Gwefan llywodraeth y DU

Cynlluniwr Taith

Mae Cynlluniwr Taith Cross & Stitch yn cynnwys yr wybodaeth ddiweddaraf am draffig a chyfrifiannell CO2. Gall eich helpu i ddod o hyd i feysydd parcio, i gynllunio taith diwrnod neu i gymharu teithiau car â theithiau'n defnyddio trafnidiaeth gyhoeddus.

• Cynlluniwr Taith Opens new window

Neu efallai eich bod chi am edrych ar atlas ffyrdd.

• Download map rhwydwaith ar gyfer Lloegr (PDF, 1084K)

• Cymorth gyda ffeiliau PDF

Cael gwybod am yr amodau traffig diweddaraf

Gallwch gael gwybodaeth fyw am draffig ar-lein drwy ddilyn dolen yr Asiantaeth Priffyrdd isod. Gallwch ddewis gweld cynllun ar sail map neu weld gwybodaeth am draffyrdd unigol.

• Yr wybodaeth ddiweddaraf am draffig yn fyw gan yr Asiantaeth Priffyrdd Opens new window

Mae’r wefan yn dangos y canlynol:

• cyflymderau ar gyfartaledd (o synwyryddion yn arwyneb y ffordd)
• y negeseuon y mae arwyddion negeseuon electronig traffyrdd yn eu dangos
• digwyddiadau byw
• digwyddiadau sydd i ddod a gwaith ffordd sydd ar y gweill
• y tywydd
• delweddau byw o gamerâu Teledu Cylch Cyfyng

Gallwch addasu’r wybodaeth a gewch fel ei bod yn cyfeirio at eich rhanbarth chi neu at draffordd benodol.

Gallwch hefyd danysgrifio i dderbyn negeseuon e-bost neu grynodebau RSS i gael yr wybodaeth ddiweddaraf ar gyfer rhanbarth neu ffordd.

• Tanysgrifio i gael y newyddion traffig diweddaraf drwy hysbysiadau e-bost neu grynodebau RSS

Gallwch hefyd ddefnyddio’r gwasanaeth hwn ar ffonau symudol sy’n gallu mynd ar y we. Mae’r fersiwn symudol yn defnyddio fformat syml ar sail testun er mwyn cyflymu amserau llwytho.

• Gwefan symudol yr Asiantaeth Priffyrdd Opens new window

Defnyddio rhaglen iPhone

Gall rhaglen iPhone yr Asiantaeth Priffyrdd roi'r wybodaeth ddiweddaraf am draffig yn fyw i chi ar sail eich lleoliad presennol.

• Rhagor o wybodaeth am raglen iPhone yr Asiantaeth Priffyrdd

Dros y ffôn

Mae gan Llinell Wybodaeth yr Asiantaeth Priffyrdd ar 0300 123 5000 gynghorwyr sydd ar gael i siarad â chi 24 awr y dydd. Gallant roi’r wybodaeth ddiweddaraf i chi am amodau traffig neu ddigwyddiadau. Gallwch hefyd ffonio er mwyn rhoi gwybod am faterion megis malurion ar y draffordd.

Mae gwasanaeth ffôn awtomataidd Traffic England ar 08700 660 115 yn darparu gwybodaeth amser real am draffig. Mae’n gweithio drwy roi gorchmynion gan ddefnyddio’r bysellbad a’r llais, ac mae’n rhoi manylion am y canlynol:

• gwybodaeth am draffig ar sail y ffordd, y rhanbarth, y dyddiad neu’r amser
• digwyddiadau sydd i ddod a fydd yn cael effaith ar draffig

Gwasanaethau testun ar y teledu

Mae’r prif wasanaethau testun ar y teledu i gyd yn cynnwys gwybodaeth am draffig. Edrychwch ar y canlynol:

• Ceefax
• BBCi
• Teletext

Edrych ar ragolygon y tywydd

Gallwch edrych am rybuddion am dywydd garw sy’n debygol o effeithio ar rwydwaith ffyrdd Lloegr ar hafan gwefan yr Asiantaeth Priffyrdd.

Dangosir gwybodaeth am rybuddion o lifogydd ar wefan Asiantaeth yr Amgylchedd.

Ar gyfer rhagolygon cyffredin, gallwch ddefnyddio gwefan y Swyddfa Dywydd.

• Hafan gwefan yr Asiantaeth Priffyrdd Opens new window

• Rhybuddion o lifogydd gan Asiantaeth yr Amgylchedd Opens new window

• Y Swyddfa Dywydd Opens new window

Gall y tywydd gael effaith sylweddol ar hyd eich taith – y mae’n bosib y bydd yn rhaid i chi fynd ar hyd ffordd arall, cychwyn yn gynt neu weithiau peidio â theithio o gwbl. I gael awgrymiadau ynghylch gyrru mewn tywydd garw, gweler ‘Diogelwch mewn tywydd eithafol’.

• Diogelwch mewn tywydd eithafol

Cofiwch

Er mwyn cynllunio taith ddiogel, gwnewch y canlynol:

• cymerwch seibiant o 15 munud am bob dwy awr o yrru
• sicrhewch fod eich cerbyd yn addas i fod ar y ffordd a bod ganddo deiar sbâr mewn cyflwr da
• ewch ag eitemau gyda chi y gallwch eu defnyddio mewn argyfwng, rhag ofn y bydd y tywydd yn boeth iawn neu’n oer iawn (e.e. dŵr, dillad cynnes, diod boeth)
• sicrhewch fod digon o danwydd yn eich cerbyd cyn i chi gychwyn
• peidiwch â chychwyn ar daith hir os ydych eisoes wedi blino

Mwy o ddolenni defnyddiol

• Cael Bathodyn Glas (adran pobl anabl)

Cysylltiadau defnyddiol

• Yr Adran Drafnidiaeth

• Transport for London (TfL)