Gwefan llywodraeth y DU

Dosbarthiadau cyffuriau

Bydd pob cyffur yn cael ei ddosbarthu i un o dri chategori, yn ôl pa mor beryglus ydyn nhw.

Cyffuriau sy'n cael yr effaith fwyaf niweidiol yw cyffuriau Dosbarth A. Mae’r cyffuriau hyn yn cynnwys heroin, cocên, ecstasi ac LSD.

Mae Cyffuriau Dosbarth B yn llai peryglus na rhai Dosbarth A, ond gallant fod yn niweidiol os cân nhw'u camddefnyddio. Mae cyffuriau Dosbarth B yn cynnwys sbîd, canabis a rhai amffetaminau.

Mae cyffuriau Dosbarth C yn llai peryglus i'r defnyddiwr na chyffuriau Dosbarth A a Dosbarth B. Wedi dweud hynny, maen nhw'n dal i fod yn anghyfreithlon ac fe allan nhw fod yn niweidiol. Mae cyffuriau Dosbarth C yn cynnwys cetamin, GHB a rhai tawelyddion.

• Popeth sydd i'w wybod am gyffuriau a'u dosbarthiadau Opens new window

Bod â chyffuriau yn eich meddiant

Os cewch chi'ch dal â chyffuriau yn eich bag neu yn eich poced, mae'n bosib y cewch chi'ch cyhuddo o fod â sylwedd anghyfreithlon yn eich meddiant, a hynny os mai chi biau'r stwff ai peidio. Os ydych chi dan 17 oed, mae gan yr heddlu yr hawl i roi gwybod i'ch rhiant neu'ch gofalwr eich bod wedi cael eich dal.

Os ydych chi wedi eich canfod â chyffuriau yn eich meddiant, bydd y gosb gewch chi'n dibynnu ar ba fath o gyffur y mae'r heddlu wedi dod o hyd iddo a'ch hanes personol.

Os ydyn nhw'n dod o hyd i gyffur Dosbarth C arnoch chi a chithau heb hanes troseddol, fe gewch chi rybudd ffurfiol neu rybuddiad gan yr heddlu fan leiaf. Os byddan nhw'n dod o hyd i gyffur Dosbarth A neu B arnoch chi, neu os oes gennych hanes o droseddau gyda chyffuriau, rydych yn debygol o wynebu cosb lymach o lawer.

Dyma'r dedfrydau mwyaf posibl ar gyfer bod â chyffuriau'r gwahanol yn eich meddiant:

Fe all y dedfrydau hyn fod yn fwy o lawer os ydych chi'n delio mewn cyffuriau neu'n eu gwerthu - hyd yn oed os mai dim ond i ffrindiau y byddwch chi'n eu rhoi neu hyd yn oed os nad oes arian yn newid dwylo.

• Pobl ifanc a charchar

Bod â chanabis yn eich meddiant

Mae'r newid yn y gyfraith i ailddosbarthu canabis i Ddosbarth B yn golygu cosbau mwy llym i bobl gaiff eu dal â chanabis yn eu meddiant. Bydd yr heddlu'n gweithredu, a gellir eich arestio hyd yn oed os mai dyna'r tro cyntaf i chi gael eich dal.

Pobl dros 18

Os cewch eich dal â chanabis yn eich meddiant, yn ogystal ag ystyried eich arestio a chymryd y cyffur oddi arnoch, mae'n debygol y bydd yr heddlu'n gwneud y canlynol:

• rhoi rhybudd canabis i chi am drosedd meddiant cyntaf
• rhoi Hysbysiad Cosb am Anhrefn i chi (dirwy o £80 yn y fan a'r lle) am ail drosedd
• eich arestio os cewch eich dal â chanabis am y trydydd tro; gallai hyn arwain at euogfarn a chofnod troseddol.

Plant a phobl ifanc rhwng 10 a 17 oed

Os cewch eich dal â chanabis yn eich meddiant, bydd yr heddlu'n cymryd y cyffur oddi arnoch a gallant eich arestio neu eich atgyfeirio at Dîm Troseddwyr Ifanc. Mae'n debygol y bydd yr heddlu hefyd yn gwneud y canlynol:

• rhoi cerydd i chi a dweud wrth eich rhieni beth sydd wedi digwydd os mai dyma'r tro cyntaf i chi gael eich dal
• rhoi rhybudd terfynol a'ch atgyfeirio at Dîm Troseddwyr Ifanc os mai hwn yw eich ail drosedd
• eich arestio os mai dyma'r trydydd tro i chi gael eich dal â chanabis; gallai hyn arwain at euogfarn a chofnod troseddol

Bwriad o gyflenwi a delio

Mae'r cosbau ar gyfer cyflenwi cyffuriau'n llymach o lawer na'r rhai ar gyfer meddiant. Dylech gofio hefyd nad dim ond i ddelwyr y mae cyflenwi cyffuriau'n berthnasol. Os bydd yr heddlu'n meddwl eich bod yn bwriadu rhannu cyffuriau gyda'ch ffrindiau, mae hynny'n dal i gael i ystyried yn gyflenwi.

Mae'r heddlu'n fwy tebygol o'ch cyhuddo os ydyn nhw'n amau eich bod yn bwriadu cyflenwi cyffuriau, ond byddan nhw'n dal i ystyried faint o gyffuriau oedd gennych arnoch, a'ch hanes troseddu.

Y dedfrydau mwyaf ar gyfer bwriad o gyflenwi cyffuriau yw:

Cyfyngiadau eraill

Er nad ydyn nhw'n anghyfreithlon, mae cyfyngiadau ar werthu sylweddau eraill a all fod yn niweidiol os cân nhw'u camddefnyddio: