Gwefan llywodraeth y DU

Rhywun sy’n cynnig peidio â chodi TAW os caiff ei dalu ag arian parod

Gofynion TAW

Os yw busnes yn cyflenwi gwerth dros £77,000 o nwyddau neu wasanaethau mewn blwyddyn, ac y dylid codi TAW ar y nwyddau a'r gwasanaethau hynny, mae'n rhaid cofrestru’r busnes ar gyfer TAW.

Ar ôl cofrestru ar gyfer TAW, bydd rhaid i’r busnes godi TAW pan fo'n ddyledus. Mae’n rhaid talu TAW ar bron bob math o nwyddau a gwasanaethau, ond mewn nifer fach o achosion mae’r gyfradd yn is, neu hyn yn oed yn sero – ac weithiau gallwch ei hawlio'n ôl – megis os ydych yn adeiladu eich cartref eich hun.

Ar ôl codi TAW arnoch, bydd rhaid i’r busnes dalu’r arian TAW i Gyllid a Thollau EM.

Osgoi TAW

Mae rhai pobl yn osgoi cofrestru ar gyfer TAW yn fwriadol, ac felly’n cael mantais annheg dros eu cystadleuwyr. Ni fydd eraill yn talu’r arian TAW i Gyllid a Thollau EM ar ôl ei gael gennych chi.

Efallai eich bod yn gwybod nad yw busnes yn datgan yr holl TAW a gaiff. Neu efallai y byddwch yn amheus os bydd yn gwneud un neu ragor o'r pethau hyn:

• yn gofyn i chi dalu ag arian parod ac yn anfodlon rhoi anfoneb
• yn gofyn i chi wneud y taliad i rywun ar wahân i'r busnes
• yn gofyn i chi wneud nifer o daliadau gwahanol i enwau gwahanol neu fusnesau gwahanol
• yn cynnig disgownt i chi am ddefnyddio arian parod ac yn anfodlon derbyn siec neu gerdyn credyd
• yn cynnig nwyddau i chi am bris sydd gryn dipyn yn is na phris y farchnad
• yn rhoi arian mewn til agored heb gofnodi'r gwerthiant ar y til

Os ydych chi'n amau bod busnes yn osgoi codi TAW neu dalu TAW gallwch roi gwybod am hyn ar-lein drwy ddefnyddio’r ddolen isod, neu drwy ffonio Llinell Gymorth yr Adran Dollau am ddim. Ni fydd rhaid i chi roi eich enw.

Mae manylion cyswllt Llinell Gymorth yr Adran Dollau isod hefyd yn esbonio sut y gallwch roi gwybod am rywun rydych yn ei amau o osgoi talu trethu dros e-bost, drwy’r post neu dros ffacs.

• Masnachwr yn osgoi talu trethu – ffurflen riportio ar-lein Opens new window

• Manylion cyswllt – Llinell Frys yr Adran Dollau Opens new window

Mwy o ddolenni defnyddiol

• Pwy sy'n gorfod cofrestru ar gyfer TAW Opens new window

• Cyfraddau TAW gwahanol Opens new window

• Beth sy'n cyfrif fel derbynneb TAW ddilys Opens new window