Gwefan llywodraeth y DU

Eich asesiad ariannol

Cyn i chi symud i gartref gofal, bydd eich cyngor lleol yn cynnal asesiad ariannol. Bydd y cyngor yn ystyried eich incwm a'ch cyfalaf ac yn penderfynu faint y bydd angen i chi ei dalu tuag at ffioedd eich cartref gofal.

Dyma enghreifftiau o incwm:

Gall eich cyfalaf gynnwys:

Cyn eich asesiad ariannol, sicrhewch eich bod yn cael yr holl fudd-daliadau y mae gennych hawl iddynt. Mae hyn yn bwysig oherwydd cyfrifir eich cyfraniad at ffioedd eich cartref gofal fel petaech yn derbyn yr holl fudd-daliadau perthnasol.

Ni waeth faint y byddwch yn gorfod ei dalu tuag at ffioedd eich cartref gofal, rhaid i chi gael £21.15 yr wythnos (£21.38 os ydych chi’n byw yng Nghymru) i'w wario fel y dymunwch. Os ydych yn cael elfen symudedd y Lwfans Byw i'r Anabl, byddwch yn dal i gael hyn. Fe gewch hefyd hyd at £5.25 yr wythnos o unrhyw gredyd cynilion os ydych dros 65.

• Canllawiau i gymorth ariannol ar gyfer pobl anabl (adran pobl anabl ac adran gofalwyr)

• Cymorth ariannol ar ôl ymddeol (adran arian, treth a budd-daliadau – cyffredinol)

• Dod o hyd i'ch cyngor lleol

Cyfalaf a gwerth eich cartref

Os oes gennych dros £22,250 o gyfalaf (£22,000 os ydych chi’n byw yng Nghymru), bydd yr asesiad yn tybio y byddwch yn gallu talu cost lawn eich gofal.

Ystyrir bod eich cyfalaf yn cynhyrchu incwm yn ôl y tabl canlynol:

Os ydych yn berchen ar eich cartref, fel arfer bydd yn cael ei ystyried yn gyfalaf 12 wythnos ar ôl i chi symud yn barhaol i gartref gofal. Ni fydd gwerth eich cartref yn cael ei ystyried yn gyfalaf os oes perthnasau agos penodol yn dal yn byw ynddo.

• Mwy am effaith ffioedd cartref gofal ar eich cartref ac asedau eraill

Cael eich anghenion wedi'u hasesu

Fel arfer byddwch yn cael asesiad o anghenion cyn cael asesiad ariannol. Gall eich cyngor lleol ddweud wrthych faint y maent yn ei dalu fel arfer am gartref gofal a fydd yn diwallu'ch anghenion.

Gallant wedyn drefnu cartref gofal i chi neu gallwch chi ddewis un ar eich cyfer sy'n codi pris tebyg i'r un y maent hwy fel arfer yn ei dalu. Mae hyn yn bwysig os ydych yn talu eich ffioedd eich hun i ddechrau ond yn meddwl y bydd yn rhaid i chi ofyn i'ch cyngor am help yn ddiweddarach.

• Asesiadau iechyd a gofal cymdeithasol

Beth os ydych chi eisiau cartref gofal drutach?

Gallwch ddewis cartref gofal sy'n costio mwy na'r swm y mae eich cyngor lleol yn ei dalu fel arfer ar gyfer person gyda'ch anghenion asesedig chi, ond efallai y bydd yn rhaid i chi ddod o hyd i ffordd o dalu'r gwahaniaeth.

Os gall y cyngor awgrymu lle sy'n diwallu'ch anghenion a'ch bod chithau'n dymuno symud i gartref gofal drutach, gall y cyngor wedyn ofyn i drydydd parti (perthynas neu ffrind fel arfer) dalu'r gwahaniaeth. Gelwir hyn yn 'ffi atodol'. Ni fyddwch yn gallu talu hwn eich hun gan eich bod wedi'ch asesu'n ariannol i dalu'r hyn y gallwch ei fforddio.

Os na all eich cyngor lleol awgrymu lle sy'n diwallu'ch anghenion yn eich ardal leol, dylent fod yn barod felly i dalu mwy na'r swm arferol.

• Mwy am ddewis cartref gofal

Gofal nyrsio a ariennir gan y Gwasanaeth Iechyd Gwladol

Os ydych chi'n byw mewn cartref gofal sy'n darparu gofal nyrsio, bydd y Gwasanaeth Iechyd Gwladol fel arfer yn cyfrannu £101 yr wythnos at y ffioedd i dalu am yr elfen nyrsio. Telir cost gofal rhai pobl yn llawn gan y Gwasanaeth Iechyd Gwladol; gelwir hyn yn 'ofal iechyd parhaus'.

Mae'r bobl sy'n gymwys i dderbyn y math hwn o ofal fel arfer angen triniaeth feddygol arbenigol barhaus a rheolaidd.

Gall staff yr ysbyty, neu eich meddyg lleol (GP), helpu i drefnu asesiad os ydych yn meddwl eich bod yn gymwys. Os ydych yn anghytuno â'r penderfyniad a wnaed ar ôl eich asesiad, gallwch apelio. Os yw'r asesiad yn nodi bod angen rhywfaint o ofal nyrsio rheolaidd arnoch, gallech dderbyn cyfraniad tuag at ffioedd eich cartref gofal gan y GIG.

• Dod o hyd i'ch awdurdod iechyd lleol (yn agor ffenestr newydd) Opens new window

• Cartrefi gofal ac ysbytai

Taliadau uniongyrchol

Bwriad y taliadau uniongyrchol gan eich cyngor lleol yw cefnogi oedolion i fyw'n annibynnol ac nid i ariannu gofal preswyl parhaol. Fodd bynnag, efallai y gallwch ddefnyddio taliadau uniongyrchol ar gyfer cyfnodau byr achlysurol mewn llety preswyl, os yw'ch cyngor lleol yn cytuno bod angen hynny.

Mwy o ddolenni defnyddiol

• Rheoli arian (arian, treth a budd-daliadau - cyffredinol)

• Cynllunio ariannol ar gyfer ymddeol (arian, treth a budd-daliadau - cyffredinol)