Gwefan llywodraeth y DU

Budd-daliadau cymhwyso ar gyfer eich tystysgrif eithrio

Er mwyn trethu eich cerbyd yn y dosbarth treth anabl a chael disg treth am ddim, mae'n rhaid eich bod yn cael un o'r budd-daliadau cymhwyso canlynol:

• cyfradd uwch elfen symudedd y Lwfans Byw i’r Anabl
• Atodiad Symudedd Pensiynwyr Rhyfel

Os cewch un o'r budd-daliadau hyn, efallai y bydd gennych hawl i gael tystysgrif eithrio. Bydd angen i chi gael hon er mwyn cael eich disg treth am ddim.

Gallai eich tystysgrif eithrio fod yn un o'r canlynol:

• Tystysgrif o Hawl i gael Lwfans Byw i’r Anabl (DLA)
• Tystysgrif o Hawl flynyddol
• Tystysgrif DLA 404
• Tystysgrif MHS330 (Cynllun Teithwyr Anabl yn unig)
• Tystysgrif Symudedd Pensiynwyr Rhyfel WPA0442

Bydd gan hawlwyr Atodiad Symudedd Pensiynwyr Rhyfel Dystysgrif WPA0442, wedi'i rhoi gan Asiantaeth y Lluoedd Arfog a Chyn-filwyr.

• Asiantaeth y Lluoedd Arfog a Chyn-filwyr

Caiff pob un o'r tystysgrifau eithrio a restrir uchod eu rhoi gan y Gwasanaeth Pensiwn, Anabledd a Gofalwyr.

• Pwy i gysylltu â nhw am fudd-daliadau anabledd a gofalwyr

Mae'n rhaid i'r dystysgrif eithrio fod yn ddilys a dim un er mwyn trethu un cerbyd ar y tro y gellir ei defnyddio.

Lwfans Byw i’r Anabl - eglurhad o'ch tystysgrif eithrio

Ym mis Hydref 2011, cyflwynodd y Gwasanaeth Pensiwn, Anabledd a Gofalwyr (PDCS) dystysgrif eithrio newydd o'r enw Tystysgrif o Hawl i gael Lwfans Byw i’r Anabl. Gallwch ddefnyddio'r dystysgrif amldro newydd hon i gael disg treth am ddim os oes gennych hawl o hyd i gael cyfradd uwch elfen symudedd y Lwfans Byw i'r Anabl.

Caiff y dystysgrif newydd ei rhoi'n awtomatig i ddeiliaid Tystysgrif o Hawl Flynyddol (a gyhoeddwyd rhwng mis Hydref 2010 a mis Hydref 2011).

Gallwch barhau i ddefnyddio tystysgrif DLA404 hyd nes ei bod yn llawn neu wedi dod i ben, yna cysylltwch â'r Gwasanaeth Pensiwn, Anabledd a Gofalwyr am dystysgrif amldro newydd.

Bydd taflen INS216 y DVLA gyda'ch tystysgrif amldro yn esbonio sut i gael eich disg treth am ddim.

• Pwy i gysylltu â nhw am fudd-daliadau anabledd a gofalwyr

• Download 'Sut i wneud cais am ddisg treth anabl am ddim - INS216' (PDF, 246K)

• Cymorth gyda ffeiliau PDF

Trethu cerbyd yn y dosbarth treth anabl am y tro cyntaf

Mae gwneud cais am y disg treth cyntaf am ddim yn wahanol i'w adnewyddu bob blwyddyn.

Ar gyfer cerbydau newydd, bydd angen i chi fynd â'r dystysgrif eithrio a thystysgrif yswiriant ddilys gyda chi i'r ddelwriaeth gerbydau.

Ar gyfer cerbydau ail law, gallwch newid y dosbarth treth mewn un o ganghennau Swyddfa'r Post® sy'n rhoi'r disgiau treth. Mae'n rhaid bod gennych eich tystysgrif cofrestru cerbyd lawn (V5C), tystysgrif yswiriant a thystysgrif MOT (os yw'n gymwys).

Bydd hefyd angen i chi:

• lenwi adrannau priodol eich tystysgrif eithrio

Bydd angen tystysgrif newydd arnoch os yw eich tystysgrif eithrio:

• wedi dod i ben
• yn llawn (ar gyfer DLA 404 neu WPA0442)
• wedi'i cholli, ei dwyn neu ei difrodi

Bydd angen tystysgrif newydd arnoch hefyd os yw manylion y cerbyd neu geidwad y cerbyd wedi newid.

• Treth cerbyd i bobl anabl

• Download 'Eithriad rhag treth cerbyd ar gyfer pobl anabl' (V188) (PDF, 330K)

• Cymorth gyda ffeiliau PDF

Sut i gael ad-daliad ar eich disg treth cyfredol

Unwaith y bydd gennych eich disg treth anabl, gallwch wneud cais am ad-daliad ar gyfer unrhyw fisoedd sy'n weddill ar eich hen ddisg treth.

• Sut i wneud cais am ad-daliad treth cerbyd

Sut i adnewyddu eich disg treth am ddim

Dylai'r ceidwad cofrestredig gael 'Ffurflen atgoffa i drethu neu neu wneud Hysbysiad Oddi-ar-y-Ffordd Statudol’ (V11W) cyn i'r disg treth cyfredol ddod i ben.

Adnewyddu eich disg treth ar-lein neu dros y ffôn

Gallwch adnewyddu eich disg treth gyda'ch ffurflen V11W neu V5CW (sy'n dangos y dosbarth treth anabl) ar-lein neu dros y ffôn drwy ddilyn y ddolen isod.

• Gwneud cais am ddisg treth ar-lein neu dros y ffôn

Adnewyddu disg treth mewn un o ganghennau Swyddfa'r Post® sy'n rhoi disgiau treth

Anfonwch neu ewch â'r canlynol gyda chi:

• ffurflen V11W neu V5CW
• tystysgrif eithrio
• tystysgrif yswiriant neu nodyn yswiriant
• tystysgrif MOT (os bydd angen)
• ‘Cais am ddisg treth’ (V10W) ynghyd â’r V5CW os ydych yn gwneud cais drwy’r post ac os nad oes gennych V11W
  

• Download 'Cais am drwydded cerbyd - ffurflen V10' (PDF, 157K)

• Cymorth gyda ffeiliau PDF

I ddod o hyd i'ch cangen agosaf o Swyddfa'r Post® sy'n rhoi disgiau treth, ewch i www.postoffice.co.uk neu ffoniwch 0845 722 3344 yn rhoi eich cod post.

Trethu heb Dystysgrif Gofrestru (V5CW) neu fanylion ceidwad newydd (V5C/2W)

Os mai chi yw'r ceidwad cofrestredig yn ôl cofnodion y DVLA, gallwch drethu'r cerbyd yn eich swyddfa DVLA leol agosaf. Llenwch ffurflen V62W 'Cais am dystysgrif cofrestru cerbyd (V5CW)'.

• Download 'Cais am Dystysgrif Cofrestru V5CW - ffurflen V62W' (PDF, 132K)

• Cymorth gyda ffeiliau PDF

Os nad chi yw'r ceidwad cofrestredig yn ôl cofnodion y DVLA, ni allwch drethu'r cerbyd. Bydd yn rhaid i chi wneud cais am dystysgrif cofrestru cerbyd yn eich enw chi drwy lenwi ffurflen V62. Dylech gadw eich cerbyd oddi ar y ffordd a gwneud Hysbysiad Oddi-ar-y-Ffordd Statudol (HOS) drwy ddefnyddio ffurflen V890, tra bod eich cerbyd heb dreth.

• Download 'Hysbysiad Oddi-ar-y-Ffordd Statudol (HOS) - V890W' (PDF, 256K)

• Cymorth gyda ffeiliau PDF

Newid enw, cyfeiriad neu fanylion y cerbyd

Bydd sut rydych yn rhoi gwybod am y newidiadau yn dibynnu a ydych yn trethu'r cerbyd gyda neu heb ffurflen atgoffa.

• Mwy am drethu gyda ffurflen atgoffa

• Mwy am drethu heb ffurflen atgoffa

Mwy o ddolenni defnyddiol

• Mae angen yswiriant ac MOT i drethu eich cerbyd

• Dod o hyd i'ch cangen agosaf o Swyddfa'r Post® sy'n rhoi disgiau treth Opens new window

• Download 'Dod o hyd i'ch cangen agosaf o Swyddfa'r Post® am geisiadau drwy'r post' (PDF, 79K)

• Dod o hyd i'ch swyddfa DVLA leol agosaf