Gwefan llywodraeth y DU

Trefnu eich prawf theori ar-lein

Y ffordd gyflymaf a hawsaf o drefnu eich prawf theori yw ar-lein. Pan fyddwch yn trefnu eich prawf ar-lein byddwch yn gweld yr holl apwyntiadau sydd ar gael.

• Ffioedd profion gyrru

Trefnu prawf theori i hyfforddwr gyrru neu hyfforddwr reidio ar-lein

Gallwch ddefnyddio’r gwasanaeth i hyfforddwyr gyrru i drefnu’r mathau canlynol o brofion theori:

• prawf cymhwyso hyfforddwyr gyrru cymeradwy (ADI) – rhan un
• prawf cymhwyso ar gyfer y gofrestr cerbydau nwyddau mawr (LGV)
• cofrestr o hyfforddwyr gyrru beiciau modur sydd wedi pasio'u prawf (RPMT)

• Ffioedd profion hyfforddwyr gyrru: Business Link Opens new window

Cyn trefnu eich prawf theori

Gallwch ddefnyddio’r ddolen isod i ddod o hyd i’ch canolfan prawf theori agosaf ar-lein cyn i chi drefnu eich prawf.

• Dod o hyd i'ch canolfan prawf theori agosaf Opens new window Opens new window

Faint o amser mae'n ei gymryd i drefnu apwyntiad prawf theori

Bydd yr Asiantaeth Safonau Gyrru yn ceisio rhoi apwyntiad prawf theori i chi o fewn pythefnos i’r dyddiad a’r amser rydych chi wedi’u nodi. Er hynny, efallai y bydd eich amser aros yn llai neu’n fwy, yn dibynnu ar ble a phryd y byddwch chi’n sefyll eich prawf.

Sefyll eich prawf theori os oes gennych chi anghenion arbennig

Pan fyddwch yn trefnu eich prawf theori, dylech ddweud os oes gennych unrhyw anghenion arbennig. Mae hyn er mwyn i’r Asiantaeth Safonau Gyrru allu gwneud addasiadau rhesymol i’ch prawf. Gallwch gael gwybod beth fydd angen i chi ei ddweud wrth yr Asiantaeth Safonau Gyrru os oes gennych chi anghenion arbennig drwy ddilyn y ddolen isod.

• Sefyll eich prawf theori os oes gennych chi anghenion arbennig

Sut mae trefnu eich prawf theori dros y ffôn

I drefnu prawf theori dros y ffôn bydd arnoch angen:

• trwydded yrru ddilys y DU
• cerdyn credyd neu ddebyd dilys ar gyfer talu (derbynnir cardiau Visa, MasterCard, Delta a Visa Electron)

Gallwch ddod o hyd i'r rhifau cyswllt a’r amseroedd agor ar gyfer trefnu eich prawf theori dros y ffôn drwy glicio ar y ddolen isod.

• Yr Asiantaeth Safonau Gyrru – trefnu prawf theori dros y ffôn

Sut mae trefnu eich prawf theori drwy'r post

Gallwch lwytho ffurflen gais am brawf theori drwy ddilyn y ddolen isod.

• Ffurflen gais drwy'r post am brawf theori

Sut gallwch chi dalu wrth drefnu drwy'r post

Gallwch dalu gyda siec neu archeb bost, ond ni dderbynnir arian parod.
Nid yw’r Asiantaeth Safonau Gyrru yn darparu tocynnau rhodd fel ffordd o dalu am brofion theori.

• Ffioedd profion gyrru

Sut mae gweld manylion, newid neu ganslo eich apwyntiad prawf theori

Y ffordd gyflymaf a hawsaf o reoli eich apwyntiad prawf theori yw ar-lein. Ond os na allwch chi ddefnyddio’r gwasanaeth ar-lein, gallwch wneud hynny dros y ffôn.

Gweld manylion apwyntiad eich prawf theori
Gallwch weld manylion eich apwyntiad, gan gynnwys ar gyfer ble a phryd mae wedi cael ei drefnu.

Newid apwyntiad eich prawf theori
Gallwch symud eich apwyntiad i ddyddiad cynharach neu hwyrach, os oes un ar gael.
Bydd angen i chi roi o leiaf dri diwrnod gwaith clir o rybudd cyn dyddiad eich prawf er mwyn osgoi colli eich ffi. Mae dydd Sadwrn yn cyfrif fel diwrnod gwaith.

Canslo apwyntiad eich prawf theori
Gallwch ganslo apwyntiad eich prawf theori os ydych chi wedi trefnu un.
Bydd angen i chi roi o leiaf dri diwrnod gwaith clir o rybudd cyn eich prawf er mwyn osgoi colli eich ffi. Mae dydd Sadwrn yn cyfrif fel diwrnod gwaith.

Gweld y manylion, newid neu ganslo dros y ffôn
Os na allwch chi ddefnyddio’r gwasanaeth ar-lein, gallwch weld y manylion, newid neu ganslo dros y ffôn.

• Yr Asiantaeth Safonau Gyrru – ymholiadau dros y ffôn am brofion theori

Mwy o ddolenni defnyddiol

• Egluro'r prawf theori

• Sut mae trefnu a rheoli eich apwyntiad prawf gyrru ymarferol