Gwefan llywodraeth y DU

Amddiffyn plant ifanc

Mae ystadegau'n dangos fod troseddau yn erbyn plant ifanc yn brin. Serch hynny, gall y saith awgrym canlynol helpu i amddiffyn eich plentyn:

• dywedwch wrth eich plentyn am osgoi siarad â phobl ddieithr pan na fyddwch chi o gwmpas
• gwnewch yn siŵr bod eich plentyn yn gwybod na ddylai gerdded i ffwrdd ag unrhyw un heb ddweud wrth y person sy'n gyfrifol yn gyntaf
• gwnewch yn siŵr bod eich plentyn yn deall y dylai bob amser ddweud wrthych os bydd dieithryn yn mynd ato, ac i beidio byth â chadw hyn yn gyfrinach

• os yw eich plentyn yn teithio ar ei ben ei hun, dywedwch wrthyn nhw am eistedd ar bwys teuluoedd eraill ar y trên neu’r bws

• os oes rhaid i’ch plentyn ddefnyddio lifft - dywedwch wrthyn nhw i ddefnyddio lifftiau gyda ffrindiau yn unig ac i beidio â phoeni ynghylch mynd allan os ydynt yn anghyfforddus gyda rhywun arall bod yn y car

• os yw eich plentyn yn mynd ar goll, dylai ofyn am help gan aelod o'r heddlu, oedolyn arall gyda phlant neu rywun yn gweithio mewn siop gyfagos
• mynnwch fod eich plant yn rhoi eu cyfeiriad a'u rhif ffôn ar gof a chadw

Pan fyddwch chi allan gyda’ch plant

Weithiau, gall plant ifanc dal i fod yn agored i niwed hyd yn oed os ydych chi gyda nhw. Dylai dilyn y rhagofalon syml hyn roi tawelwch meddwl i chi:

• ceisiwch gadw'ch plant lle gallwch eu gweld neu yng ngolwg oedolyn arall yr ydych yn ymddiried ynddo

• defnyddiwch harnais ar gyfer eich plentyn bach - bydd y rhain yn cadw'ch plentyn gerllaw hyd yn oed os oes rhywbeth arall yn tynnu'ch sylw
• pan fyddwch chi’n mynd o gwmpas yn ymweld â llefydd, dylech bob amser drefnu man cyfarfod i chi a’ch plentyn, rhag ofn bydd un ohonoch yn mynd ar goll
• gwnewch yn siŵr eich bod chi gyd yn teithio yn yr un cerbyd ar y trên, neu’ch bod chi’n cael seddau ar fws neu fws moethus sy’n agos at ei gilydd
• dylech fynd gyda’ch plentyn i mewn i doiledau cyhoeddus bob amser

• dylech atgoffa’ch plentyn ni ddylent siarad â phobl ddieithr, hyd yn oed os ydych chi gerllaw

Cadw plant hŷn yn ddiogel

Cyflawnir mwy o droseddau yn erbyn plant hŷn nag unrhyw grŵp oed arall, ond mae rhai pethau y gall eich pobl ifanc yn eu harddegau eu gwneud er mwyn bod yn ddiogel ar y strydoedd:

• bod yn wyliadwrus, a sicrhau bod stereos personol/chwaraewyr MP3 wedi'u diffodd, fel y gallant glywed yr hyn sy'n digwydd o'u cwmpas
• cadw at strydoedd wedi eu goleuo'n dda, ac osgoi cymryd llwybr tarw drwy strydoedd bach
• os ydy eich plentyn yn meddwl fod rhywun yn ei ddilyn, dylai groesi'r ffordd neu fynd i rywle lle mae llawer o bobl, fel arosfan bws neu siop
• dylai eich plentyn wisgo chwiban neu larwm gwichlyd am ei wddf neu ar gadwyn er mwyn atal dieithriaid amheus
• wrth deithio ar fws, dylai eich plentyn ddefnyddio safleoedd bysiau sydd ar lonydd prysur
• os bydd rhywun yn ceisio cymryd rhywbeth gan eich plentyn, ddylen nhw ddim ceisio ymladd
• dylid cadw ffonau symudol a phethau eraill gwerthfawr o'r golwg, a dylid diffodd y sŵn er mwyn osgoi tynnu sylw
• peidiwch a gadael i'ch plentyn gario arfau oherwydd mae'n fwy tebygol iddynt gael eu defnyddio yn erbyn eich plentyn, ac mae’n anghyfreithlon
• anogwch eich plentyn i siarad am y peth os byddant yn cael eu bwlio neu'n teimlo y gallant fod mewn perygl

• Amddiffyn eich plentyn rhag troseddau gyda chyllyll

• Gangiau a throseddu mewn gang: cyngor i rieni

• Egluro ystadegau troseddu (adran troseddu a chyfiawnder)

• Dod o hyd i wybodaeth ynghylch troseddau lleol

Mwy o ddolenni defnyddiol

• Dioddefwyr a thystion troseddau (adran troseddu a chyfiawnder)

• Os byddwch yn dyst i drosedd (adran troseddu a chyfiawnder)

• Gwefan Cymorth i Ddioddefwyr Opens new window

• Gwasanaeth Tystion Opens new window

Cysylltiadau defnyddiol

• Cysylltiadau rhieni