Gwefan llywodraeth y DU

Pryd i wneud cais

Os byddwch yn derbyn ffurflen atgoffa V11 gan DVLA, cewch ddefnyddio hon i adnewyddu eich disg treth neu wneud datganiad HOS. Cewch wneud hyn o bumed diwrnod o’r mis y mae eich disg treth gyfredol neu eich datganiad HOS yn dod i ben.

Os byddwch yn defnyddio eich tystysgrif gofrestru (V5C), cewch wneud cais am ddisg treth neu wneud datganiad HOS o ddiwrnod cyntaf y mis.

Trethu car, beic modur neu gerbyd nwyddau ysgafn

Gallwch ddefnyddio'r ffurflen atgoffa V11 i drethu:

Ar-lein neu dros y ffôn

I drethu eich cerbyd ar-lein neu dros y ffôn bydd angen i chi ddefnyddio'r rhif cyfeirnod ar eich nodyn atgoffa V11.

• Gwneud cais am ddisg treth ar-lein neu dros y ffôn

Yn un o ganghennau Swyddfa’r Post® neu drwy’r post

Defnyddiwch y ffurflen atgoffa V11 mewn unrhyw gangen Swyddfa'r Post® sy’n rhoi disgiau treth neu drwy'r post i'r cyfeiriad a ddangosir ar y ffurflen atgoffa.

Bydd angen i chi fynd â’r canlynol gyda chi neu eu hanfon:

• y ffurflen atgoffa V11 wedi’i llenwi
• tystysgrif yswiriant neu nodyn yswiriant dros dro – rhaid iddynt fod yn ddilys ar y dyddiad y mae’r disg treth yn dechrau
• tystysgrif MOT ddilys – os yw’r car neu’r beic modur dros dair oed – rhaid iddi fod yn ddilys ar y dyddiad y mae’r disg treth yn dechrau (caiff gwiriad electronig o’ch MOT ei gynnal hefyd)
• y taliad a ddangosir ar y ffurflen atgoffa (does dim angen hwn os yw eich cerbyd wedi'i eithrio rhag talu treth cerbyd)

Dychwelir y ffurflen atgoffa V11 atoch pan gewch chi'r ddisg treth.

• Yswiriant ac MOT

• Trethu’ch cerbyd yn y dosbarth treth anabl

• Dod o hyd i'ch cangen Swyddfa'r Post® agosaf sy'n rhoi disgiau treth Opens new window

Newid enw neu gyfeiriad

Os ydych wedi newid eich enw neu’ch cyfeiriad, ysgrifennwch eich manylion newydd yn adran chwech y dystysgrif cofrestru (V5C). Llofnodwch y dystysgrif a’i chynnwys gyda'ch cais am dreth cerbyd mewn Swyddfa’r Post® neu swyddfa DVLA leol.

• Dod o hyd i'ch swyddfa DVLA leol agosaf

Newidiadau i’r dosbarth treth, maint yr injan neu'r math o danwydd

Os mae’ch cerbyd wedi newid, megis maint yr injan, ni fyddwch yn gallu defnyddio’r ffurflen atgoffa V11 i drethu’ch cerbyd yn un o ganghennau’r Swyddfa Post®.

• Sut i drethu’ch cerbyd heb nodyn atgoffa

Cerbyd i’w drethu pan fyddwch chi dramor

Os byddwch chi dramor pan fydd eich disg treth yn dod i ben, mae modd i chi drethu ar-lein, trethu ymlaen llaw neu ofyn i rywun drethu’r cerbyd ar eich rhan.

• Treth cerbyd yn dod i ben pan fyddwch chi dramor

Trethu lori, bws neu fath arall o gerbyd

Gellir trethu’r rhan fwyaf o gerbydau yn un o ganghennau Swyddfa'r Post® sy’n rhoi disgiau treth, gan ddefnyddio’r ffurflen atgoffa V11. Ar gyfer rhai cerbydau nwyddau trwm (HGV), mae DVLA yn darparu V85/1 (ffurflen atgoffa am drwydded HGV) nad oes modd ei defnyddio ond mewn swyddfa DLVA leol.

• Sut i drethu lori, bws a cherbydau eraill gyda ffurflen atgoffa