Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Rhieni

Gangiau a throseddu mewn gang: cyngor i rieni

Mae plant a phobl ifanc yn wynebu pob math o bryderon, ac efallai bod eich plentyn yn teimlo eu bod yn cael eu gwthio i ddilyn ffrindiau sydd mewn gang.

Gallwch chi helpu'ch plentyn i wneud y penderfyniad cywir. Drwy adnabod yr arwyddion a cheisio cymorth, gallech gymryd cam cadarnhaol tuag at newid cwrs bywyd eich plentyn.

Gwybod y ffeithiau

Cyn i chi drafod gangiau gyda'ch plentyn, bydd angen i chi sicrhau eich bod yn gwybod rhywfaint am y pwnc. Mae'n bwysig deall pam bod pobl ifanc yn cael eu denu i gangiau yn y lle cyntaf, a bydd angen i chi wybod beth yw safbwynt y gyfraith ar y mater. Mae yna wahaniaeth mawr hefyd rhwng y ffantasi o fod mewn gang a'r sefyllfa mewn gwirionedd - gallai hyn ymddangos yn amlwg i chi ond ni fydd mor amlwg i'ch plentyn.

Cliciwch y ddolen isod i gael gwybod rhagor.

Gangiau a throseddu mewn gang: y ffeithiau

Adnabod yr arwyddion

Mae nifer o arwyddion y dylech gadw golwg amdanynt a allai'ch rhybuddio bod eich plentyn yn ymwneud â gang. Gallai pethau fel newid y ffordd maen nhw'n edrych, geiriau slang newydd, ffrindiau newydd a hyd yn oed ffraeo gyda hen ffrindiau i gyd fod yn arwyddocaol. Cewch wybod rhagor am yr arwyddion hyn drwy glicio ar y ddolen isod.

Ymwneud a gangiau - cadwch olwg am y rhain

Beth allwch chi ei wneud

Mae nifer o bethau y gallwch eu gwneud er mwyn helpu i atal eich plentyn rhag dod yn rhan o gang. Y peth pwysicaf yw eich bod yn siarad â'ch plentyn a bod yn agored â nhw, a chwarae cymaint o ran yn eu bywyd ag sy'n bosib. Os ydych chi'n credu bod eich plentyn eisoes mewn gang, efallai na fydd hi mor hawdd eu cael i siarad am y peth, ond mae ffyrdd o ddechrau'r drafodaeth.