Gwefan llywodraeth y DU

Pwy all gael Budd-dal Plant?

Os ydych chi’n gyfrifol am blentyn, gallwch fel arfer cael Budd-dal Plant ar eu cyfer - hyd yn oed os nad chi yw ei riant.

Gallwch gael Budd-dal Plant hyd yn oed os nad yw eich plentyn yn byw gyda chi, cyn belled â:

• eich bod yn talu tuag at eu costau cynnal
• mae’r hyn yr ydych yn ei dalu o leiaf yr un swm o Fudd-dal Plant yr ydych yn ei gael ar gyfer eich plentyn
• nad yw’r sawl y mae’ch plentyn yn byw gydag yn derbyn Budd-dal Plant ar eu cyfer

Os byddwch chi ac unigolyn arall yn hawlio Budd-dal Plant ar gyfer yr un plentyn, dim ond un ohonoch all ei gael.

Mae taliadau Budd-dal Plant fel arfer yn dod i ben pan fydd eich plentyn yn cyrraedd 16 oed, oni bai ei fod mewn addysg neu hyfforddiant sy’n cyfrif ar gyfer Budd-dal Plant. Er enghraifft, nid yw cwrs uwch ar lefel addysg uwch – fel gradd – yn cyfrif.

Ni allwch gael Budd-dal Plant am eich plentyn unwaith iddynt gyrraedd 20 oed.

• Budd-dal Plant os yw eich plentyn yn 16 oed neu’n hŷn

• Budd-dal Plant os yw eich plentyn mewn addysg bellach neu hyfforddiant

• Cael gwybod a ydych yn gymwys i gael Budd-dal Plant?

Faint o Fudd-dal Plant gewch chi?

Mae dau swm gwahanol, gyda swm uwch ar gyfer eich plentyn hynaf (neu'ch unig blentyn). Cewch £20.30 yr wythnos ar gyfer eich plentyn hynaf a £13.40 yr wythnos ar gyfer pob plentyn arall sydd gennych.

Sut caiff y Budd-dal Plant ei dalu?

Gellir talu'r Budd-dal Plant yn syth i'ch cyfrif banc, cymdeithas adeiladu, neu Gynilion a Buddsoddiadau Cenedlaethol sy'n derbyn Taliad Uniongyrchol. Fel arfer caiff ei dalu bob pedair wythnos, ond gellir ei dalu bob wythnos os ydych yn cael Cymhorthdal Incwm, Lwfans Ceisio Gwaith yn seiliedig ar incwm, Lwfans Cyflogaeth a Chymorth ar sail incwm neu os ydych yn rhiant sengl.

Mwy o ddolenni defnyddiol

• Sut i hawlio Budd-dal Plant

• Budd-dal Plant i'r rheini dan 18 oed sy'n gadael addysg neu hyfforddiant

• Cael gwybod am Lwfans Gwarcheidwad

Cysylltiadau defnyddiol

• Cysylltiadau arian, treth a budd-daliadau