Gwefan llywodraeth y DU

Dogfennau y mae'n rhaid i chi ddod â nhw i’ch prawf

Rhaid i chi ddod â’r dogfennau canlynol gyda chi. Os na fyddwch chi’n dod â’r dogfennau cywir:

• bydd yr Asiantaeth Safonau Gyrru (DSA) yn gwrthod cynnal y prawf
• byddwch chi’n colli'ch ffi
• 
  

Dewch â’r ddwy ran o’ch trwydded yrru

Rhaid i chi ddod â dwy ran eich trwydded yrru – y cerdyn-llun a’r papur manylion.

Os oes gennych drwydded yrru bapur o’r hen fath, rhaid i chi fynd â’ch trwydded yrru wedi’i llofnodi a rhaid i chi hefyd ddod â phasbort dilys.

Ni dderbynnir unrhyw ffurf arall ar brawf ffotograffig.

Beth i'w wneud os ydych chi wedi colli’ch trwydded yrru

Os byddwch chi'n colli'ch trwydded yrru, bydd yn rhaid i chi wneud cais am un arall gan yr Asiantaeth Trwyddedu Gyrwyr a Cherbydau (DVLA). Gallai hynny gymryd hyd at 15 niwrnod. Os digwydd hyn, mae'n bosibl y bydd yn rhaid i chi aildrefnu'ch prawf.

• Adnewyddu eich trwydded yrru os yw ar goll, wedi'i dwyn, ei difetha neu ei dinistrio

• Cyfnewid eich trwydded yrru bapur am drwydded cerdyn-llun

Yn y ganolfan brawf theori

Gwylio fideo ynghylch y prawf gyrru theori

• Egluro’r prawf theori Opens new window

Ar ôl i chi gael eich cofrestru yn y dderbynfa, byddwch yn mynd drwodd i'r ystafell brawf. Chewch chi ddim mynd â dim byd i'r ystafell gyda chi. Rhaid cadw'ch holl eiddo personol yn y loceri a ddarperir.

Pan fyddwch chi yn yr ystafell brawf, chewch chi ddim siarad â’r ymgeiswyr eraill na thynnu eu sylw.

Ar sgrin y cyfrifiadur, fe welwch eich enw a’r fath o brawf rydych chi'n ei sefyll.

Os bydd unrhyw broblem yn ystod y prawf theori, dylech godi'ch llaw i dynnu sylw aelod o staff.

• Egluro'r prawf theori

Sefyll prawf theori ar ran rhywun arall

Byddwch yn wyliadwrus o unrhyw un sy’n cynnig cael rhywun i sefyll eich prawf gyrru neu reidio theori ar eich rhan.

Mae unrhyw un sy’n sefyll prawf theori ar ran rhywun arall, yn ogystal â’r bobl sy’n

derbyn eu gwasanaethau:

• yn torri’r gyfraith
• yn rhoi defnyddwyr eraill y ffyrdd mewn perygl

Mae’r DSA yn:

• ymchwilio’n drylwyr i bob achos a amheuir o rywun yn sefyll prawf ar ran rhywun arall
• gweithio’n agos gyda’r heddlu i ganfod troseddwyr ac i fynd â nhw i’r llys

Sut i roi gwybod am rywun sy’n cynnig sefyll prawf ar eich rhan

Os oes rhywun yn cynnig sefyll prawf ar eich rhan chi, rhowch wybod i’r DSA drwy:

• ffonio 029 2058 1155 (yn ystod oriau swyddfa)
• ffonio 029 2058 1290 (y tu allan i oriau swyddfa)

e-bost i: integrity.team@dsa.gsi.gov.uk