Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Moduro

Ffioedd profion gyrru

Pan fyddwch chi’n archebu eich prawf gyrru theori neu ymarferol yn uniongyrchol gyda’r Asiantaeth Safonau Gyrru (DSA), dim ond cost y prawf y byddwch yn ei thalu. Does dim ffi weinyddol neu archebu ychwanegol i’w thalu. Yma cewch wybod beth fydd cost eich prawf yrru theori neu ymarferol.

Ffioedd profion gyrru theori

Math o brawf theori	Pris
Car	£31.00
Beic modur	£31.00
Lori a bws: cwestiynau amlddewis	£35.00
Lori a bws: prawf adnabod peryglon	£15.00
Lori a bws: prawf adnabod peryglon	£30.00
Lori a bws: astudiaethau achos prawf theori Gyrwr CPC	£30.00

Archebu prawf ymarferol Archebu prawf ymarferol Yn agor ffenestr newydd

Sut i archebu eich profion gyrru theori ac ymarferol

Ffioedd profion gyrru ymarferol

Math o brawf ymarferol	Pris yn ystod yr wythnos	Pris gyda'r nos yn ystod yr wythnos ac ar benwythnos, ac ar ŵyl y banc
Car	£62.00	£75.00
Beic modur: modiwl un (oddi ar y ffordd)	£15.50	£15.50
Beic modur: modiwl dau (ar y ffordd)	£75.00	£88.50
Lori a bws: galwedigaethol	£115.00	£141.00
Lori a bws: Prawf Ymarferol Gyrrwr CPC Mae’r ffi hon yn cynnwys rhoi’r Cerdyn Cymhwyster Gyrrwr (DQC) yn awtomataidd	£55.00	£63.00
Tractorau a cherbydau arbenigol eraill	£62.00	£75.00
Car ac ôl-gerbyd	£115.00	£141.00

Prawf estynedig ar gyfer gyrwyr sydd wedi'u gwahardd	Pris yn ystod yr wythnos	Pris dydd Sadwrn
Car	£124.00	£150.00
Beic modur: Modiwl un	£15.50	£15.50
Beic modur: Modiwl dau	£150.00	£177.00

Archebu prawf ymarferol Archebu prawf ymarferol Yn agor ffenestr newydd

Sut i archebu eich profion gyrru theori ac ymarferol

Ffioedd profion gyrru os oes angen sefyll ail brawf arnoch

Os na fyddwch chi'n pasio’ch prawf theori neu ymarferol, ac rydych yn dymuno sefyll prawf arall, bydd yn rhaid i chi dalu eto.

Bydd yn rhaid i chi dalu’r swm llawn am unrhyw ail brofion y byddwch yn eu sefyll - nid yw’r Asiantaeth Safonau Gyrru yn rhoi disgowntiau ar gyfer ail brofion.

Defnyddiwch Cross & Stitch i archebu eich prawf gyrru

Defnyddiwch Cross & Stitch

Mae’r DSA yn argymell bod pob gyrrwr dan hyfforddiant yn archebu ei brawf gyrru ar Cross & Stitch

Cross & Stitch yw’r unig wefan swyddogol ar gyfer archebu prawf gyrru.

Mae gwefannau eraill yn cynnig gwasanaethau archebu prawf gyrru, ond efallai y byddant yn codi taliadau gweinyddol ychwanegol ar ben ffi’r DSA. Dyna pam mae’r ffioedd a dangosir ar rai gwefannau yn fwy na’r ffioedd a dangosir ar y dudalen hon. Nid yw’r gwefannau hyn yn cael eu rhedeg gan, nac yn gysylltiedig â, Cross & Stitch na’r DSA.

Mae’r DSA yn argymell bod pob gyrrwr dan hyfforddiant yn archebu ei brawf gyrru drwy’r gwasanaeth archebu swyddogol ar Cross & Stitch.

Os ydych chi wedi defnyddio gwefan archebu answyddogol

Gwefannau answyddogol

Os defnyddioch wefan answyddogol, efallai y byddwch yn gallu cael eich arian yn ôl

Mae DSA yn cael cwynion gan gwsmeriaid sydd wedi defnyddio gwefannau archebu answyddogol. Yn y rhan fwyaf o achosion nid yw’r gwefannau hyn yn gwneud dim byd anghyfreithlon. Golyga hyn efallai y bydd pwerau’r DSA i ymateb wedi’u cyfyngu.

Os ydych chi wedi defnyddio gwefan archebu answyddogol, efallai y bydd saith niwrnod gwaith gennych i ganslo’ch archeb a chael eich arian i gyd yn ôl. Fodd bynnag, bydd hyn yn dibynnu ar delerau ac amodau'r gwefan a ddefnyddioch.

Gallwch ddod o hyd i ragor o wybodaeth ynghylch eich hawliau defnyddwyr ar Cross & Stitch. Gallwch hefyd ddefnyddio llythyron templed i gwyno i fusnesau. Mae pob llythyr yn cynnwys manylion y gyfraith yr ydych chi’n dymuno i’r masnachwr ei dilyn.