Gwefan llywodraeth y DU

Newid yn yr amodau teithio

Os ydych chi’n bwriadu teithio yng Nghymru neu yn yr Alban, mae gwybodaeth fanwl am draffig a theithiau ar gael ar wefannau Traffig Cymru a Traffic Scotland.

• Traffic Scotland Opens new window

• Traffig Cymru Opens new window

Gwasanaethau ffôn ac ar-lein (gan gynnwys gwefannau symudol)

Mae sawl ffordd o gadw llygad ar yr amodau traffig a'r amodau ffordd ar-lein neu drwy ddefnyddio ffôn symudol. I gael rhagor o fanylion ynghylch cael gwybodaeth cyn i chi fynd, gweler ‘Cynllunio'ch taith’.

• Cynllunio'ch taith

Nid yn unig y mae Cynlluniwr Taith Cross & Stitch yn cynllunio eich llwybr, ond mae hefyd yn cynnwys newyddion byw am draffig, a gall ddod o hyd i’r maes parcio agosaf atoch.

• Cynlluniwr Taith Opens new window

Unrhyw bryd y byddwch yn stopio i gael seibiant, gallech hefyd gael diweddariadau traffig drwy:

• ymweld â www.highways.gov.uk/mobile o’ch gliniadur, ffôn symudol neu mewn caffi rhyngrwyd
• ffonio llinell wybodaeth yr Asiantaeth Priffyrdd ar 0300 123 5000, sydd â chynghorwyr ar gael i siarad â chi 24 awr y dydd

Mannau Gwybodaeth yr Asiantaeth Priffyrdd (HAIPS)

Anfonir crynodebau uniongyrchol gan Ganolfan Rheoli Traffig Genedlaethol Lloegr i’r Mannau Gwybodaeth er mwyn rhoi’r manylion diweddaraf i chi am draffig a hyd siwrneiau.

Mae Mannau Gwybodaeth yr Asiantaeth Priffyrdd yn darparu gwybodaeth fyw am draffig ar sgriniau mawr mewn lleoliadau cyhoeddus (megis ardaloedd gwasanaethau ffordd a chanolfannau siopa) ar a gerllaw y rhwydwaith traffyrdd yn Lloegr.

Gallant eich helpu i wneud y canlynol:

• gwneud penderfyniadau yn ystod y daith
• lleihau oedi
• osgoi ffyrdd sydd â thagfeydd pan fo hynny'n bosib

Dilynwch y ddolen isod i lwytho map oddi ar y we sy’n dangos lleoliad yr holl Fannau Gwybodaeth yr Asiantaeth Priffyrdd yn Lloegr.

• Download 'HAIP locations in England' (PDF, 1154K)

• Cymorth gyda ffeiliau PDF

• Canolfan Rheoli Traffig Genedlaethol Lloegr

• Dod o hyd i ardaloedd gwasanaethau traffordd yn Lloegr

Arwyddion negeseuon electronig

Ceir bron i 3,000 o arwyddion negeseuon electronig o amgylch rhwydwaith traffyrdd a chefnffyrdd Lloegr.

Fe gelwir yr arwyddion yn swyddogol yn ‘arwyddion negeseuon amrywiol’, oherwydd gallant newid y neges a ddangosir yn ôl yr amodau. Rydynt yn dangos er enghraifft:

• damweiniau ac argyfyngau o'ch blaen
• tagfeydd a llwybrau eraill
• negeseuon ynghylch hyd teithiau, yn seiliedig ar amodau traffig
• gwaith ffordd
• digwyddiadau presennol a digwyddiadau sydd i ddod a allai beri oedi

• Arwyddion negeseuon electronig

Llwybrau dargyfeirio os bydd y draffordd ar gau

Os bydd y draffordd ar gau am unrhyw reswm, bydd yr Asiantaeth Priffyrdd yn gwneud ei gorau glas i ddargyfeirio gyrwyr ar lwybr arall.

Fel rheol, bydd dargyfeiriadau sydd wedi’u cynllunio yn cael llawer o gyhoeddusrwydd ymlaen llaw, a bydd cyfarwyddiadau clir ar arwyddion negeseuon electronig ac ar arwyddion ar ochr y ffordd.

O ganlyniad i ddargyfeiriadau annisgwyl, a achosir fel arfer gan ddamweiniau traffig, weithiau gofynnir i chi adael y ffordd heb fod llwybr arall clir wedi'i farcio.

Mae’r Asiantaeth Priffyrdd ac awdurdodau lleol yn ceisio darparu llwybrau eraill sydd wedi'u marcio’n glir o amgylch traffyrdd a chefnffyrdd, er mwyn eu defnyddio yn ystod dargyfeiriadau annisgwyl. Mae amryw eisoes yn eu lle. Defnyddir blychau melyn â symbolau du arnynt i farcio'r ffyrdd. Dilynwch y symbolau, a byddant yn eich arwain yn ôl i'r draffordd neu'r ffordd yr oeddech yn teithio arni.

• Download 'Signs for traffic diversions' (PDF, 170K)

• Cymorth gyda ffeiliau PDF

Gwybod ble rydych chi

Mae’n bwysig i chi wybod eich lleoliad os:

• bydd eich cerbyd yn torri i lawr
• cewch chi ddamwain
• bydd angen i chi roi gwybod am rywbeth i’r Asiantaeth Priffyrdd neu’r gwasanaethau brys

Os byddwch yn ffonio gan ddefnyddio’r ffôn argyfwng ar ochr y ffordd, caiff eich lleoliad ei drosglwyddo’n awtomatig i’r ganolfan reoli. Ond os byddwch yn ffonio oddi ar unrhyw ffôn arall, bydd angen i chi ddweud wrthynt ble rydych chi.

Os ydych chi'n gwybod beth yw enw’r draffordd ac i ba gyfeiriad roeddech yn teithio (pa ochr i'r lôn), gallwch ddyfynnu'r rhif ar y pyst marcio bach glas ar ochr y ffordd i ganfod eich union leoliad.

Os na allwch weld postyn marcio neu os bydd angen mwy o wybodaeth arnoch, chwiliwch am arwydd lleoliad mawr glas i yrwyr.

• Sut mae rhoi gwybod am eich lleoliad

Rhoi gwybod am unrhyw broblemau a welwch

Bydd rhoi gwybod am broblemau, megis malurion ar y ffordd, yn helpu i leihau oedi a risgiau i yrwyr eraill. I roi gwybod am broblem, ffoniwch linell Wybodaeth 24 awr yr Asiantaeth Priffyrdd ar 0300 123 5000.

Cysylltiadau defnyddiol

• Yr Adran Drafnidiaeth

• Transport for London (TfL)