Gwefan llywodraeth y DU

Swyddogion Traffig: pwy ydynt a beth maent yn ei wneud

Mae tua 1,500 o Swyddogion Traffig o’r Asiantaeth Priffyrdd yn sicrhau bod rhwydwaith traffyrdd Lloegr yn rhedeg yn esmwyth. Ceir Swyddogion Traffig ar ddyletswydd 24 awr y dydd, pob diwrnod o’r flwyddyn.

Mae Swyddogion Traffig yn gwneud nifer o’r swyddi yr oedd yr heddlu traffig yn arfer eu gwneud. Maent yn gweithio mewn patrolau ar y ffordd ac maent yn cael eu cefnogi gan staff canolfannau rheoli rhanbarthol yr Awdurdod Priffyrdd.

Mae eu rôl yn cynnwys y canlynol:

• rheoli traffig a chlirio digwyddiadau er mwyn cael pobl i symud yn eu blaenau eto cyn gynted â phosib
• trefnu symud cerbydau sydd wedi torri lawr, wedi'u difrodi neu wedi’u gadael
• gosod rhwystrau symudol/dros dro i gau ffyrdd fel bo’r angen
• symud malurion peryglus oddi ar y ffordd
• monitro gwaith ffordd a llif y traffig

Swyddogion Traffig a’r heddlu

Mae’r heddlu’n gyfrifol am ddelio â digwyddiadau mawr ac ymddygiad troseddol, ond cyflawnir yr holl ddyletswyddau eraill yng nghyswllt y ffordd bron i gyd gan Swyddogion Traffig. Er enghraifft, pan caiff yr heddlu a gwasanaethau brys eu galw at wrthdrawiad mawr, y Swyddogion Traffig fydd yn rheoli’r traffig ac yn clirio’r malurion ar ôl y gwrthdrawiad.

Os bydd eich cerbyd yn torri lawr ar y draffordd, bydd Swyddog Traffig fel arfer yn gwneud y canlynol:

• sicrhau eich bod yn iawn
• symud eich cerbyd i’r man diogel agosaf (sef y llain galed neu loches argyfwng fel arfer) os bydd eich cerbyd yn torri lawr ar lôn brysur
• eich helpu i drefnu cludo eich car i’r garej
• rhoi cyngor i’ch helpu i gadw’n ddiogel wrth aros

Ni all Swyddog Traffig eich arestio am oryrru nac am yrru’n beryglus (er y mae’n bosib y byddant yn riportio hyn i’r heddlu).

Y pwerau sydd gan Swyddogion Traffig

Gan fod Swyddogion Traffig yn gyfrifol am sicrhau bod y traffig yn symud yn ei flaen, weithiau mae'n rhaid iddynt gau ffyrdd ac ailgyfeirio traffig.

Mae peidio â dilyn cyfarwyddiadau Swyddog Traffig yn drosedd, a gallai arwain at y canlynol:

• dirwy o hyd at £1,000
• ardystiad ar drwydded yrru neu gael eich gwahardd rhag gyrru

Swyddogion Traffig a chanolfannau rheoli traffig rhanbarthol

Mae Swyddogion Traffig ar y ffordd yn cael eu cydlynu a’u cefnogi gan gydweithwyr yn saith canolfan reoli ranbarthol yr Asiantaeth Priffyrdd. Mae’r staff hyn yn gwneud y canlynol:

• cysylltu â'r heddlu a Swyddogion Traffig ar y ffordd
• gosod signalau ac arwyddion uwchben y ffordd i roi gwybod i yrwyr am unrhyw oedi sydd o’u blaenau
• monitro Teledu Cylch Cyfyng a chadw golwg am yrwyr sydd mewn trafferth
• ateb galwadau gan ffonau argyfwng ar ochr y ffordd ac anfon patrolau pan fo angen

• Canolfan Rheoli Traffig Genedlaethol Lloegr

Ble i gael rhagor o wybodaeth

Os hoffech ragor o wybodaeth am Swyddogion Traffig a'u rôl, gallwch lwytho taflen gan yr Asiantaeth Priffyrdd.

• Download 'Highways Agency Traffic Officer' (PDF, 1935K)

• Cymorth gyda ffeiliau PDF

Os hoffech gael gwybod mwy ynglŷn â bod yn Swyddog Traffig y Ffordd i'r Asiantaeth Priffyrdd, gallwch gael mwy o wybodaeth drwy ddilyn y ddolen isod.

• Swyddog Traffig yr Asiantaeth Priffyrdd – mwy o wybodaeth Opens new window

Mwy o ddolenni defnyddiol

• Beth i'w wneud os bydd eich cerbyd yn torri lawr ar y draffordd

• Digwyddiadau a cherbydau'n torri lawr (Rheolau'r Ffordd Fawr)

• Cynllunio’ch siwrnai

Cysylltiadau defnyddiol

• Yr Adran Drafnidiaeth

• Transport for London (TfL)