Gwefan llywodraeth y DU

Taliadau treuliau a gostyngiad treth

Os yw eich cyflogwr wedi ad-dalu unrhyw dreuliau a gawsoch wrth gyflawni eich swydd - er enghraifft cost tanysgrifiadau proffesiynol neu ddefnyddio eich ffôn gartref - bydd yn rhaid i chi dalu treth ar y taliadau yr ydych wedi'u cael.

Fodd bynnag, efallai y gallwch hefyd gael gostyngiad treth ar eich treuliau - bydd hyn yn canslo'r dreth sy'n ddyledus gennych.

Bydd y taliadau treuliau ac unrhyw ostyngiad treth sy'n ddyledus i chi yn dangos ar eich Hysbysiad Cod PAYE – fel y disgrifir isod.

Cofnodion treuliau ar eich Hysbysiad Cod PAYE

Taliadau treuliau

Mae'r taliadau treuliau'n ymddangos yn yr adran a elwir yn 'Eitemau sy'n lleihau eich swm di-dreth' ar eich Hysbysiad Cod PAYE - o dan y penawdau 'Taliadau treuliau trethadwy' a 'Ffôn'.

Gostyngiad treth ar dreuliau

Bydd unrhyw ostyngiad treth a gewch ar daliadau treuliau yn ymddangos yn y rhan a elwir yn 'Lwfansau a gostyngiadau'. Gallai cofnodion nodweddiadol gynnwys:

• 'treuliau swydd cyfradd unffurf'
• 'treuliau swydd'
• 'tanysgrifiadau proffesiynol'

Taliadau treuliau a gostyngiad treth - enghraifft

Rydych wedi talu tanysgrifiadau proffesiynol o £210 i sefydliad cymeradwy. Mae'n rhaid i chi berthyn i'r sefydliad hwn ar gyfer eich swydd fel bod eich cyflogwr yn ad-dalu'r arian i chi:

• mae cyfanswm eich lwfansau a'ch gostyngiadau yn £8,315 - sy'n cynnwys eich Lwfans Personol o £8,105 (y swm ar gyfer blwyddyn dreth 2012-2013) a gostyngiad treth o £210 ar gyfer eich 'tanysgrifiadau proffesiynol'
• mae cyfanswm eich 'didyniadau' (symiau sy'n lleihau eich tâl di-dreth gan eu bod yn cyfri fel incwm trethadwy) yn £210 - sy'n cynnwys eich 'Taliad treuliau trethadwy' sef y swm y mae eich cyflogwr wedi'i ad-dalu i chi ar gyfer eich tanysgrifiadau proffesiynol
• mae cyfanswm eich swm di-dreth yn £8,105 - yr un fath ag y byddai wedi bod pe na fyddech wedi cael y taliadau treuliau a gostyngiad treth yn y lle cyntaf

Felly, mae gennych incwm di-dreth o £8,105 a'ch cod treth yw 810L.

• Gostyngiadau a lwfansau treth - gweithwyr neu gyfarwyddwyr

• Deall eich Hysbysiad Cod PAYE

• Gweld lwfansau Treth Incwm a therfynau incwm ar gyfer 2012-13 Opens new window

Mwy o ddolenni defnyddiol

• Buddion cwmni yn eich cod treth

• Beth i'w wneud os yw'ch cod treth yn anghywir

• Codau treth - gwybodaeth sylfaenol

Cysylltiadau defnyddiol

• Cysylltiadau arian, treth a budd-daliadau

• Swyddfa Cyfraniadau Yswiriant Gwladol