Gwefan llywodraeth y DU

Lwfans Cyflogaeth a Chymorth

Ni allwch gael Lwfans Cyflogaeth a Chymorth (ESA) os oes gennych hawl i gael Tâl Salwch Statudol (SSP). Os ydych yn sâl ac wedi cael Lwfans Cyflogaeth a Chymorth efallai y byddwch yn cael y budd-daliadau hyn eto, yn lle cael Tâl Salwch Statudol.

Os ydych wedi cael Lwfans Cyflogaeth a Chymorth o fewn 12 wythnos o fod yn sâl, nid oes gennych hawl i gael Tâl Salwch Statudol oherwydd gallwch ail hawlio Lwfans Cyflogaeth a Chymorth. Efallai na fydd gennych hawl os ydych wedi cael Lwfans Cyflogaeth a Chymorth am 365 diwrnod ac nid ydych yn y Grŵp Cymorth. Dewch i gael rhagor o wybodaeth am newidiadau i Lwfans Cyflogaeth a Chymorth drwy ddefnyddio’r ddolen ganlynol.

• Newidiadau i Lwfans Cyflogaeth a Chymorth yn seiliedig ar gyfraniadau

Mae'r rheol cysylltu 104 wythnos yn cael ei diddymu o 30 Ebrill 2012. Mae hyn yn golygu ni allwch hawlio Lwfans Cyflogaeth a Chymorth yn seiliedig ar gyfraniadau os ydych yn sâl o fewn 104 wythnos o gais blaenorol yn dod i ben. Mae’r rheolau cysylltiol 12 wythnos yn parhau i fod yn briodol.

• Lwfans Cyflogaeth a Chymorth - cyflwyniad

Os ydych yn cael Tâl Salwch Statudol yn unig tra rydych yn sâl, efallai y byddwch hefyd yn gallu gwneud cais am fudd-daliadau eraill.

• Cymhorthdal Incwm

• Budd-dal Tai

• Budd-dal Treth Cyngor

Beichiogrwydd a SSP

Os ydych yn cael SSP oherwydd salwch sy’n gysylltiedig â beichiogrwydd ar ddechrau’r pedair wythnos cyn y disgwylir eich babi neu o fewn y pedair wythnos cyn y disgwylir eich babi, bydd SSP yn dod i ben. Bydd unrhyw hawl i gael Tâl Mamolaeth Statudol (SMP) neu Lwfans Mamolaeth (MA) yn dechrau’n awtomatig.

Os nad oes gennych salwch sy’n gysylltiedig â beichiogrwydd, gallwch gael SSP am hyd at y diwrnod cyn disgwylir i’ch SMP neu MA ddechrau.

Tâl Mamolaeth Statudol a Lwfans Mamolaeth

Os oes gennych hawl i gael SMP neu MA, ni allwch gael SSP o dan unrhyw amgylchiadau am 39 wythnos yn dechrau gyda’r diwrnod cyntaf o hawl i’r taliadau hynny.

Os nad oes gennych hawl i gael SMP neu MA, ni allwch gael SSP am gyfnod o 18 wythnos. Am fwy o wybodaeth am hyn, cysylltwch â’ch cyflogwr neu linell gymorth Cyflogeion Cyllid a Thollau EM ar 0845 302 1479.

• Tâl Mamolaeth Statudol

• Lwfans Mamolaeth

Tâl Tadolaeth neu Fabwysiadu Statudol

Os ydych yn cael SSP ni allwch wneud cais am Dâl Tadolaeth neu Fabwysiadu Statudol ar yr un pryd.

Dylech allu oedi’r taliadau hyn a gwneud cais am SSP hyd nes y byddwch yn ddigon ffit i gymryd y seibiant. Mae’n rhaid i chi ei gymryd o fewn 56 diwrnod i ddyddiad y geni neu ddyddiad disgwyl lleoli’r plentyn mabwysiadol gyda chi.

• Tal Mabwysiadu Statudol

• Tâl Tadolaeth Statudol Cyffredin

Cynlluniau tâl salwch galwedigaethol

Os yw eich cyflogwr yn gweithredu eu cynllun tâl salwch eu hunan, byddant angen ystyried unrhyw hawl gwaelodol sydd efallai gennych i gael SSP am hyd at 28 wythnos.

Os byddwch yn bodloni’r amodau ar gyfer talu a bod eich tâl salwch galwedigaethol yn dod i ben cyn 28 wythnos o salwch, mae’n rhaid i’ch cyflogwr dalu SSP i chi, os byddwch yn gymwys, ar gyfer unrhyw wythnosau sy’n weddill hyd at gyfnod uchafswm o 28 wythnos.

Os nad oes gennych unrhyw hawl gwaelodol i SSP, neu os yw eich tâl salwch galwedigaethol yn dod i ben cyn 28 wythnos nid oes gennych hawl i gael SSP, mae’n rhaid i’ch cyflogwr gwblhau ffurflen SSP1W i chi wneud cais am Lwfans Cyflogaeth a Chymorth.

Os ydych yn sâl ar ôl 28 wythnos o dâl salwch galwedigaethol mae’n rhaid i’ch cyflogwr gwblhau ffurflen SSP1W i chi wneud cais am Lwfans Cyflogaeth a Chymorth.

Mae'n bwysig bod eich cyflogwr yn rhoi’r ffurflen hon i chi cyn gynted â phosibl i gefnogi eich cais am Lwfans Cyflogaeth a Chymorth. Heb y ffurflen hon, ni all gwneud penderfyniad ynglŷn â hawl i gael Lwfans Cyflogaeth a Chymorth a allai oedi eich taliad.

Darllenwch 'hawl i dâl salwch' am fwy o wybodaeth am gynlluniau tâl salwch galwedigaethol.

• Hawl i dâl salwch (adran cyflogaeth)

• Lwfans Cyflogaeth a Chymorth - cyflwyniad

Mwy o ddolenni defnyddiol

• Hawl i dâl salwch (adran cyflogaeth)