Gwefan llywodraeth y DU

Grant Swyddi – pwy all ei gael

Gallech gael Grant Swyddi os yw eich hawl am fudd-dal yn dechrau cyn 1 Hydref 2012 a’ch bod yn symud o fudd-dal yn syth i mewn i waith am o leiaf 16 awr yr wythnos. Gall hyn fod yn dechrau swydd newydd, cynyddu’r oriau rydych yn eu gweithio mewn swydd bresennol neu gyfuniad o swyddi.

Efallai y byddwch hefyd yn cael Grant Swyddi os yw eich partner yn dechrau gweithio o leiaf 24 awr yr wythnos ac o ganlyniad bod eich budd-dal yn dod i ben.
Mae’n rhaid disgwyl i'r gwaith bara am o leiaf bum wythnos, ac mae'n rhaid i chi hysbysu'r Ganolfan Byd Gwaith o fewn 21 diwrnod o ddechrau'r gwaith.
Mae’n rhaid i chi hefyd fod wedi bod yn hawlio un neu gyfuniad o'r budd-daliadau canlynol am o leiaf 26 wythnos yn union cyn symud i mewn i waith:

• Lwfans Ceisio Gwaith
• Cymhorthdal Incwm
• Lwfans Cyflogaeth a Chymorth
• Budd-dal Analluogrwydd
• Lwfans Anabledd Difrifol
• Taliadau Canolfan Byd Gwaith/Lwfans y Fargen Newydd lle mae'r lwfans yn seiliedig ar Lwfans Ceisio Gwaith, Cymhorthdal Incwm, Lwfans Cyflogaeth a Chymorth, Budd-dal Analluogrwydd neu Lwfans Anabledd Difrifol
• Taliadau Ardal Gyflogaeth lle mae'r lwfans yn seiliedig ar Lwfans Ceisio Gwaith

Nid yw unrhyw gyfnod lle nad oes hawl gennych i gael un o’r budd-daliadau uchod yn cyfrif tuag at y cyfnod cymhwyso 26 wythnos.

Ni chewch Grant Swyddi os:

• ydych wedi bod yn cofrestru’n ddi-waith i gael eich cyfraniadau Yswiriant Gwladol yn unig
• ydych wedi bod yn anfon tystiolaeth feddygol i gael eich cyfraniadau Yswiriant Gwladol yn unig

Bydd newidiadau i Grant Swyddi yn dechrau ar gyfer ceisiadau newydd am fudd-dal o fis Hydref 2012 ymlaen.

Golyga hyn ni chaiff taliadau newydd o Grant Swyddi eu gwneud o 1 Ebrill 2013.

Grant Swyddi – faint ydyw

• £100 ar gyfer pobl sengl a chyplau heb blant
• £250 ar gyfer rhieni unigol a chyplau â phlant

Sut i wneud cais am Grant Swyddi

Os ydych yn gymwys i gael Grant Swyddi, caiff ei dalu i chi yn awtomatig pan fydd eich cais am fudd-dal wedi’i gau.

Bydd angen i chi sicrhau eich bod yn dweud wrth y Ganolfan Byd Gwaith eich bod yn dechrau gweithio ac mae'n rhaid i chi wneud hyn o fewn 21 diwrnod o ddechrau gweithio.
Cewch eich talu yn yr un ffordd ag y caswoch eich taliadau budd-daliadau.

• Cysylltwch â’r Ganolfan Byd Gwaith Opens new window

• Sut y telir budd-daliadau a phensiynau

Effaith y Grant Swyddi ar fudd-daliadau neu gredydau treth

Mae'r Grant Swyddi yn daliad di-dreth ac nid yw'n gostwng budd-daliadau eraill neu gredydau treth y gallech ei gael pan fyddwch yn dechrau gweithio.
Os ydych yn gymwys ar gyfer y Grant Swyddi efallai y byddwch hefyd yn medru cael Budd-dal Treth Cyngor a Budd-dal Tai am gyfnod Estynedig.

• Cael Budd-dal Tai am gyfnod Estynedig

• Cael Budd-dal y Dreth Cyngor am gyfnod Estynedig

Grant Swyddi – rhagor o gyngor

Os gwrthodwyd Grant Swydd i chi , neu credwch eich bod wedi cael y swm anghywir, gallwch ofyn i'r Ganolfan Byd Gwaith ailystyried y penderfyniad.

• Cysylltwch â'r Ganolfan Byd Gwaith Opens new window

Mwy o ddolenni defnyddiol

• Lwfans Cyflogaeth a Chymorth (adran pobl anabl)

• Budd-dal Analluogrwydd

• Cymhorthdal Incwm

• Lwfans Ceisio Gwaith

• Lwfans Anabledd Difrifol