Gwefan llywodraeth y DU

Anhwylderau Cyhyrysgerbydol

Anhwylderau cyhyrysgerbydol (MSDs) yw'r math mwyaf cyffredin o afiechyd sy'n gysylltiedig â'r gwaith yn y DU, ac mae'r rhain yn cynnwys problemau fel poen yn rhan isaf y cefn, anafiadau i gymalau ac anafiadau straen ailadroddus. Mae'n bosib osgoi'r rhan fwyaf o anhwylderau fel hyn trwy wybod beth sy'n eu hachosi a sut mae'ch diogelu'ch hun.

Problemau cyffredin eraill

Gall problemau eraill godi yn y gwaith, gan gynnwys:

Llithro a baglu

Mae 30 y cant o'r holl anafiadau mwyaf a gofnodir bob blwyddyn yn digwydd oherwydd llithro a baglu.

• Llithro a baglu – darllen mwy Opens new window

Disgyn o uchder

Mae disgyn o uchder yn berygl ym mhob sector o ddiwydiant.

• Disgyn o uchder Opens new window

Dirgryniad

Gall dirgryniad beri effeithiau hirdymor ar iechyd os na fydd rhywun yn delio â'r peth yn iawn.

• Problemau dirgryniad Opens new window

Sŵn

Gall sŵn yn y gwaith beri difrod parhaol i'ch clyw.

• Peryglon sŵn Opens new window

• ‘Arbed eich clyw neu’i golli' (PDF, 1MB) Opens new window

• Cymorth gyda ffeiliau PDF

Mae gan eich cyflogwyr ddyletswydd gyfreithiol i asesu pob un o'r peryglon hyn mewn asesiad risg. Yn ogystal â dweud wrthych am y peryglon, rhaid iddyn nhw hefyd ddarparu gwybodaeth, hyfforddiant a chymryd camau gwarchod priodol i leihau'r risgiau sy'n gysylltiedig â'r peryglon.

Pethau i fod yn ymwybodol ohonynt wrth godi a chludo

Gall codi a chludo achosi poen yn y cefn. Cyn codi neu gludo llwyth, dylech ystyried yn gyntaf a oes angen symud y llwyth o gwbl - mae'n bosib y gallwch chi wneud eich tasg gyda'r llwyth yn y fan a'r lle.

Os oes rhaid i chi ei symud, meddyliwch a allwch chi ddefnyddio peiriant i'ch helpu. Os nad oes modd gwneud hyn, mae sawl ffordd o leihau'r risgiau, gan gynnwys:

• gwneud y llwyth yn llai neu'n haws ei godi
• newid y ffordd y trefnir y gwaith fel nad oes rhaid cario'r llwyth mor bell, a lleihau faint o dwistio neu godi sy'n angenrheidiol
• gofyn i'ch cyflogwyr wneud newidiadau i'ch man gwaith, ee cael gwell golau yno, gwneud y llawr yn fwy gwastad, neu wella'r tymheredd
• gwneud yn siŵr bod gennych yr hyfforddiant iawn i godi llwyth yn ddiogel

• Cyfrifoldebau iechyd a diogelwch gweithwyr

Cyfrifoldebau eich cyflogwyr

Mae'r Rheoliadau Gwaith Trin a Chodi â Llaw yn dweud ei bod yn rhaid i'ch cyflogwr:

• Mwy am gyfrifoldebau iechyd a diogelwch cyflogwyr

Beth i'w wneud ynghylch poen cefn

Os ydych chi'n dioddef o boen cefn, dylech ddal i symud gymaint ag y gallwch a rhowch gynnig ar dabledi lladd poen syml. Os nad yw'r boen yn mynd neu os yw'n gwaethygu, mynnwch sgwrs â'ch Meddyg Teulu.

Os mai eich gwaith sy'n achosi'ch poen cefn, neu os yw'ch gwaith yn ei gwaethygu, mynnwch sgwrs â'ch cyflogwyr yn gyntaf. Os oes gennych gynrychiolydd yn y gwaith, ee swyddog undeb llafur neu gynrychiolydd diogelwch, mae'n bosib y gallan nhw fod o help.

• Poen cefn - rhagor gan NHS Choices Opens new window

• Cynrychiolwyr iechyd a diogelwch

Help ychwanegol os ydych chi'n anabl

Os ydych chi'n anabl, mae'n bosib y bydd angen mwy o help arnoch i wneud gwaith llaw. Gall eich cyflogwyr gael sgwrs gyda 'Chynghorydd Mynediad at Waith' drwy'ch Canolfan Waith leol a fydd o bosib yn gallu helpu i dalu am unrhyw newid sydd ei angen, ee darparu offer codi.

• Mynediad at Waith – cymorth ymarferol yn y gwaith (adran pobl anabl)

Beth i'w wneud nesaf

Er mwyn lleihau'r risgiau pan fyddwch yn gwneud gwaith llaw:

• Sut i ddatrys problemau yn y gwaith