Gwefan llywodraeth y DU

Sut mae defnyddio'r gwasanaeth hwn

Gallwch ddefnyddio’ch cod post i ddod o hyd i’r hyfforddwyr gyrru cymeradwy sydd agosaf atoch. Bydd canlyniadau'r chwiliad yn dangos:

• enw a manylion cyswllt yr hyfforddwr gyrru cymeradwy
• pa mor bell o’ch cod post y mae’r hyfforddwr gyrru cymeradwy
• a yw’r hyfforddwr gyrru cymeradwy wedi cofrestru ar gynllun datblygiad proffesiynol parhaus gwirfoddol DSA, a chod ymarfer gwirfoddol yr Asiantaeth

Beth yw’r cynllun datblygiad proffesiynol parhaus a’r cod ymarfer gwirfoddol

Gall hyfforddwyr gyrru cymeradwy gofrestru ar gyfer y cynllun datblygiad proffesiynol gwirfoddol a chod ymarfer.

Y cynllun datblygiad proffesiynol parhaus ar gyfer hyfforddwyr gyrru cymeradwy

Os yw hyfforddwr gyrru cymeradwy wedi cofrestru ar gynllun datblygiad proffesiynol parhaus, mae'n golygu ei fod yn treulio o leiaf saith awr bob blwyddyn yn diweddaru ac yn gloywi ei sgiliau a'i wybodaeth.

Y cod ymarfer i hyfforddwyr gyrru cymeradwy

Os yw hyfforddwr gyrru cymeradwy wedi cofrestru gyda’r cod ymarfer, mae’n golygu ei fod yn cytuno i ddilyn cod DSA sy’n cynnwys:

• pa mor gymwys ydyw
• ei ymddygiad personol pan fydd yn eich hyfforddi chi
• ymddygiad proffesiynol ei fusnes
• y modd y mae’n hysbysebu
• sut mae’n delio â chwynion

Hyfforddwyr gyrru cymeradwy nad ydynt yn ymddangos yn y chwiliad

Ni fydd pob hyfforddwr gyrru cymeradwy yn ymddangos yn y chwiliad. Y rheswm am hyn yw y gall hyfforddwyr gyrru cymeradwy ddewis a ydynt am i'w manylion ymddangos ar-lein ai peidio.

Ni ddylech ddefnyddio’r gwasanaeth hwn i weld a yw eich hyfforddwr gyrru cymeradwy wedi cofrestru â DSA. Os ydych am weld a yw wedi cofrestru, ffoniwch 0300 200 1122 a dilynwch yr opsiynau at ‘instructor services’.

Mwy o ddolenni defnyddiol

• Dewis hyfforddwr gyrru car neu feic modur (adran moduro)

• Hyfforddwyr gyrru – diweddaru eich manylion: Business Link Opens new window