo lliw tebyg i bobl eraill sy'n ymwneud â nhw?
• oes yna unrhyw anafiadau corfforol na allan nhw mo'u hesbonio?
• ydyn nhw wedi dechrau defnyddio 'tags' (math ar lofnod), sy'n debyg i graffiti, ar eiddo, llyfrau ysgol, waliau neu adeiladau?
• ydyn nhw wedi dechrau arddangos arwyddion o ymddygiad grŵp: ffyrdd o siarad a gwneud pethau sy'n debyg i aelodau eraill y grŵp, neu ddefnyddio arwyddion llaw efallai?

Ambell beth arall y dylech chi ei wybod

• mae genethod yn fwy a mwy tebygol o fod yn aelodau o gang
• yn aml, bydd gan gang broffil ar wefannau rhwydweithio fel MySpace neu Bebo, felly cadwch lygad ar beth mae'ch plentyn yn ei wneud ar y we
• gellir defnyddio 'stafelloedd sgwrsio' a negeseuon testun er mwyn bwlio pobl i ymuno â gangiau (gall bwlio, bygwth a phwysau gan gyfoedion chwarae rhan allweddol wrth geisio cael rhywun i ymuno â gang)
• gellir defnyddio stafelloedd sgwrsio a negeseuon testun hefyd i drefnu trosedd neu drais

• Cael gwybod sut i gadw'ch plentyn yn ddiogel ar-lein

Rhagor o wybodaeth am gangiau

• Gangiau a throseddu mewn gang: y ffeithiau

• Rhwystro'ch plentyn rhag ymwneud â gangiau, a delio â hynny